腳痛未瞓過,70週年閱兵直播,兩粒消炎藥行得,連城廣場越南嘢,配眼鏡2088,晚足球送飯4人食.

昨日家居改革,擒高爬低,做到對膝痛到唔行得,趌跛跛12點鐘瞓,尤其左膝伸吓都痛,瞓到4點頂不住,要起來走出梳化挨住瞓,實在太痛都係啪粒消炎藥,笠住個耳筒半瞓下,一直挨到7點多鐘.

個仔出門番工,我才洗個面,腳還是痛到趌跛跛,同樣鼻水噴嚏齊來,上陣網食早餐.
唔夠瞓烏吓烏吓又9點多鐘,直播抗戰70週年閱兵,實在太眼睏,睇吓恰吓才看完.
到1點多鐘對腳似好啲,但依然未掂,為有食兩塊餅乾又整多粒消炎藥,就係咁在梳化瞓吓醒吓到3點鐘老婆放工.
新抱今日放假,老婆要配眼鏡,咁就一同過市廣場同老婆會合,還有個仔放工來緊,過到市廣場咁啱有嘢睇,又邊望吓等個仔到.

4點鐘個仔到,齊齊上連城廣場揾嘢食,今日假期人多到乜,就找間最少人既食市,就這裡等候不夠5分便有位,每人食個下午茶共144元.

吃後便上6樓配眼鏡,老婆要配兩幅,一幅睇電腦用共1800元,我就求其配副老花,電腦上網用288元,三幅合共又2088元,.
配完眼鏡就同個仔,兵分兩路,佢倆行街街,我就同老婆買餸,行轉沙田街市買有蠔20元,百佳買有方包8.9蚊,排骨16蚊,奇異果8隻15.8元.
返回自己街市以經6點40分,街市以經在收,嗱淋趕及買扎通菜3蚊返歸.

夜煮飯料有通菜3蚊,排骨16蚊,蠔20蚊,雞蛋兩隻2蚊.
煮飯時適逢世界杯外圍賽,中國對香港直播,為有煮吓睇吓.

 煎蠔餅

 腐乳通菜

 蒜蓉豆鼓蒸排骨

世界杯足球送飯4固人食,今餐盛惠41蚊

 

飯後果奇異果.