睡來可以,匯景尊揾我,個妹到有手信,大乜樂食中午,極度唔開胃,5個人食.

昨晚11點半鐘以經瞓,一覺瞓近今早8點鐘,笠個耳筒賴到9點鐘,見有陽光曬入屋,嗱淋起來將衫晾出窗,搞掂才洗面搞早餐食,餐後量血壓130/72-56,食埋今早藥,辦埋大事才9點多鐘.
上陣網10點多啲,少有電話響,原來係個妹,問得閒無?奇怪?原來話過來,好,係嘛來囉,
收線無耐,又電話響,原來係匯景?哈!六合彩唔見我中,點解次次都揾我,記憶所及,連續三次旅行都揾我,上次無填意見書都揾我?好,又同你傾吓,問我導遊做成點?我為有照實講,年紀輕經驗少啲囉,但好勤力好用心去做囉,值80分嘅,講完一切,佢有問對公司有乜意見,我話你認識威龍?佢話識,我話佢最近又遇搶食團友,搞到我參團興趣都大減,搶食客好難講,又唔關你哋事,哈!佢又話反影比公司聽喎.
收線後個妹便到,原來個仔同佢日本旅行來?送我手信,問佢跟團定自由行,佢話東贏遊喎,哈!再問其他,佢就乜都唔知LU?
兩兄妹無嘢好傾,傾大佬傾家姐傾父母賺勞氣,係傾吓我啲子女激氣事,我講襯佢句句都話,係咁架啦,我話喱啲叫尊重,若果我有名望,有名有利,睇吓佢哋會不會這樣對我,一定以我為榮,敬佩我囉,唉!講極你都唔明?嘥氣.

 
 原來係芝士餅仔.

坐咗輪1點鐘,猛叫去食飯,我話老婆放工啦,去飲茶啦,佢又話唔囉,要趕住番歸喎,話口未完老婆返到,齊齊大乜樂啦.
大乜樂老婆又食咗飯,我又未有咁早,個妹就要個肉醬意粉,我為就叫個四寶飯,老婆話你坐啦我買啦,老婆排隊時,佢又話要杯奶茶.
到老婆拿來肉醬意粉,個妹覺份量太多,就分些過老婆食,
 
  而我個四寶飯就嚇襯,啲餸多過飯以幾倍.
 
都係咪搞,嗱淋去轉過外賣飯盒,留番些餸返歸入雪柜,今晚食好過.

吃後個妹就要走,我同老婆就返歸.
回家才兩點多鐘,老婆又開電腦開工遊戲,有馬跑睇咗兩場便趕走老婆,我要賭馬呀,老婆為有另起爐灶用另部腦.
踱來踱去還是唔識賭,10蚊無買又5點鐘,要買餸,同老婆樓下買點菜,回家老婆處理煲落湯,之後輪到個女用廚房,唉!等你用到夠,我就索性梳化恰眼瞓,到個女攪掂都成8點鐘,才來煮飯.
 
鹹魚肉餅蒸豆腐,
 
 蕃茄蛋,
 
灼淥菜芯苗,
 
 什豆煲瘦肉
 

 
又成9點幾才開飯, 人齊5個人食,唉!我都無胃口爬兩啖都唔食.