睡來唔錯,整朝上網,游水600m,大圍拮嘢買餸,晚煲粥炒腸粉.

昨晚12點鐘前都瞓,一瞓今晨7點多,手機聽歌賴床8點半鐘起來,睡來唔錯,洗面番木耳漿食,弄早餐還是鮮奶麥皮同韮菜煎薄撐食,

餐後量血壓117/73-56食過今早藥辦大事,搞掂一切又10點24分,今日事上網.
看陣新聞便轉去睇youtube,哈!看見這個妹仔唱歌,又唱得幾好,唱得好搞笑,十足朱咪咪嗰隻,摷吓佢料,原來yy直播平台主播,番唱二手歌.
https://www.youtube.com/watch?v=wIaIuqvVE2E
一看12點多,太眼睏梳化恰陣,個仔蒲頭,原來兩公婆放假,諗番昨日12蚊買來的適量器,試極都無個樽啱,有點不憤氣,於是又摷過另外啲樽試試,哈!又比找到個樽口較大啲,啱啱好可用,咁都好無嘥到.
 
1點多鐘執嘢去游水,烈日當空,執多件T恤,到時穿著來游.
過到泳池1點31分,更衣室搞掂一切上池,陽光普照,突然下起大雨,稍熱身1點45分冒雨下水,一條氣游佢600m,游兩游以經無雨,太陽出來了,游至2點17分,600m夠數走人.
更衣室見呀王睇手機,問佢佢搞乜鬼,佢話個天氣apps唔準,我話易啦,換過個另apps便得,無戴眼鏡盲摸摸的我,為有語音去個play商店搜過另apps,哈!原來天氣兩字用廣東話係唔得?要用普通話來講才OK,搜了一堆天氣apps出來,佢指住個圖案就係喱個,我話咁多個睇吓邊個啱用?哈!佢話不用睇就喱個,佢話喱個以前用個喎,見佢咁堅持,就幫佢裝上.
搞掂便沖涼,搞掂一切至電個老婆,今晚得我同老婆食喎,咁就無須買餸,誰知老婆話無廁紙呀,唉!咁就要過大圍,就拮嘢加等.
同呀王吹陣水便過大圍,過到拮嘢加3點17分,老婆還未到,稍後來到,還是以往一樣,飯餐兩個42蚊.
 
用餐其間,後便兩個男客人,一個大講世界歷史,有紋有路,夾雜啲英文,聽落好有料,口吻十足教授級,另個聽得入神,講俄羅斯彼得大帝來由,蒙古成吉思汗,蒙古分東同西部,人種唔同喎,成吉思汗係東部人喎,又講現時戰機,泰國皇子渣F16喎,講來言之鑿鑿,聽得我津津有味,但一講到大陸,哈?就垃圾到無人有,軍事嘢全部無得打,武器同人差幾皮喎,其實佢講中國,由古代講到現今,都係有彈無讚,對中國對中國人極之不滿的人,聽咗好一會我同老婆都走LU.
聽咗好一會才同老婆離開,行轉街市,真係身水身汗,買來有廁紙兩條46蚊,麥方包9.9蚊,茜芹6蚊,車厘子18.9蚊,毛巾仔三條10蚊.合共90.8蚊.
 
老婆還是堅持踱回家,還是挨城河學校邊,踱吓坐吓回家.
回家5點47分,老婆處理煲落粥,我就上網寫我今blog,7點25分我來炒腸粉,料有昨日食剩妃子雞,腸粉5蚊,甘菇一包1.3蚊同甘筍.
 
8點07分食得,同老婆兩份食,個女夜返留粥喎.
甘菇甘筍炒腸粉,
 
雞粥

兩個人食1夜返留粥.

 粥後車厘子.