睡來唔錯,整朝寫blog,三人下午茶,賭馬獻20,晚飯三人食.

昨日第五次北上睇牙,亦是最後一次,左試右試副假牙,終於完成,非常難頂,好唔自然,老婆杜牙根亦封頂完成,唉!總算了咗件.

奔波咗大半日,昨晚12點前都瞓,夜所一劑瞓到今早7點多啲鐘,賴床到8點多起來,老婆休息8天,晨早已返工.

8點多爬起來,搞掂一切便上網,看陣新聞才諗起英西兩天還未寫完,於是埋頭係咁寫,突然鎖匙開門聲?原來老婆放工番,嘩?乜1點幾鐘?跟住新抱蒲頭,放假喎?

今日跑馬,咁就刨吓馬仔,新抱話要落麥記買早餐,有無人要食,我話麥記食物唔要得,不如齊齊大乜樂下午茶啦.

齊齊大乜樂,老婆鐵板烏冬餐31蚊,新抱炸肶沙律餐34,我就迷义餐27,合共95元,假牙難用,义燒更難0趙.

吃過坐夠新抱走先,返歸執房搞衛生喎?我同老婆就行超市同街市,買有特價安琪梨9蚊,菠菜一扎7蚊返歸.

回家4點45分,繼續我賭馬,去到尾場本來買2搭14,正Q同位置Q,可惜嫌熱,轉買2搭9,卻跑出2搭14,咁就瓜得.
錢輸晒,嗱淋寫埋篇blog出街,了件事,5點多個仔返,6點多鐘兩公婆有節目,朋友百日宴飲喎,今晚不吃飯.
夜點煮飯,呀茂整餅,料有木耳,莞茜,菠菜,腐竹,紅蘿蔔同包炸菜.
 

8點鐘個女來電,話上來食喎?又話要飲湯喎,咁就買點牛丸上來啦.



又成9點半鐘開飯,有阿茂鮮竹卷

菠菜滾牛丸,三個人食.

飯後果安琪梨.