韶關 帽子峰 麗宮國際温泉酒店三天(1)

2017年11月21日   韶關 帽子峰 麗宮國際温泉酒店三天

團費599+保險63+小費180 兩位X2=1684元

昨晚穩陣起見,臨瞓啪多粒消炎藥,11點鐘瞓落床,閉目下好耐才瞓著,不覺晨早0540閙鐘閙醒,睡來意外理想,梳洗吃過早餐0630出門,大圍站要等兩班羅湖車.0652才有落馬州車到,要有位坐都有幾渺茫,以經走到頭卡,結果都係坐滿,本來都有的,但邊夠人快吖,為有門口企,企咗陣,有人拍拍我,讓坐過我.當然一句唔該坐下,坐下望望位人兄,打扮似足大陸人,手持東芫紙手抽,身材健碩年紀都唔細,真難得,而在坐年青人個個都埋頭手機,都理解搭得咁早班車,大多數都落馬洲,又有誰讓吖?

0725到落馬洲站,站內去個所,0740過關,順利過到福田0756,便11號閘103旗報到,報到後稍等,8點鐘見還未叫集合,於是埋去導遊了解吓,原來有兩個未到,還問我上水過到來要多少時間,我話大約20至25分鐘啦,佢話個客以為8點半鐘喎?

8017終於出發,還是行到水圍上車,見出發問聲導遊,人齊了咩?他說有團上友催出發喎?嗰兩個客到時有同事帶佢趕來喎?

12分鐘來到水圍,等咗好耐,整條街旅巴都走清光,而我們部車遲到0844才到,連遲到兩個上水客都趕到,終於人齊出發.

0920來到深圳灣第二站接團友,等咗成粒多鐘,係人都要去吓所,女廁更大排長龍,

老婆為有走第二個所,誰知一樣的大排長龍,足知要我在外便等咗好耐,老婆才現身.

返回車場上車,成0937才出發,整團39人,導遊例介紹一番.
導遊姓文,講輪老套笑話,我就唔識笑?口又窒,不停要重覆,講者辛苦,聽者更辛苦,唉!甩甩咳咳的,文仔你有邊怱似做導遊?跟匯景咁耐,相信最差都係佢你.
話咁快1054來麻涌,落車放放水.

兩個多小時車程,1332來食到這裡英德市381县道,食我們第一餐午飯.

菜色一般.

飯後腳痛還有,都係又啪粒消炎藥,買少見少,得番3粒咁多,啪過藥例行wifi,搞咗好耐,wifi 就有,但whatsapp 就唔得?可能這裡唔掂卦?為有放棄,還有時間周圍岳吓,飯店好像個山寨,高高在上,易守難攻之勢,拍輪照,他媽的,手機套轉咗按,鏡頭被膠套遮咗,怪不得所拍的相有點矇?弄返好又拍過.


土產部堆滿團友,旅程剛始,團友以經急不及待.

拍輪照又出發.
大概粒多鐘,張近到酒店,導遊要收回鄉証,起初都給了他,後來諗吓,佢似乎失魂多啲?穩陣起見,等佢收完回頭,同佢攞番兩張証件,影番張留底,以防萬一.
1430來到概團入住地方,麗宮國際温泉酒店,

聽導遊講,剩係匯景今日有四團,其他驟眼見都好幾間旅遊公司,還有國內大陸客,還好大堂夠大,
老婆去取房咭,我就坐埋一邊wifi上網,剛才午飯試過?明明有wifi ,但無法whatsapp,以為大酒店,一定掂?誰知同樣都係有wifi不能whatsapp,於是問句職員,職員指住個whatsapp logo灑手令頭,話微信可以喎?這時才醒起聽聞過大陸封殺令,唉!都唔駛諗.
接過房咭375房,同老婆上房,環境唔錯,整間酒店,依條河設計,兩邊河流,房間寛敝,對正一望無際無敵景.

放下行理,急不待要做嘢,諗過踱過,都係不換浴袍前去温泉區,因為温泉區有兩個選擇,一個係零下十五度的冰國歡樂世界,浸完去嘛變冰條?決定都係原底衣著去.
去到問明一切,原來可以不入温泉區,從外圍灣過去.

去到免費借穿件羽絨一件,進入個大雪柜,進內所見,叫大不算大,在零下十五度下,又要等候人家拍完,又要就燈光,嘩!逗留多陣,手指都硬晒,哈!還有瀡瀡滑梯,都咪搞,逗留咗18分鐘,頂不住都走.

出來便是GYM房,簡簡單幾件器械,大多數都壞,

見還有點時間,一於入温泉區,睇察吓環境都好.

離開温泉區直接去中餐廳,同温泉區一樣要行條橋過樣去,可見去地方幾大.

場面墟撼,實在太多團,菜料一般,跟匯景已來算最差.餸菜碟頭就多,但無厘睇頭呢.

草草吃過1919都走,返回房間歇歇,8點鐘又來浸温泉,今回老婆才正下水,由於夜咗外便啲池都唔敢去,就在室內影吓相浸吓算,離水實在方太凍,為免冷襯,浸到2115都走,縮吓縮走回更衣室.

返回房間10點鐘,每次温泉都有小食券,但一張都無用過?券用到9點鐘,入到來都差不多夠鐘.

這晚早早沖妥涼,11點鐘都瞓.

下篇再續.