鼻嚴重發作,右手碗痛,鼻難頂要出走,大樹菠蘿下踩轉沙田,累得要C,公園瞓陣,食大家樂,消炎藥,晚飯老婆主煮5個人食.

昨日游完水右手又痛,看來要食消炎藥都似,夜無波睇,網上又摷不到有,無偈為有youtube完,11點幾鐘都瞓,12點幾鐘聽見入門聲,個仔同新旅行返,冇耐我都瞓著.

一覺就今晨0555醒,老婆在返工,唉!我個鼻三粒傷風藥,好不夠三日又來,鼻水失控,鼻塞到唞不到氣,係咁打噴嚏,床頭呻落大桶落廁紙,辛苦到頂不住.

6點多鐘為有起來,煲點熱水敷吓順便洗面,都係一樣塞C,煮好早餐上網,食又難梗,手碗痛揸羹都唔掂,寫下今早事.剛好七年前今日,北京內蒙又是精彩一日,於是又分享過啲友望吓.
餐後0902量血壓131/78-54,食今早藥,辦大事,唉!右手碗真攞命,痛極都要搞掂,0930又鼻水又手痛,都係無得留低,一於要出外走走.
落到街拿了部單車,踩到垃圾站,見到棵大樹菠蘿,嘩!生到滿樹都係?於是踩返轉頭,樹蔭下坐欣賞吓棵多子樹,

影吓相分享吓啲友,華仔就電話到,問在那裡?在大樹菠蘿下囉,他說撇下老婆同我踩轉單車喎?好你嘛嚟囉,收線後不久落起大雨來,為有走避一吓,才發覺另棵樹,頂頂有茘枝,但較低啲就無晒LU,好想試甜唔甜?

雨停又在大樹菠蘿下等華仔,華仔到幫忙拍番兩張照,

然後就單車之旅,帶佢從隧道彎過曾大屋,來到這裡佢要享用吓這個廁所,搞掂後同我講,唔係你帶真係唔知有個咁地方?
穿過隧道曾大屋在望,佢竟然話唔知這是著名嘅曾大屋喎?哈!真係比佢笑C,住沙田咁耐?又會咁大鄉里.

來到沙角邨,啲鴿真係唔怕人,餵食餵到當啲人C嘅.

見佢對沙田咁嘟?於是帶佢去下個古蹟,王氏祠堂,哈!咁啱有個司機大佬,襯機拜拜個土地,又係嘅?保佑平安嘛.

實在太熱無風,同華仔踩出城門河邊坐.
途經威爾斯醫院外個圓洲角公園門口,搞乜Q呀?又會咁Q多人?齊齊在篤手機嘅?啊?大概有免費wifi卦?

離開踩到出來城河邊坐,吹陣水,華仔有事辦要走喎?

 咁就回程,踩到平時同老婆坐開地方,華仔就返歸,我就找個樹蔭下椅坐,手機上上網,又累又眼睏,涼風下終於瞓著.

一瞓兩點多啲鐘醒,嘩!個屁股痺晒,鬼咩!木條椅坐咗咁耐?唔痺有鬼,籮友痛呀?玩陣手機,做條片後剛好無電,於是打道回府.
回家1430鐘,新抱以經出咗街,開電腦寫陣blog,3點鐘老婆返,老婆搞掂一切齊齊落大家樂下午茶.
大家樂老婆29燒鴨瀨餐,我就越南札肉豬扒河餐同様29蚊,嘩!豬扒多到?河粉又多?但湯底就鹹咗啲,加啲滾水囉,吃過飽飽,差點忘記手碗痛食消炎藥.

吃過坐夠訊息到,無戴眼鏡下,以心為心,有訊息梗係唔食架喇?於是OK手勢回應,然後示意過老婆知.離開大家樂,街市節瓜平靚4蚊斤,同老挑兩隻3.5蚊返歸.
回家4點多鐘.老婆又電腦上網,我就手機.1730個女訊息到,又話上來食,才再望真啲個仔訊息?原來今晚佢兩個食喎?哈!真天大烏籠?大佬食又通乜鬼吖?示意過老婆,老婆才放下電腦落街多買點菜.
話之理上網寫陣blog先,粒消炎藥確駛得?粒多鐘隻手以經無痛,打字打得自如,1840新抱返,一田買咗隻燒豬隻手返,120元喎,

2052開飯5個人食.