睡來唔錯,老婆放假,早餐麥當奴,行轉觀塘海濱花園,沙角食麥記買餸返,晚飯4人食.

昨晚飯後網上英超,阿先奴對曼聯,看到12點半鐘,太辛苦都係去瞓,夜所兩劑,瞓到0633夢醒,個夢見被人偷去銀包,明知係佢偷,但奈佢唔何,就係咁氣醒,原來係發夢.之後還好瞓返.
一瞓就0825醒,收音機千禧年代,天星碼頭大媽事件,一聽成9點鐘,老婆放假亦醒,齊齊起來.
辦妥一切事務,10點鐘量血壓129/73-46便齊齊落商場早餐.商場諗住兩個人大家樂食個中午飯?但又無嘢飲?不如食麥記啦,入到麥記1055,老婆叫餐,我話還差5分鐘就10蚊兩個包喎?老婆話費事等又無嘢飲喎?咁就兩公婆佢25我18餐.

餐到話口未完以經排晒長龍,買10蚊兩隻包LU.

吃過坐輪,同老婆講忘記帶今早藥,不如返歸先?老婆又話唔好,叫我坐等,佢返歸攞喎?
老婆回來,食過今早藥,我話兩處地方去,(1)就清水灣行沙灘吹風,(2)就近近哋觀塘海濱花園.
老婆話觀塘海濱長廊,咁就搭程車出觀塘碼頭.
出到觀塘碼頭1236,就同老婆沿海旁向九龍灣方向,穿過汽車渡輪碼頭來到觀塘公眾碼頭,嘩!似乎露宿者碼頭多啲?唉!唔規管同大媽佔領天星碼頭有何分別?

離開露宿者碼頭便是觀塘海濱花園.
沿天橋底一直伸延,橋底好遮陰,海風吹來,靜靜哋坐吓,係幾舒服.

沿途有兒童玩設施同運動設施,廁所都好幾個,有茶座食件餅坐吓都唔錯?

行行坐坐,啲設施怪怪,

1445終於來到盡頭,同老婆走與唔走之間?唉!都係走人?便行出觀塘道搭程車走LU.

搭程車返回沙角邨1530,商場麥記食10蚊兩個包,老婆5蚊汽水我13蚊杯奶茶,另兩個打包返歸.

其間老婆走去萬寧156買兩盒染髮液.

坐夠沿路超市買餸返,買有雞蛋一排25蚊,咖汁焗豆兩罐15蚊,冰雞肉10蚊,新鮮瘦肉27蚊,啤梨4隻5蚊,火龍果3隻7蚊,街市5蚊菜芯.

回家都6點鐘,老婆處理菜料,我就上網寫寫blog.
2042開飯,有梅菜蒸瘦肉,炒芥蘭,香煎午餐肉,4個人食1夜返留飯餸.

飯後果火龍果.