生涯(1)第一份工.1963彌敦道345號

讀書不成,年年留級,小學未能畢業,一嚿雲我,終於要出來社會工作.

我未能畢業的母校,香港學校.

父親從事建築,係個木工判頭,認識的都係建築行業,我哥哥大我兩年,就順道入行建築,父親想我們日後有份安穩啲工作,就入行學師做墨斗學師,墨斗學師又叫墨斗仔,跟住師傅撳墨尾,係份長散工,長散工起碼有一個地盤長工作,滿師可進升月薪墨斗王,再升可做管工,墨斗工作係跟據圖則施工,一比一在工地刻劃,讓其他工種跟著繩墨施工興建.

1963年6月就輪到我入行,入行第一個地盤就係油麻地彌敦道345號,樓高16層高,有地牢,公司名稱大生建築公司,當年建築業大部份工種都係散工,而墨斗學師就長散,比較穩定,人工日薪5元,朝8晚6,中午食飯一個鐘,有三点三飲茶時間休息,長散返工有錢,唔返工就無,無病假無假期,有時靠管工体卹病就唔扣你錢,有時加吓班做吓其他工作,開夜就4粒鐘一工,補水就兩粒鐘為半工.15天一期糧,每期有三兩工補水幫補吓.

地盤完成後就富都酒店.不過都已經拆卸.

1999年7月就今日的九龍永安中心.