12月14日(四)睡可神差,嫲醫療車,衰豬失puzzle,游水500,茶大家樂個B禁手機,訂盆菜,晚同老婆食.

2023/12/14   星期四   雨   23C

昨晚夜馬無賭,睇至尾場11點鐘瞓,一覺0410去所,所後就瞓不返,捱咗粒多鐘才瞓返,瞓到今早0720醒,手機賴床.

9點鐘起床,老婆跟住,新抱B已返學,我就烚水搞早餐,9點半老婆出街,問佢去邊?佢話攞籌喎?才醒起今日星期四,問佢點解又睇?佢話你咪理啦,好,咁就唔理,0958早餐.

餐後辦事唔多掂,精神叫做好啲,都係入房攤床瞌吓,老婆醫療車睇完返,跟住又出門去湊B放學.

1224嫲嫲B返,衰豬又有禮物返,係個150puzzle,係都要開咗個盒,同佢開咗後,轉身就拆開埋包puzzle,散到一枱都係?我就教佢要小心,失咗塊就唔掂,誰知話口未完,隻手亂咁來,了咗粒落枱罅,大鑊枱底好多嘢?點揾呀?當堂閙到佢飛起,衰豬喊到七彩,於是搬開啲雜物才揾回出來,搞掂我都執嘢去游水.

搞到我成1點鐘才出得門,1306單車起步.過到泳池1317,更衣室搞掂一切,池面熱身,泳客唔多,得廿零人,1333下水,100m的游,游夠500m,1408夠數起水走人,更衣室沖個勁熱水涼,都唔敢沖太耐?怕心臟頂不住,1423離開泳池,返回車場1449,call老婆食大家樂.

1500嫲嫲同個B到,我就米粉餐,個B就要個粟米司冶餐,合共56蚊,餐未到衰豬又要手機,餐到手機就沒收,衰豬吃過又來要手機,今鋪唔鬼比佢,我話要就自己走開睇,唔好跟住我,衰豬無奈為有唔要手機,餐後老婆訂盆菜,訂咗個698炒飯盆菜走人.

離開上惠康,28級梯還可以,13.5蚊買嚿麪包走人,跟住街市嫲嫲買菜,買有瘦肉24蚊,菜芯7蚊,椰菜,節瓜,佛手瓜20蚊,離開又同個衰豬去滑梯度玩,去到梯有雨水無得滑,就由佢擒吓玩吓才走.

回家1622,游完水有點累,我都攤床唞吓,5點多個B老豆返,嫲嫲就講個衰豬puzzle單衰嘢,跟住佢老豆一數,原來唔見咗三塊咁多,終於都係揾番一塊?冇耐佢呀娘都返,唉?我都無你咁好氣.

1906老婆煮妥開餐,兩個人食,有蒸鱸魚,肉片炒佛手瓜,替我炒咗碗义燒蛋冷飯,非常好味.