8月3日(六)睡好/稍好,個女留宿,三口子北上,洗光波爐,整日在家睇奧運,晚母女街食,我煮麵食.

2024/08/03   星期六   晴   32C

昨晚成12點鐘瞓,旱有一覺今晨0609醒,去所後就瞓不返,手機賴8點半鐘起床.

起來如常烚水搞早餐,老婆起床個女入房瞓,三口子陸續蒲頭,執嘢準備北上,0932我都早餐.

餐後辦埋件事,1041三口子出門,大梅沙兩日一夜喎.

出門後我就挨梳化瞌眼瞓,一瞌又一個上午,1305老婆開餐,我就飲碗隔夜冬瓜煲鴨湯,個女攤夠蒲頭.

湯後三人風扇下整日在家看電視,無聊我洗乾淨個光波爐,千年油漬洗餐懵.

5點多老婆話今晚唔煮叫出街食?衰女又話唔食大家樂,諗吓谷鬼氣都唔鬼同你哋食,零願在家淥個麵食.

母女出門後 淥個麵煎兩隻蛋,食埋啲隔冬瓜鴨湯,吃後沖半劑補中藥.

8點鐘母女返,話食百份百喎,吃後惠康買咗三樽沐浴露85.9蚊返.

回來沖涼後開冷氣,睇電視睇奧運瞓覺.