老婆放假,重遊舊地,灣仔行.(一)

2015年5月4日 星期一

幾日前老婆話5月4號今日放假,我話不如來次港島行山,由灣仔行去香港仔,然後剩車返,老婆興致勃勃話好,到今早我6點起來,老婆還在瞓,見好日唔休日息,就讓她瞓多陣.

我就個人食我早餐,吞拿魚醬包+杯稀朱古麥皮,辦妥事務上網.

 交埋房租到8點鐘,老婆瞓醒,我話不如今日去清水灣游水,買些麵包同水,游吓水,樹蔭下食個包,優哉柔哉坐吓,夜點買餐餸煮飯食,好無?誰知老婆唔制,一定過灣仔行山,好,是但啦.

老婆食過早餐,9點鐘執整所須,有行山五樣,拐杖,心臟藥救命噴劑,毛巾,水同手機,執埋袋舊衫便出發.

 樓下首先張袋舊衫交比環保戰士.

 9點20分巴士站,稍等上車,車行到何文田,退休十多年,原來過海係咁塞?

 坐足一粒多鐘才來到灣仔差館下車.

 行上軒尼詩道同莊士敦道交界,歷史遊久個德士古油站,.

 從灣仔道街市而上,整條街同以前熱鬧繁華不再,賣菜小販都遷入室內冷氣街市,室內街市去個所,出來一望,餸菜相當貴?

 離開街市再上,這是如假包換正宗灣仔大街市,以前白色路牌下,是個公廁,都不知放低幾多?

 過埋條羅大友大道便是大坑,童年時確是一條大坑,(石水渠街)

 藍屋在望.

 來到拍番張照先,可惜今日無面見人.

 箭咀所指就係小弟出生地,景星街一號地下.

 童年故事多籮籮,有機會再細說

沿石水渠街再上,便是北帝廟,童年時跟母親時常來上香.

 聖雅閣終於建成,上次2011年11月11日來時,還是個地盤地基.

 上到來我們童年時叫二馬路,大概羅大友大道數上來第二條馬路卦?即(堅尼地道)圖片直入有條水坑,有水氹,細路時叫二馬路水塘,時常上來玩水.

 坐下稍休息,老婆就不停地叫拍照,其實聖雅閣同老婆有點淵源,小學時在這裡就讀.

 11點20分離開聖雅閣,向中環方向行無遠,便是灣仔峽道,就是今日要來的目的地.

編幅過長要下次再續.

 是日晚餐老婆買料,有海帶綠10蚊,生菜4.5蚊,雪菜4.5蚊,瘦肉10蚊.

老婆煮雪菜肉絲湯米,加個午餐肉.