老婆放假,舊地重遊,灣仔行(二)灣仔峽道~寶雲道

2015年5月4日  星期三 灣仔行

上編講到來到灣仔峽道口,行過咗都唔知道?實在一點印象都無,若不是路牌寫住,都不敢相信.

灣仔峽道相當斜,斜到好多人,要倒轉個身而下.

 
 

此等設施以前當然係無,實在太斜,要坐吓休息吓.

終於上到來三馬路,(寶雲道),真係唔行唔知身體好.

上到來扯晒氣,實在太斜,左邊再上是四馬路,原定再上四馬路,才彎落香港仔,實在太長,今天到此為止,無謂再上.

唞順條氣就行這條平坦舒服的寶雲道.

以前上到來三馬路便是一個水塘,現在是個公園仔,水塘以前時不時浸C人,C得人多,後來都不儲水.

離開小小公園,向司徒拔道方向行,寶雲道好受跑步人仕喜愛,兩傍樹木臨蔭,空氣好跑得舒服.

沿途高樓大廈風景唔錯.

行了20分鐘終來到著名姻緣石.

幾拾年無來過,由無設施,變有設施完全唔同晒.

以前邊有廟祝員管理,還有售賣香燭.

 

須然稍高,但好快上到來,嘩!連年青人來拜石,莫非溝女咁難?

姻緣石後一望無際,整個銅鑼灣看晒.

稍稍休息,眼見都好多人來拜?

12點40分離開姻緣石,繼續向司徒拔道方向.

咁大壇工程?都唔知搞邊科?

來到這裡終於看見到些爬蟲類,好大條蚧蛤之類.

實在太熱,有咁靚山水,當然濕濕佢,涼快得多.

 

不知什麼City Boundary 1903 ?

13點55分終於來到司徒拔道.

又咁啱有車,嗱淋上車.

這裡合和中心下車.

非常肚餓,從來無入過內,入到內原來係無得揀,無偈肚仔餓,為有袋住先.

吃過wifi過,沿春園街而下,穿過童年時必到的修頓球場,軒尼詩道搭車返歸.

就這唔錯短短灣仔行結束.