相當好瞓至8點多,上輪網10點多探戰友,去到原來戰轉咗床,問句姑娘,話佢正在做運動,等至11點半鐘才返來,聊至12點多啲鐘,佢個第二仔到,戰友亦係時候開餐.
據佢個仔講,佢不是中風,而係肺炎,當日昏迷在廁所,無一日都兩日,到2號個第4仔見聯絡不到,便來探望,原來昏迷在廁所,才消防員破門送去醫院喎.
聽落真係執番條命,昏迷廁所真係臭咗無人知,戰友餐後佢個仔輪椅落樓下花園曬太陽,我坐陣係時候要走.
回家都兩點鐘,上網mytv追回集楚漢又3點鐘,同放工老婆大圍食拮嘢,餐後買餸,行轉街市買有火龍果4隻10蚊,韮菜兩蚊,麵餅兩個8蚊,瘦肉10蚊,蝦米池魚仔15蚊.
今晚煲粥炒麵,料有麵餅兩個8蚊,韮菜2蚊,彩椒約2蚊,15蚊魚仔分三餐,5蚊,瘦肉10蚊.
魚仔起肉,瘦肉絲分兩,半煲粥,韮菜彩椒肉絲炒麵,三個人食,今餐盛惠27蚊
如果屋企有獨居老人，一定要日日通過電話才安心。以前我都隔日打比老DAD架。
回覆刪除係呀,突發性嘢,好難講,誰都唔敢包,多個人就好啲,有照應.
刪除獨個住無人照應，無事還可，有事可大可小，真係差点搞出人命。
回覆刪除我小時腎病，家裡窮，医生免費為我医治，但因医生獨居，在家一跌，乏人照顧，最終失去生命，所以，我每次見到有類似事件，也會想起此事，医生很有医德，他去世時，幾份報紙也報導他不幸逝世。
佢有個仔同新抱一起住,好衰唔衰個仔同新抱去咗旅行,好彩個細仔至電無人接,whatsapp又無回應,才發覺,暈咗缺水缺粮,救咗都虛脫.
刪除人好化學,該C唔洗病,要C邊個都無得救,