夜瞓早醒,麻麻,整朝上網,過節如過日,中心食麥記,交屋租,無買餸,個女搞有得食?

昨晚臨瞓前才諗起明日中秋節啵?於是臨急摷幅圖做個頁面,搞掂出blog又成1點鐘至瞓,夜瞓難入睡,搞到2點幾才正式入夢鄉,一瞓今晨6點幾就醒,瞓不返收音機賴床,賴到8點多鐘,中秋節whatsapp頻頻響,就係咁whatsapp到9點鐘才起來.

洗面搞早餐食,個女亦起床返工,餐後量血壓131/77-55,寫下今早事,辦埋大事又10點鐘,今日事上網.看陣新聞又轉去看youtube,一看又11點多鐘,看電視12點鐘羋月傳,看完集有點心思思,又會咁吊癮,看完午間新聞,又轉去youtube再追羋月傳,看完第26集,無字幕總有點唔明?又要網上摷摷劇情補吓課.
看後又兩點鐘老婆返,問為何不烚芋仔喎?後來還是老婆才去烚,煲下芋仔老婆例上網遊戲一番,烚妥芋仔,同老婆每人試食兩隻,係唔錯既.



成3點鐘問聲老婆點呀?才說出去行吓囉,去到巴士站,眼白白走了兩部要搭的巴士,為有小巴過市中心,還是麥記坐坐食點嘢,食過兩粒芋仔有點唔湯唔水,為有兩人共食個巨無霸餐26蚊.
 
進餐期間收到whatsapp,兩隻嘢有節目,今晚唔食喎,正,坐夠whatsapp夠行超市,人多買嘢過節,超市貨所剩無幾,由其鮮雞貴貴都賣到78,行過麥道舞買離開超市,759進發,6.7.8折又如何?很少人吓,咁折法同老婆只攻鮮奶,重係至平嗰隻,老婆勢兇夾狼一買5盒,又買朱古力?嘥氣,離開行雞寶,今晚得兩個人食?食乜好呢,肉類老婆又話唔好?唉,怎麼辦?不如買條三文魚骨算,離開買包榨菜木耳絲走人.
孭到隻嘢咁行去巴士站,嘩!好多人呀,歸心似箭等返歸過節,輪輪吓隊突然傳來嘈吵聲,原來遠處有人開拖,兩條麻甩隻揪,還好有人拉住,唉!中秋佳節下又何必呢?

搭程車回家,兩封有信,一睇大鑊,原來9月份屋租還未交,房署出警告呀,回家6點半鐘,買來有
朱古力兩排11.2蚊,鮮奶5盒38.5蚊,榨菜木耳絲10.9蚊,三文魚骨18.6蚊,合共79.2元

 房署追租,都明知係假期,都係交咗了事,交完屋租正想謂今晚餐諗計?唉?誰知個女返,話今晚食飯喎?唉?何來有買餸?魚又唔食,雪柜所餘又唔啱食,你說怎麼辦?
費煞思量間?個女話煮芝士火煱,好囉,不用諗不用郁手有得食.
 


夜食湯圓,團圓圓.