咳時有序瞓10點,氣喘下游水500m,中心食老麥,晚飯人齊食.

昨晚12點前都瞓,還好一瞓即著,瞓到4點鐘去個所,以為今晚無事無咳會好瞓,誰知瞓落床就開始來料,開頭幾咳,跟住越咳越厲害,看來又要咳餐懵,嗱淋起床走出廳,飲啖熱水挨響梳化瞓,點知都係唔得,索性唔瞓手機寫吓blog,又起來踱步,好快又5點半鐘,老婆醒返工,見我咳得厲害,而且條氣扯蝦一樣,便開些蜜糖蘿蔔水過我飲,看來都係唔掂多?又摷啲四季鹹桔開水飲,鹹得厲害,



老婆返了工,6點鐘咳似乎收歛,就在梳化著,7點多個仔返工,我才返回床瞓.
跟本同昨晚一模樣,定時定刻的咳,準過我閙鐘.

一覺今早10點醒,才洗面攪早餐,餐後10點34分量血壓149/81-56,食過今早藥,上網寫下今早事,辦埋大事又12點鐘,關機看電視.
1點鐘用我新鮮熱辣馬會斜孭袋,執嘢去游水,過到泳池1點26分,更衣室換妥泳褲,遇上員工肥仔,講起時下社會混亂,於是乎插咀又講餐懵,一傾口唔停,本來早早來早早游,卻搞到成1點55分才上池,星期一特別多泳客,稍熱身2點03分下水,慢游下似乎扯晒氣,捱了差不多300m好辛苦,同自己講1就直游夠400m走人,2就唞唞游多200m才走,上氣唔接下氣,扯蝦得好辛苦,決定唞唞,之後游多200m,兩點33分起水走人.
更衣室沖個大熱水涼,至電個老婆,由於有馬會麥記卷三張,就沙田中心食麥記啦,老婆來時須時,又同呀王吹水,講的都係手機嘢.
係時過中心會老婆,過到去中心麥記3點27分,老婆已經在等,老婆買餐33蚊,馬會三張卷補3蚊,今餐食馬會,

吃過坐夠行卜佳,見冰雞又29蚊隻,同老婆又挑隻,韓國柿子4個9.9蚊,衛星包落價又整個12蚊,合共50.9蚊.
跟住沙田街市,買有魚胶10蚊,豆腐一件4.5蚊,在街市門口坐陣,然後同老婆分道揚鑣,佢搭車我踩車回家.
返回單車場,老婆亦剛啱到,正想離開,見有個呀姐在餵貓,隻貓好熟悉,次次這個時候,總是叫得喵喵聲,在等人來餵,但好怕人,當我行近佢走夾唔唞,今日見個呀姐在餵,隻貓長得肥肥,毛色又靚,於是問佢係咪時時餵,佢話不是主要餵,係簡中啫,咁就講起幾年前,我樓上有位呀婆枕住來餵,不過好幾月前笨豬跳走咗LU,幾年前我還同佢傾有講,有紋有路,還教佢如何伸請長者金,可惜好快,真係好快,睇住開始手震,跟住癡呆,唔打招乎,手持拐杖,行動遲緩,幾個月前一跳走咗LU.
在傾偈時隻貓竟然走來挨吓我?但正想摸吓佢,就走了,以前離遠便走了,隻貓真係好靚,但卦住傾忘記拍照.
同老婆離開,老婆入街市,我就先行回家,老婆回來買有白蘿蔔兩條7.5蚊,超貴4蚊斤.
 
回家6點鐘,老婆處理今晚餐餸,我就上網寫我今日blog,一寫又7點鐘,上陣網煮飯,料有蘿蔔,冰雞半隻,魚胶同豆腐.

冬菇木耳蒸雞

蘿蔔煮魚松,

煎釀豆腐,

8點45分人齊開飯,5個人食.