睡來唔錯,天氣極暖,游水600m,大圍買餸食麵食雪糕,晚飯5人食.

昨晚瞓落床手機陪陣,有時啲嘢?真唔明解?whatsapp群組,組員求其掟個名字同電號上來,叫群主,唔該可唔可以幫我加這名字同電號入群組呀?嘩?大佬三唔識柒,你有無徵詢吓群組成員意見架?我係群組管理員,唔加似乎好小氣?加咗同XX旅館群組有何分別?當然群組有人認識喱個人,大佬呀你可以另開一個群組,點玩都得啦?唉!恨錯做咗喱個群組管理員,如果我係組員?老早以經退出唔孖你玩?
這個群組起初係我開的,方便來召集佢哋,誰知久久就有人叫加喱個加嗰個?須然係藤能瓜有點關係,但我係唔認識,你哋在職當然過癮,班友約30號食飯聚會喎?唉!看來聚來都嘥氣.

 陌生人加咗落群組後,12點鐘我都瞓,一覺5點鐘急醒,去個所又係瞓不返,等咗好耐老婆起床返工,還是瞓不著,為有手機待候,上陣網試瞓吓,還好瞓得返,就係咁一瞓今早9點鐘醒,好舒服下賴到近10點鐘起來,還好這位加入群組成員,都懂得打個招呼,(各位大佬，早晨。預祝聖誕快樂。🎊🎉🎊🎉)

起床梳洗搞早餐,早餐蒸饅頭鮮奶麥皮食,餐後上網寫下今早事,以經10點48分,量血壓134/68-58食過今藥辦大事.
完事上陣網又12點鐘,看電視到1點多啲鐘,執嘢去游水,落到街遇著老婆返,講兩句我就繼續單車過泳池,城河單車徑修路,雙線變單程,路窄迎頭單車小啲技倆都唔掂.
過到池1點35分,更衣室搞掂一切上池,超好太陽非常暖,泳客又超多,稍熱身完,見咁多人有點唔想下水,坐咗好一陣,1點51分下水,一條氣游佢600m,當中好都幾次人碰人,尤其啲自由式人,橫衝直撞都唔睇人,周時要停下來等,若佢撞過來,我就用手擋佢,左閃右被下終於完成600m起水走人.
更衣室搞掂一切,至電個老婆,由於買廁紙要約過大圍等,收線後同呀王吹吓水,吹輪走人,在閘口又遇見上次順德兩天位團友,又傾兩句,到車場攞車時見到部咁單車,似乎又幾靚?
 
過到大圍3點25分,老婆呱呱嘈話我晏,會合老婆便食雲吞麵,老婆就煎魚餅米,兩位46蚊.

 吃後買餸,首先街市魚檔,魚就無樣啱買,都好耐無食魚腸,而老婆又肯整,於是5蚊買咗兩副,跟住對面街行菜檔,行個圈買咗有雞蛋一排22蚊,西洋菜兩扎8蚊,薑一舊5蚊,合掌瓜兩個5蚊,紅蘿蔔兩條5蚊,魚腸兩副5蚊.

 買夠又走入麥記歇歇腳,每人食杯雪糕7蚊唞吓.

坐夠買埋兩條廁紙48蚊走得,同老婆沿城河學校邊行,來到這個觀景台例必坐陣歇息吓.

回家以經5點45分,老婆立即處理買來菜料,兼煲落個湯,料有前日冬至隻豬手舊骨,合掌瓜,粟米同紅蘿蔔.

我就上網寫我今日blog.
老婆煲落個湯,處理好今晚餐菜料,7點50分我來煮飯,料有西洋菜8蚊,前日食剩外賣隻黑椒豬手,堔圳買的豆卜人仔5.3蚊,雞蛋4隻,陳皮同5蚊魚腸.

第一次見似風琴式豆卜,係連著的?

老婆處理的魚腸,



加上蛋雞陳皮同豆卜,

雞蛋豆卜焗魚腸.

黑椒豬手,

清炒西洋菜,

豬骨,合掌瓜,粟米煲紅蘿蔔.

5個人食一夜返,一在瞓,留湯飯餸.