年初九,睡來唔錯,整朝上網,個妹來拜年,龍悅飲茶,大圍買餸,賭馬輸40,晚飯4人食.

昨晚早早食飯,飯後無聊就網上揾歌仔聽,聽到有個內地節目,叫夢想的音歌唱,好犀利,由其係佢唱,音響好技巧正.

https://www.youtube.com/results?search_query=%E8%B5%B5%E9%AA%8F+

一聽又11點半鐘,係時候要瞓,姿整輪12點鐘上床.
一瞓2點多去個所,就瞓到今早7點醒,睡來唔錯,收音機賴床,8點鐘舊日足跡,跳繩世界冠軍,聽輪9點鐘起來,新抱剛好出門返工.
有陽光調整陣曬晾,就洗面搞早餐,上網寫下今早事,餐後9點52分量血壓130/70-54,食過今早藥辦大事.
上輪網又一個上午,12點鐘個妹一家到,嗱淋煲點水沖壼菊普,妹送我手信有盒朱古力,薑茶同包黑糖,個仔台灣買喎,咁都好啲,千奇咪送啲貴嘢過我,

幾拾年個妹又點會唔了解?坐唔暖飲餐茶就掹,諗住至電個老婆,叫佢攞定飛排定隊,我們來到不用等多久,誰知電話打極都無人接?唉!都係唔預個老婆,嗱淋著衫齊去酒樓好過.
過到酒樓12點38分,門口堆滿等候茶客,拿過票有排等,老婆放1點工已經來到,我們等呀等,等到1點14分,終於有枱,一張中枱我們6個人,

坐下個妹以經急不及待要剔嘢食,點咗個瑤柱蛋白炒飯,一個义燒湯麵,同好幾個點心,跟住叫我剔,我話你哋剔得啦,咁就個大仔剔完,到個二仔剔,第二仔就係咁剔,剔完交過待應落單,落單後個老母才問個二仔?你無有睇過我哋剔嗰啲呀?個二仔烚吓烚吓話無呀,你叫我剔嘛剔我鍾意食嗰啲囉?嗰時個老母才知大鑊?肯定要打包都得?個大仔望住個老母話你驚食唔晒咩?嗰然點心來吓來吓,越來越多,心諗還有無呀?唉!我都無眼睇,來晒再算.
 




同個妹相處無嘢講,往事不能回味,家簇情仇不能再講,親戚朋友無嘢講,自己了斷晒?係同佢個大仔兩句,關於手機電腦嘢,6個人一坐2點45分,個妹晨早立咗張單,唉!我都唔同你爭,個大仔找數,竟然758元.犀利.
吃後例牌要走,個第三仔要出旺角,指咗佢搭巴士走,我同老婆送佢到大圍站轉車,跟住我同老婆順便大圍買餸,行轉街市買有衣鈎兩個10蚊,芥蘭菜同菜心共3斤10蚊,蕃薯三包10蚊,便搭程車返歸.

回家4點35分,個仔已經返咗嚟,今日跑馬又踱吓馬仔馬跑到最後尾場,賭番廿蚊先,買條1搭6正Q同位置Q,入緊閘諗吓?隻7號又似啵?又整多20蚊,1搭7正Q同位置Q,開跑LU,最後二百好緊張?結果梗頸3同4輸埋.
財散人安樂,早點煮飯,料有芥蘭,菜心,豆腐,煙肉,蝦皮,丁香魚同汁雞.

8點20分開飯,

煙肉炒芥蘭,

灼菜心,

丁香魚蝦皮蒸豆腐,

4個人食1夜返留飯餸.

夜返個買有葡撻返.