年初十瞓八晏,整朝上網,游水600m,老婆兌票,50兩隻雞,晚飯5人食.

昨晚12點鐘瞓,2點多要所,臨近天光又所,就瞓近9點鐘醒,手機賴床成10點鐘起來,噴嚏頻頻,唉!搞邊科?朝朝如是,處理一吓曬晾,便煲水洗面搞早餐,量血壓143/78-53,稍高,上網寫下今早事,辦大事.
上輪網執輪goole相薄又12點幾鐘,執嘢去游水,過到池1點半鐘,更衣室搞掂一切,池面熱身,1點43分下水,泳客唔多,埋頭游佢600m,兩點16分起錨走得,更衣室搞掂一切,至電個老婆,話要銀行兌現張票喎,咁就沙田中心食尾心啦.
同呀王吹陣水,泳友巴士佬搭咀,問網絡中移無限點睇?我話一分錢一分貨,覆吓whatsapp咁啦,睇片就差啲,佢話即係窒吓窒咁啦,無錯,想平就用免費wifi囉,佢又話要密碼喎?我話唔駛,舉例麥記呀,政府呀同商場,唉!硬係唔信,又話都要密碼架?唉?我講的係事實,你可以唔信,講多無謂,係時候過中心同老婆會合.
過到中心尾心,老婆以經在等,我就要個燒鴨瀨餐22.5蚊,老婆就豬扒包餐28.5蚊,

吃過後齊齊玩手機,老婆玩既時間耐啲,我就東張西望,望吓啲客百態,後生女就篤住手機微微咀笑,老人家就一口雞翼一啖飯,又一舊义燒,大大啖,紐動個咀不之幾滋味?
老婆玩夠就銀行兌票,攞咗就行卜佳,過幾日個超多嘢講既二嫂必到,一定留響處食飯,都係睇吓有無特價雞賣,到時有隻雞應酬吓都好,嗰然特價50兩隻,同老婆又挑兩隻,又有特價稔甜安琪梨,正,又執兩包8隻12蚊走得,
 
跟住街市行個圈,漁民還在假?無嘢睇走得.
老婆愛踱路,推著單車同老婆沿公園城河邊,行吓坐吓踱回家,來到超勁大喇叭,同個超高音女唱家處,經過如雷貫耳勁喇叭後,見兩條差佬迎面來,哈!大概有人投訴勁大聲卦?嗰然係,見差佬警告兩句後,離開一切照舊,嘥氣.
 
睇完毫無改善熱閙後,同老婆繼續返歸.
返回單車場,見隻貓似乎生咗,毛色靚咗,行近識會雞咁腳,咁就好啲,大概等緊有心人來餵?等食呀.



返歸剛好6點鐘,老婆處理兩隻雞,我就上網寫我今日blog.
夜7點57分煮飯,雪柜料有芥蘭,粉絲,腐竹,肥牛,雞汁,雞蛋,熟雞肉,甘筍,司華力腸同條自醃池魚.
 
 又9點13分開飯,腐竹,司華力腸,粉絲,甘筍,肥牛煲

鹹魚炒芥蘭,

 雞絲蒸水蛋,
 
5個人食兩夜返留飯餸.

飯後果,橙同安琪梨.