7月8日(六)睡可,個B見醫生,游水500m,新抱石門有事做,個B我老婆大家樂,第九劑中藥,晚飯4人食.

2023/07/08   星期六   晴   32C

昨晚11點前都瞓,夜所3劑,3點多以為起來關冷氣,誰知新抱在執什物件?去到4點鐘新抱才關燈瞓,我才起來關冷氣,關後差點瞓不返,歌仔捱輪才瞓返,瞓至7點鐘醒,手機賴床,8點鐘起床.

起來如常烚水搞早餐,餐前0916量血壓133/65-52.

餐後老婆新抱個B陸續蒲頭,個B唔妥嘔,新抱11點鐘同B出門睇醫生,老婆問我晏啲過石門買芝麻醬,問我去唔去?石門又無乜好行?我都係唔去,去游水好過,老婆話到時電聯喎?好.

1點未夠我都出門,1258單車起步,過到泳池1309,似乎好多人吓?更衣室又人多?連用開排儲物柜都爆晒?要另排儲物柜?更衣室搞掂一切,池面熱身,太陽勁猛?稍熱身以為下水,嘩!10多步到池?個地台熱到頂唔順?腳板熱到焫熟?嗱淋跳落水,1325起游,埋頭游佢500m,1359夠數,起水走人.

更衣室搞掂一切,離開泳池1425,至電過老婆,老婆話新抱有事去石門喎?佢代買芝麻醬喎?個B就由佢來睇喎?叫返來食大家樂喎?1443返回單車場.

過到大家樂1448,見枱枱有人?我都坐出便等老婆,冇耐老婆同個B到,個B見到我,就大叫爺爺,立即飛卉過來,跟住就話請我食棉花糖?我話等陣先食.

跟住剛好門口有枱,坐門口衰在啲客出入,啲熱風不時吹來?無枱無偈?坐落個B又追住要我食棉花糖,還搣埋過我食?吃後裡便有枱,就三口子走位.

我就米粉餐28蚊,個B半份公司冶29蚊,熱檸水就老婆飲.

吃過坐咗陣老婆話佢去買餸 ,叫我倆等喎?個B又邊坐得耐吖?1345同個B離開揾嫲嫲?

嫲嫲在惠康喎?同個B撐28級上去找嫲嫲,結果齊齊撐到,嫲嫲以經買了盒虎蝦49蚊同麵包10.5蚊出來.

出來就齊齊落街市,行到百份百,老婆稍到個B老豆在內開餐?老婆同個B入去團聚吓?衰豬又唔黐老豆?逗留咗陣就繼續街市.

街市老婆買,我同個B坐等,回來買有雞腳25蚊,花生眉豆10蚊,木瓜10蚊,瘦肉35同蘿蔔兩條8蚊返歸,還未行出街市?個B話要夾公仔,哈!可惜部機壞咗,唔夾就彈波波啦,哈!誰知都係壞,無得玩返歸.

回家1613老婆處理煲湯,我就嗱淋沖涼,涼後飲我第9劑中藥.

游完水有點攰,就梳化望住電視瞌眼睏,瞌咗好一陣,瞌醒1916,以為量吓血壓,部機次次唔同?去到8點鐘,摷部手碗式來量110/64-53算數.

量完血壓才上網寫我今日blog,2124新抱飯妥,開飯4個人食.