瞓好的,游水800m,晚飯三人食.

昨晚看埋晚間新聞,近12點才瞓,一覺今早6點鐘,相當唔錯,老婆起床返工,我就賴到7點鐘起來,一切良好無特別.

都係平時一樣,洗面上網食早餐,辦埋大事,繼續上網看新聞,好快又9點半鐘,至愛劇集神的晚餐,上兩集講矇面廚師情節上有點牽強,今集講到俊英離開阿里郎,又遇見佢老豆,劇情開始又好睇,都好耐對劇咁投入?
上吓網看吓電視,好快又1點鐘,嗱淋整件三文冶食,吃後1點半鐘過源禾路游水,落到街好明顯落過場雨,好在又陽光普照.
過到泳池大鑊,門口棟個牌,雷暴驚告,食蕉話除時雷暴就唔游得,我話咁樣?現在可不可以下水先?佢話可以,都好,游得幾多得幾多.
入到更衣室,咁啱職員肥仔響度,又吹陣水,望吓鐘時間無多,嗱淋上池,係咁易郁吓個身,望吓大鐘兩點鐘正,嗱淋下水,係咁不停游,又唔知幾時雷暴,游得幾多得幾多,一口氣游咗800m,剛好兩點40分,就下起大雨來,我都夠皮,起水走人.
沖完好個涼,還未及3點鐘,同呀吹吓水先,3點多啲鐘老婆來電,話落雨番歸喎,都好,等我就自己一個人過大圍.
過到大圍入街市,第一檔以經有泥鯭賣,都費事再同人迫,10蚊整份走人,行轉街市又上惠康,買份特價香蕉6.5蚊,返回自己街市買條勝瓜5蚊返歸.

 

返歸有點肚餓,見買有香蕉,又學吓blog友samwei,整個香蕉班戟食.

今晚餐料有勝瓜一條5蚊,鹹雞1/4隻6.5蚊,瞓覺泥鯭10蚊,同條倉底青瓜.

 

 手撕雞

 果皮蒸泥鯭

 XO醬蒸勝瓜

 蒸鹹雞

 三個人食.

飯後果木瓜