瞓覺好的,老婆放假搞衛生,娛樂下午茶,行轉禾輋買餸返,晚飯兩人食.

昨晚10點多便瞓,一瞓今早6點多,睡來唔錯,賴床至7點鐘起來,老婆今日放假,以經瞓醒,洗個面上陣網齊齊早餐,餐後辦妥一切事務,老婆就整紅豆糕,一盒咁多?

9點半鐘,我就坐定定看電視,神的晚餐,老婆就搞衛生,清潔好廚房又拖地,

 

老婆搞妥衛生,我來處理浸咗好幾日既柚皮.

處理好後撻火烚佢兩烚,

 

兩點鐘同老婆出街,陽光超猛,搭程過市中心,先去銀行打薄,然後娛樂城下午茶,去到立即有位,坐落環顧一吓,茶客唔多,卡位另便都無開?同老婆先來兩碗特價燒味瀨,老婆燒鵝我义燒,吃後才來蝦餃同牛腸,傳菜似乎唔多夠人,搞到待應同廚房工都出馬幫送菜,吃後老婆又話整碗鹹酸菜豬肚喎?好,咁就吃過坐夠老婆找數97蚊走人.

 
離開娛樂城又行金寶徑,由瀝源開始,行佳寶,跟住長期7,8,9折既759,一路過禾輋,麥記坐陣又雪糕,坐正對老人家隔鄰,男老人家好老,動作有點遲緩,個女老人家一不小心,倒瀉杯奶茶,一枱一地都係,老婆立即遞紙巾,我就叫呀姐,呀姐來祙枱兼拖地,並叫女老人家去水吧,話佢知倒瀉咗,攞過杯奶茶同薯條啦?咁既服務去邊度揾,個女人回來,新奶茶新薯條,好衰唔衰我又多口,問句個女老人家?呀伯幾多歲呀?佢話83歲,跟住話你都有80啦,唉!原來我似80歲,立即無嘢講,拿部手機wifi好過?坐夠wifi夠走人.

 離開麥記行商場,行完大昌行惠康,惠康真係無嘢好買,行吓睇吓望吓個錶,嘩!乜6點半鐘?嗱臨搭車返歸,回家樓下以經7點鐘,菜檔以經開始收,嗱淋買條涼瓜4.5蚊返歸.
回家買有腐竹9蚊,豆鼓鯪魚兩罐19.8蚊,吞拿罐頭兩罐12.9蚊,大煙肉切片兩包28.4蚊.

 今晚餐料有腐竹食半4.5蚊,涼瓜4.5蚊,白果,豆卜2.5蚊,雞蛋兩隻1.7蚊,昨晚魷魚肉碎約7蚊.

 

支竹白果豆卜煮肉丸.

 涼瓜炒蛋

雞汁柚子皮.

兩個人食,今餐大約20.5蚊.

 

飯後甜品紅豆糊,老婆話無落魚胶粉,唔成形衰咗喎.