瞓得好,腳又痛,場場雨,屈響企,晚飯兩人食.

昨晚11點未夠就以經瞓,瞓到今早8點鐘,少有瞓得咁晏,起來洗個面,食埋個早餐,辦埋個大事9點多啲鐘,才發覺右腳眼位腫咗,行來痛要趌趌吓,早兩日才右腳拗痛,唉!今日輪到腳眼位,腫得太厲害,都係咪搞?嗱淋啪粒消炎,跟住無耐都唔行得.

  

 

行不得為有乖乖地坐看著電視,神的晚餐早日mytv看咗,無嘢睇為有望住個市,黑仔無入市好耐,星期五上晝買入隻股,買入首注後,見佢上升,方C買得少,嗱淋追多注,誰知以經係高位,到下晝收市更加倒跌,真大鑊,今早為有金睛火眼.

外便下雨一場又一場,頻頻關窗開窗,腳痛嚴重,拿著拐杖拐來拐去,中午淥個麵食,穩陣起見又啪粒消炎藥.

整日就係咁,坐吓開窗關窗,3點鐘老婆放工,邊度都唔駛去,老婆回來淥麵食,我就看住個市到4點鐘收市,還好隻股危險邊緣升番粒神,總算返回平手.

夜隻腳經過兩粒消炎藥,好轉得多,腫還是有的,但行動可以不用拐杖,無買餸下,用有限資源,開罐午餐肉,高麗菜乾煮飯.

 高麗菜餅.

 煎午餐肉

 隔夜湯兩個人食.

 飯後果香蕉