睡來唔錯,整日在家,煞科日輸20,下午茶食呀大,家居改革,個仔上來鏟灰,晚飯三人食.

 昨晚武則天後11點鐘已經瞓,一覺今早7點半鐘,相當唔錯,賴至8點鐘起來,噴嚏連連,鼻水流流,頻頻要呻,好在冇耐就已經收,看來昨晚冷氣所賜,上陣網搞掂一切,情況還好.

星期日天氣又熱,萬無目的上輪網又12點鐘,城市論壇,睇陣就睇跑馬,季尾煞科日,對我喱個無橫財命,賭不賭也吧,睇吓恰吓眼困,醒來以經第七場,見隻財寶密碼有飛,於是買注W同位置Q20蚊,結果跑個第4輸埋,老婆放工返到,同個女三人落大家樂下午茶.星期日特別多人,好不容易才找到張枱,每人食個下午茶.

茶後行惠康,又買份特價蕉8蚊,見米金純8KG57.9蚊,嘩!似乎幾平,759都要66.9?於是執包比錢,誰知包米要66.9蚊,職員去check過,話貼錯牌喎?唉!66.9唔係貴,是但啦.

離開惠康街市買菜,買有孱菜1斤5蚊,布包豆腐4蚊,白茄瓜3.5蚊,瘦肉10蚊.

回家都成5點鐘,以經完第10場馬,望吓第11場,還是唔識賭,個仔才來到,家居改革個仔開工鏟灰.

 夜點煮飯菜料有,三文魚頭半個7.5蚊,孱菜5蚊,瘦肉10蚊,司華力腸兩條4.8蚊,白茄瓜3.5蚊.

香煎三文魚頭

香煎司華力腸

飯焗白茄瓜

瘦肉豆腐滾孱菜

夜到個仔收工,成9點才開飯,三個人食,今餐盛惠30.8蚊

飯後果香蕉.