失眠完全未瞓過,大市終極反彈無我份,瀝源下午茶,蓮花8號,晚飯兩食.

昨晚出埋編卜12點幾鐘瞓,唔知夜瞓咗定太累,成晚瞓唔著,聽住收音機,半粒半粒鐘的過去,真係從來未試過,完全無瞓過,6點多鐘為有起來,老婆放假亦瞓醒起來,洗個面齊齊上網,8點鐘索性同老婆落大家樂早餐,同老婆每人食個麵餐,我粥老婆飲咖啡,餐後坐咗一輪返歸,
 
回家搞掂一切事務又9點半鐘,個市又開恆指依然低開81點,國指低開57點,內銀股依然要跌,睇嚟要坐艇LU,無眼睇,睇神的晚餐.
12點鐘瞓又瞓唔著,於是上番隻房門,執好啲板出廳叠好,兩點鐘見無雨,同老婆出市中心行吓,先銀行打打薄,老婆要飲下午茶,便走咗去瀝源間酒家,間嘢真係麻麻,毫無進步,待應傳菜依然生手,坐下好久要叫才有人開茶,落單沖水都要叫部長.

 而隔鄰枱兩條細路玩到癲,同個細佬橄頭橄頸未停過,啲大人又唔理,係咁不停地妖妖樣樣,另邊大概兩母女,可能呀婆耳聾,個女講嘢大大聲,唉!好日唔飲餐茶,周身唔聚財,坐咗好一輪,老婆找數106蚊走人.
電視講稍後會8號風球,同老婆街市買點餸,8號將殺到特別多人買餸,啲魚好貴,同老婆買咗半斤蠔仔12蚊走人,經個海味鋪10蚊買包蜜棗便巴士返歸.
巴士又係逼到爆,啲人硬係鍾意塞響樓下,幾咁難才下到車,街市又係人多,同老婆4.4蚊買扎通菜返歸.

回家4點多鐘,攤響梳都係瞓唔著,
夜點有冷飯,有蠔仔12蚊,通菜4.4蚊,薯粉,雞蛋4隻4蚊.

 

煎蠔餅

蝦醬通菜

炒飯同老婆食.