美林湖渡假酒店+凱景酒店三天(1)上

2015年8月3日

籌備已久美林湖渡假酒店+凱景酒店終於出發,旅行前通病,總是瞓不好,所以話唔去多幾日對不起自己,須然今次不用我傷老根,但不多不少都要我參與,合家出發,就揾咗以下個hea團.

晨早食過吓早餐便合家出發,8點15分來到羅湖.

 

自從福田口岸開通,都好耐無來過,憑些少記憶,都順利來到集合點,從沒無參加過這間歷史悠久旅社,一睇嘩!好大陣像啵?乜乜大事列晒隊歡迎,可想而之佢地位,粗略數過成30團以外,犀利,其他真係寥寥可數.

報到後10多分鐘齊人,導遊帶領,經過永不忘記又熱又焗,上上落落,又斜又曬垃圾通道,差不多僑社邊等候上車.

8點40分車到出發,跟住第二站深圳灣接人,深圳灣稍等,人整正式出發.整團43人,所見有16人大part,兩個人我諗大概得兩三pair卦?其餘5,6人家庭之類,16人part大概兩三個女仕,其如都是細路,真佩服佢看管?

車行沿岸高速,導遊講輪廢話,句句都有助動詞,?有無所謂,有點特式帶點幽默係佢職責,哈!但佢一日到黑都講犀利啦,威水啦,巴閉啦,聽得多都悶C,可能係佢作風,以為咁會好受歡迎?煩C,好彩我們無坐前面,坐到後31至36位,只有前面啲女仕應酬佢,最慘連啲細路學足,,不停叫住佢啲口頭襌.

途中每人派一舊水,話公司酬賓送喎,平時係無喎,上車咁耐?後排山頂位,竟然無人坐,平時匯景未到深圳灣以經有人去霸,可見係唔同客路,又或者暑假一家大細多卦?唔好嘥,費事同老婆迫埋一堆,咁就開始我山頂之旅.

10點40分來到麻涌服務區,落車鬆鬆去個所.

 12點鐘來到這間好世界漁港,食我們中午飯.

 一共4圍

同桌另一家庭,一對孖仔一個女,5個人,連我們共11人,加多個餸喎,10餸一湯,OK啦

 

飯後13點10分鐘來到所謂景點大型超市,大概給團入點貨卦?

去到超市入口,放滿車仔,原來要入人仔硬幣一蚊,才可拿車仔推,又會咁麻煩,唉!都係棄車而行,行到啤酒部,佢哋鍾情啤酒.

 

我同老婆更上一層副食品部.

  

喜歡麵包的我,嘩!好平,法包一條3.2蚊人仔,有點不想信?穩陣起見問句?嗰然,諗住六個人執三條,有毫子剩,執包小麻花6.38湊夠齊頭走人.

 

手執棒包既我,好開心,原來佢哋買有啤酒同杯麵,咁就大劑點食呀?

離開超市,15點13分來到此團重點(花都美林湖温泉渡假村)

 

接過房咭一共三間房,抽薟型式,各自抽張,咁就立即入房,唉!美林湖大得交關,迷宮一樣,好在酒店服一流,員工非常禮貌帶著行,紆迴曲析,段段一樣.

終於到房間,房間好大,床高床尾有張櫈要駁腳上,又有個大蚊帳,房分兩級,有個大露台,出便有個泳池,都唔知邊忽打邊忽?

  

  

 

房間外露台都無暇欣賞

 

 時間關係放下行理,係咁易望吓間房,便換上泳衣,各自前去温泉區.

美林湖太大,跟住地下腳印指示,終於來到温泉區.

後生仔特別姿整,我同老婆巡過浸過後,個仔兩公婆才到,而個女兩個就沒來,時間無多,晚餐時間緊迫,齊齊浸過吓便走,臨離開見有人開P,氣氛熱鬧.

編幅過長,要下編LU.