玻璃手又賴嘢,老婆加班我買餸,晚飯三人食.

昨晚瞓瞓吓,半夜稍為轉則,右手床邊一夾,當堂皮開肉爛,流起血來,嗱淋起床紙巾掩住,諗住摷對護手袖出來箍住瞓,誰知又找不到,無偈為止定血才瞓.

 唔夠瞓整朝烏吓烏吓,老婆來電說加班至4點半鐘,咁就中午淥個米粉,開罐辣魚仔食.

 3點鐘個人過大圍買餸,又遇街坊盧,令晒頭話唔見咗30個喎?唉!有誰唔C吖?除非無貨在手.

過到大圍行入最多人魚檔,唉!稍為轉身,又賴嘢,被條腰包佬,個包輕輕一擦,隻手又爆,皮下又出血,一撻都係,真係要長期戴住對手袖至得囉.

 今晚佢又唔食佢又唔食,求其買些算,走轉街市,買有豆腐一件3.5蚊,菜心一斤10蚊,粟米5支10蚊.

 回家又5點鐘,老婆以放工在家,今晚餐料有菜芯食半5蚊,粟米一支2蚊,蘋果雪梨各1隻7.5蚊,西瓜皮,豆腐3.5蚊,梅菜同雞柳.

 粟米西瓜皮雪梨煲湯.

免冶雞肉梅菜蒸豆腐.

 蠔油淥菜心.

梅菜雞碎蒸豆腐

 蠔油淥菜芯

 

粟米蘋果雪梨煲西瓜皮.

 

三個人食,今餐唔計梅菜雞柳,盛惠18蚊

 飯後果西瓜.