農曆年初三,相當好瞓,賴床10點鐘,血壓依然高,年年今日,北上團拜,晚無煮飯,煮麵兩人食.

昨晚12點前都瞓,一覺今早8點鐘醒,聽收音機看youtube到10點鐘才起來,翠珊亦起床,呀man已返工,起來急不及待要開大,搞早餐食,麥皮奶加消化餅食算,餐後量血壓,又高153/81-58,多次一樣150以上,華仔來電一傾11點半鐘,嗱淋收線,要北上粉嶺團拜.

出門落到街又忘記帶盒禮,又要返歸攞過,回家好難下才摷到個識合膠袋,嗱淋出門,大圍轉火車好多人,還是行去頭兩卡,都係無位坐,一直企到粉嶺站,落車轉巴士,站有個新設計.螢光幕顯示牌,在測試中喎,278k一分鐘後到,嗰然準確有車到.

去到帝庭軒,上到酒樓12點54分,門口以經企滿等位客.

入到去一眼就見到表姐夫,埋到去永森夫婦剛啱到,大佬就到咗,呀嫂無來,呀B就一個人,話老婆去咗紐西蘭喎,表姐表姐夫一共7個人,表姐就小半邊面連同左眼瘀晒,原來早好幾日在街跌倒,無去醫院喎,剩係睇咗家庭醫生,瘀同腫以經比前散得多喎?唉!年紀大要小心,唔好厭老土?要拿番支拐杖,跌起來都有支棍撐住吓.

表姐剔了幾個點心,一碟干炒牛河同碟廈門炒米,食我們無所謂,好日唔見面,傾多過食,

喱輪我網上摷下好多童年回憶舊相片,係我們成長地方,在手機比過他們看,大家都好有興趣,滔滔不絕,大談童年舊事.

當年灣仔石水渠街明渠.  (網上圖片)

差不多同位置的今日

 

後來明渠變做暗渠,昨日藍屋 .  (網上圖片)

 

今日藍屋

 

 吃後表姐找數,而永森叫呀B去追回張單,話無謂今年佢下年又佢,不如AA啦.

之後上表姐處再聊,才計數每位45蚊,我就出埋大佬份共90蚊,永森話whatsapp咗相過表姐夫,但表姐夫話收不到,永森叫我睇吓,嘩!部機老爺到不得了,個芒超細,我都唔識用,好彩撞吓又比我搞咗出來,比番部機過佢,我都費是談手機嘢,無謂好人當賊扮.

表姐好客氣,又煎糕過我們食,煎有蘿蔔糕,椰汁年糕,還有表姐自己包同烚家鄉糉,食得真滋味,飲茶講多過食的我,吃得我飽飽,剛好7個人清晒.

 

聊到4點半鐘永森出聲話要走,離開帝庭軒各有各走,係我同呀B小巴粉嶺站轉火車,同呀B好好傾,大家理念相同,傾來特別投契,講吓初一暴亂事,傾吓又到大圍,我就落車返歸.

回家還未及6點鐘,馬剛好跑到尾場,老婆話今晚得我兩個食喎,好呀,撗掂我重飽,嘛唔煮囉,結果夜點老婆煮麵我倆食.