相當好瞓,煤氣1530,游水700m,樓下大乜樂,老婆上台有問題,晚飯4人食.

昨晚出埋編長長blog,同時個個較夜沖涼,搞到成1點鐘至瞓,一覺今早7點多醒醒,去個所回來又瞓返,之後就瞓到10點半鐘,相當好瞓,起來洗面搞早餐食,餐後差多11點鐘,量血壓141/76-59,還是有點高,食今早藥,辦埋個大事,11:40再量119/75-61咁都好啲.
又12點鐘交居要費,煤氣1530元,交妥費上陣網又1點多鐘,真係不知自己想點?唉!都係去游水,執齊行裝晏咗出門,過到泳池以經1點53分,更衣室換妥泳褲稍熱身,上池1點05分下水,泳客唔多水都幾暖吓,一條氣游佢700m,時間關係起水走人.
更衣室呀王放假,肥仔頂更,沖個大熱水涼,衫還未換妥,老婆以經第二次來電,話個仔兩個今晚唔食飯,無須多買餸,就回來樓下食大乜樂喎.
換衫期間,竟然有啲咁缺德泳客,除了對鞋,竟然放上椅上,唉!椅用來坐,掉轉你坐又怎樣,唉!香港人乜都做得出.
換妥衫就單車回家,商場大乜樂,老婆以經在等,每人食個茶餐,老婆23我24,老婆話兩隻又話食喎?唔食又食,為有上惠乜刮吓,看有什麼啱買,惠乜還未行轉,就特價買份鹹魚肉餅,樓下街市買斤西洋菜10蚊返歸.
 
回家老婆處理煲落湯,湯料有昨日買的粉葛13蚊,貴妃骨27蚊,鯪魚骨10蚊,赤小豆扁豆同土伏苓,我就上網寫今日blog,

寫兩寫諗起老婆上台事,見網友Galy留言點醒,諗吓老婆用量咁少,上網又唔太多,須然以經薟咗約,但還是有點不憤,於是乎至電移動熱線問問,唉!忙過鬼,為有留下電號等佢覆.
果然服務唔錯,兩小時後覆我,一問之下,原來可以攜號轉儲值咭,合約未生效前還可以改,只不過首月台費就無得回水,諗吓又諗得過?用量咁少,計吓條數,屋企有wifi,外便政府,商號又有,一毫子一分鐘,算你月用500分鐘,只不過50元,損失106元,好過月月無咗106元.
了解後煮飯,老婆煲落湯,我來煮兩個餸,有外賣鹹魚肉餅14蚊,西洋菜10蚊.

清炒西洋菜

鹹魚蒸肉餅.

鯪魚骨貴妃骨煲粉葛




4個人食1夜返留湯飯餸,今餐唔計赤小豆土伏苓成惠74蚊.