睡來唔錯,腳痛消炎藥,老婆休息做家務,賭馬貢獻30,大圍食老麥買餸,晚飯一煲了5人食.

昨晚11點零都瞓,有夜所,唉!腳好唔掂,要用拐杖趌住去,瞓到今早7點多,睡來算唔錯,瞓不返手機賴床,一賴9點鐘起來,老婆放假亦醒,腳痛坐響廳,遲遲唔願起來洗面,番熱木耳漿,才弄早餐煮鮮奶麥皮做飛碟,同老婆兩份食,

量血壓127/78-53,食今早藥,腳痛食粒消炎藥,辦埋大事又10點45分.
老婆處理家務,祙廚房我上網,但上不到一陣超眼睏,無辦法,為有攤響梳化瞓陣,矇矓下新抱返工,一瞓12點鐘醒,剛好城市論壇,輪到個女瞓醒返工,老婆繼續家務祙地.
腳痛無所事事,為有玩馬仔,唔買佢跑佢,買佢中,拖兩隻又影都無,嘥氣,輸我30蚊都唔鬼賭,

678	22-05-2016 13:29	沙田 星期日	位置Ｑ	3 場    9 君子承諾 + 13 順其自然 $10	$10.00
9681	22-05-2016 13:52	沙田 星期日	位置Ｑ	5 場    7 駕悅 + 10 華麗傳奇 $10	$10.00
9684	22-05-2016 14:30	沙田 星期日	位置Ｑ	5 場    10 華麗傳奇 + 14 好友益 $10	$10.00

見昨晚煲雞骨都咁多油,不如索性蒸鬼埋佢,起皮拆肉,留來慢慢搣.

 兩隻既肉,半湯碗雞汁,放雪柜雪凍撇油.
 
搞掂啲雞3點多鐘,腳痛似乎好啲,須然不用點買餸,都係過大圍行吓,同老婆前後腳出門,佢行路我踩車.
過到大圍便走去麥記揾定位,老婆稍後才到,還是一包一餐飲奶茶33蚊,吃後腳痛還有些,又食粒消炎藥,老婆手機遊戲,我電話同華仔吹水.

街市見到啲嘢?大家又估吓係乜東東?

餸本來無須點買?但樣樣實在太平,結果又孭一大袋走人,老婆依然選擇行路,但我腳還有點痛,為有踩吓停吓齊返歸.
回家都6點鐘,個仔已放工回來,買來有粟米5支10蚊,腰芒3磅20蚊,青瓜兩條4蚊,甘孤4包10蚊,韮菜花三扎8蚊,葱三扎4蚊,合共66元.

諗住早點煮飯,個女又用廚房,到用得料有粟米1支,雞絲,四季豆同葱.
 
 到煮飯又被老婆遊戲佔用咗個插頭,真係把鬼火,唔發火唔停機,
 
 飯熟落齊料,又成8點半鐘開飯,粟米季豆雞絲葱飯,一煲熟.
 


隔夜涼瓜雞,5個人食一夜返留飯餸.

飯後果芒果.