睡來可以,鼻感好些,整朝煲劇,游水600m,新抱放假,齊齊樓下大乜樂,難得發噏風,晚飯4人食.

昨晚大龍鳯搞到成1點多鐘至瞓,還好一撻即著,半夜鼻塞曾醒過,稍呻鼻水墊高枕頭又瞓過,瞓到今早8點多啲鐘醒,睡來算好一晚,稍賴起來,鼻水依然呻不停.洗面搞早餐食,量血壓139/71-59,食今過早藥,辦埋大事又9點45分.

例行工事上網,由於琅琊榜套劇內有個二線女演員,好感興趣?於是乎摷摷料,一摷之吓順藤摸瓜,原來有套劇佢有份演出,叫花火花紅,於是乎又看吓.
一看嗰然有點氣勢,故事同紅高梁好相似,看了一集好有感動,講個女主角被老豆出賣,要嫁個爛賭二世祖,出嫁前盡孝道,同個老豆洗腳,唉?搞到我喱個老嘢,眼淚都出埋,看了一集半,又幾吸引?頭威頭勢水準唔錯,看下來能否捉得著我繼續睇下去.
 https://www.youtube.com/watch?v=wxgBHDQZv-Q
看了一集半又12點多啲鐘,轉看電視紅高樑,看完係時候去游水,執齊行裝1點鬆啲鐘出門,1點16分去到泳池,更衣室搞掂一齊上池,還是行舞雷公咁遠副池,途中見大池以注滿水,看來開放日不遠.
去到副池稍熱身,唉!副池超多人,見練習池無人,不如淺淺哋練習池游好過,一個人包個池,氹氹轉來游,大約游了廿分鐘,游緊時以見一大班學生前來,又見個女救生員迎面行來,我都醒目,揚起手示意OK,游埋嗰轉起水離開.
唞咗一陣,見目標600m還差些,為有人多既副池,游多200m走人,更衣室搞掂一切,又同呀王吹水,至電個老婆,說就樓下食大乜樂喎?同呀王吹陣水便返歸.
途中新抱來電,說同奶奶以經在大乜樂喎,咁就全速返樓下商場,大乜樂老婆同新抱以在等,每人食個下午餐,

跟住個女同男朋友到,咁就齊齊開餐,一便食一便吹水,又講我啲老土言論,對時下香港年青對中國心態,傾咗好耐,老婆係咁示意散band返歸.
回家才4點多鐘,老婆就靜雞雞上床去瞓,鬼咩?昨晚切蛋糕太夜,有乜辦法唔儍儍的去瞓,我就繼續同啲後生說故事,講吓我在香港土生土長所見所聞,又講我從youtbube所見啲大陸建設,一講又5點多鐘,個女同朋友要出街,我才停口寫我今日blog.
(其實我都明白啲後生,不一定會聽我發噏風,但希望佢哋能了解多點,不要一面倒思想,不要人雲亦雲的去盲目)
一寫又7點24分煮飯,全部雪柜料,有手撕雞,韮菜花同魚膠.

 手撕雞
 
 魚崧炒韮菜花,

 煎魚餅,

8點06分開飯,三個人食.