睡來唔錯,鼻感好得多,游水後腳痛,整朝煲劇,禾輋食老麥,晚飯4人食.

昨晚未及12點鐘以經瞓,一覺5點多鼻塞醒,老婆起床,呻呻鼻水墊高枕頭,還好又瞓返,之後就瞓近9點鐘,鼻感比昨又好多,起來鼻水亦少咗,昨日游水腳又痛咗啲.

洗面搞早餐食,量血壓131/70-52食今早藥,跟住辦埋個大事又10點半鐘.日日如是上網,見昨日同啲後生講過吓中國歷來轉變,於是乎youtube摷吓同類片睇吓,一摷咗套鏗鏘集百年一願來睇,一睇4集,看完就煲劇花紅花火,一煲就4集,以經1點鐘,連紅高梁都錯過時間.

看陣電視老婆返,老婆就佢網上遊戲,去到3點鐘,好想買隻鈎仔,來鈎住隻大門,於是同老婆過禾輋12蚊店找找.

過到禾輋同老婆又食麥記,一包一餐飲奶茶33蚊,餐後每人整多杯軟雪糕共7蚊,餐後12蚊揾鈎仔,可惜係無,又去日半城揾吓,結果都係無,以往一樣同老婆踱去瀝源,759,雞寶無嘢啱買,然後沙田街市,20蚊買咗兩份嘢,蝦仔同花蒼魚仔,搭程車返歸.

回家以經6點20分,個仔已放工回來,老婆要網上遊戲,咁就為有我來搞,一搞7點40分,才來煮得.

南瓜甘菇蒸公魚干,

茄汁蝦仔,

麵豉蒸花蒼

8點半話之你開飯,四個人食一夜返留飯餸.