失眠未瞓過,腳痛第8天,早餐大家樂,趌跛跛心臟覆診,午茶麥記,晚飯三個人食.

昨晚11點半鐘都瞓,0200醒,去個所就瞓不返,出盡百寶都無辦法?就係咁閉目到6點多,再次去個所就收音機賴床,8點鐘都起來,老婆亦跟著.
早餐無麵包,腳繼續痛,等陣又要心臟科覆診,唉!都唔知點去?
差不9點鐘帶埋覆診所需,趌跛跛的同老婆落大家樂早餐,實在太辛苦,根本靠支拐杖撐著,一步一步的撐去.
風後第二日依然咁多人,難揾位?少許滴水位都要照坐?老婆30餐我25餐,吃過望吓個九巴app,23分鐘會有車?唉!覆診1030,早些出去穩陣啲,成半小時一班車,走雞就大鑊?
趌跛跛出到去,九巴吉車排長龍,職員幾個在指揮,原來車來到這裡,到此為止,要掉頭喎,等咗好一陣0942有車到.
過到李家誠診所0955,腳痛唔想行,便叫老婆去威院嗰邊卦號買票,我就響藥房度坐等,老婆回來盛惠80元卦號費.上到1/F叫老婆去交覆診單,誰知老婆話不用交覆診單喎?就咁等叫名見醫生喎?原來6月1號開始不用此手續.
大堂坐見量血壓排長龍,又叫老婆代我輪住先,老婆話真正做咗菲傭,倍診要收費喎?唉!排啦?排到差不多,我就來量血壓,唉!好失望157/84-68無眼睇?
返回位坐等叫名,大約20分鐘1042,就叫到名,5號房等見醫生,等咗一個病人,11點鐘便輪到,是位女醫生,覆診咁多年?女醫生什少見,好細心,話抽血乜事都無,無糖尿,肝腎膽固醇樣樣正常,我話好彩無有錢佬病?佢話有錢佬才無呀,樣樣食有機食,食健康食物,反而窮人有,食埋啲平價有毒食物,咁又係.
跟住比本血壓薄過佢睇,解釋過佢知,有時兩隻差距好大,佢話通常我哋計高嗰個?老人血管係差喎?我又話天泠高到得人驚?幾次要去看街症,佢睇過我本血壓薄,讚我詳細,叫我繼續.
佢話上次你要傷風藥喎?今次要不要?我話不要.見佢問及傷風藥,不如話佢知對腳事,游水過累對膝痛,第二日夾硬行,行到傷晒?現在痛到唔行得,佢睇過撳過話應該無事,不要游水住,休息輪才游,不如比冬青膏過你,我話屋企還有,咁就比啲paradac止痛藥過你,又好啵.
佢又問俐底丸無攞好耐,要不要呀?我話還有唔要,我嗱淋拿出來過佢看,爛容容個盒佢一睇?同我講2018/10到期啦,我話一比就幾樽咁多?唔用好嘥唔要?係就比以前嗰隻噴劑,佢話好啦,就比噴劑啦,其他照舊喎?醒目的我怕搞錯?嗱淋比上次攞藥啲手機照過佢看,佢話好細心,對過藥無錯,話下次不用抽血,接過藥單預約紙,多謝一句走得.
地吓藥房取藥,我就揾位坐,老婆替我搞,老婆交費回來195元,然後去廁所,我就睇吓睇吓唔對路?唓?藥單都無交過藥房?何來有藥來攞?又要我趌跛跛去藥房交單.老婆回來我話你點做嘢呀Mariane?合約滿踢你返印尼?
一等粒多鐘,1224才輪到,拿了藥行條超長威院走廊,行咗半才後悔點解唔李家誠嗰邊搭的士走呢?行吓途中坐吓,行得我CC,1244才出到巴士站.

返歸1300處理好啲藥,老婆電腦遊戲,我累得要命瞌眼睏.

電視+瞌眼睏1500出街下午茶,趌跛跛的搖吓搖吓行去麥當奴,一包一餐一汽水40元兩個人食.

吃過坐陣老婆買餸37蚊早餐9.9麵包,我就麥記坐等老婆返,然後返歸,返到門口,鄰舍見我趌跛跛多天,就贈我藥膏,盛情難卻接過試吓囉.

回家1630,長長的blog為有慢慢寫,6點多鐘啲友續繼返,個仔回來嗱淋沖涼,話有人請飲就出街lu,夜1958老婆煮飯好,三個人食.

飯後果士多啤梨.

睡來可以,心臟覆診,血壓原來係咁,遇老醫生,食大家樂,晚飯兩人食.

昨晚如常出埋篇blog都瞓,湯水多夜所頻頻,半夜4點多鐘又醒,望望手機又瞓過,一瞓就7幾鐘醒,手機賴床8點鐘起來.

睡來可以,梳洗搞早餐食,上陣網餐後08:52量血壓144/74-58右手129/76-58辦妥一切事務才09:14.上輪網10點鐘,係時候準備吓,出門李家誠診所心臟科覆診.
10:20出門,單車過到李家誠診所10:37,百達通掛號80元,過南翼1/F內科交票,交妥在大堂坐,單車一條氣來到,當然要唞順條氣才量血壓,誰知大堂坐正個呀婆前面,呀婆不停哋同隔離個男人傾偈,傾得大大聲,男人大概係佢老公卦?說話長氣又話煮飯又食乜又唔食,係咁向著我後尾枕講,唉!頂你唔順為有走人,去個所回來以經10:50,醫生約咗11點鐘,為免叫到名又未量血壓?條氣還未喘定,就磅重房量血壓,10:55就輪到,一量151/90-86,唉!又會咁高?無偈.

返回大堂找個靜靜哋位坐,坐到11:15聽講播話太多病人,現在睇緊10:30啲病人喎?見有排才到,而且磅重房人少咗,於是埋去同姑娘講,先前匆忙未唞夠量血壓,可不可以讓我量多次?佢叫拿來睇吓,被佢一睇?說好靚吖,不用再量喇,我話151喎?你睇吓個表180才叫再做高?於是望吓?嘩!係啵?正想離開,諗吓都係返轉頭,問吓姑娘可以影低嗎?影啦.唉!早點知道個指引?就不用整個冬天騰晒雞啦?

返回大堂坐,坐到11:33就到我名,11房等候見醫生,

交過票尾護士,對過身份証,大約等咗10多分鐘,便入房見醫生,入到去一望原來係佢?係N年老醫生,我話無見好耐?佢覺得好奇?何以咁驚訝?我話重服務我們?佢才睇吓電腦,嘩!你1994年通波仔咁耐,嗰時應該係我做都似?我話嗰時通咗但又窄番?後來加個彈弓,嗰時係新手術,明珠台還初初介紹.
我話你應該退休嘆世界啦,佢話退休就C喎?之後就比本血壓薄過佢睇,紅字的都超140以上,又將這個冬天,見兩次診所見醫生,轉血壓藥同抽血講佢知,佢話天時冷一定高,下壓唔超就唔怕喎?
跟住睇我抽血報告,續樣數出來,我都忘記邊樣打邊樣?樣樣都話無事,跟住問埋佢診所兩次抽血,佢就話無事.
跟住就講藥,我就拿出我帶來藥盒,佢話無用,我都唔知啲藥,咁又係?咁多藥佢又點知吖?哈!跟住佢就指住個芒.,問我係咪喱隻食一粒呀?唉!英文我又點會識吖?斷估話係啦?
佢話同我轉過隻血壓藥,藥清楚後我就打蛇隨棍上,拿粒Neozep出來,我鼻敏感週時流鼻水,流到唔瞓得,試過好多種藥,又食又滴又噴鼻,都係唔得,但係喱隻傷風藥止得吓?可否比開啲比我?
佢一望,唔好食呀,男人最忌,食得多前列線有事呀,我話去到最嚴重,唔瞓得才食粒咋?佢話食到你迷懵瞓覺.
但又無明確比唔比?咁就出預約紙,出抽血單同藥單走得.開門時才見到,個醫生個牌,有個字同我一樣.
離開地下藥房交藥單,百達通一嘟,嘩?165元,交過藥單拿個藥號,嗱淋過威院嗰邊,抽血站預約,去到超多人排隊,兩個姑娘在條隊續一登記,編排時間同日子,埋到剩係蓋印搞掂.

搞掂返回藥房12:03,望吓顯示屏,嘩!差成二佰幾個.

咁就揾個位坐等,等等吓大鑊,無環保袋,啲藥點攞呀,諗起單車坐位個膠袋,於是單車處拿回來,之後又揾位坐等.
一等14:03終於輪到,原來傷風藥Neozep有比到,而血壓藥兩隻轉咗食一隻,跟住單車返歸.

回家14:30老婆在電腦遊戲,我就處理好啲藥,由食開6隻藥變為5隻藥,血壓藥兩隻變為一隻Bisoprolol Stada 5mg,尾綠色隻為傷風藥,用來睇門口.

成3點幾鐘同老婆食大家樂,新抱放假唔去喎?要過大圍喎?
大家樂老婆29我26蚊.

吃過坐夠行惠康,買有洗髮乳40蚊,朱古力條29.9蚊.

街市買餸,買有豬乸菜5.6蚊,茄子兩條6蚊,豆腐一件4.5蚊.

返歸17:04老婆繼續電腦,我就看電視,5點多鐘個仔放工返,話今晚佢兩不吃飯,好.
去到19:30個仔新抱街街,我就才來煮飯,豬乸菜煮半,茄子收起,豆腐切片,開火煮飯.
20:00開飯兩個人食,飯後果蕉.

失眠,血壓高依然,美元做定期,老婆甩隻牙,沙田診所見醫生,轉血壓藥,食大家樂,晚飯4人食.

昨晚出埋篇長長blog,2358量埋左右手血壓才瞓,左手174/95-52,右手167/90-51,量後上床,諗吓會不會血壓機壞咗呢?右諗吓右諗吓,咁就大大鑊?瞓極都瞓唔著LU.

閉目到2點多去個所,回來為有歌仔塞耳瞓,set下一小時,又一小時都未能瞓著?以經0448,谷鬼氣掹掉耳塞,咁就慢慢的瞓著,便瞓到0705醒,轉收音機聽新聞,慢慢矇矓到8點多鐘,千禧年代,烏滿海房屋問題,聽陣0845起床.

起來陽光入屋,搞搞曬晾,梳洗番熱木耳漿上著網食,稍後搞早餐,餐前0928量血壓左手169/85-60,右手155/88-55才食早餐.
餐後辦妥一切事務又1024,老婆啲美元定期到期,係時候將其二合一,再從新做期回定期,兩月年息0.8厘,到期日12月27日,搞掂後襯有滾水,刮刮啲鬍鬚,看能否轉番個好運.
上網不覺又1240量血壓166//85-66又量吓右手147/82-60,跟住個仔返,原來今日交通單嘢上庭回來,我就準備等陣見醫生所需東西.
又1點多鐘老婆返,話隻牙郁咗好耐,好唔舒服喎,哈!咁都無偈?老婆唞順條氣,叫佢試吓部量血壓機134/81-80,似乎又正常吖?但老婆血壓都要小心啲,話口未完老婆話隻牙甩咗出來,哈!舒服晒啦,不過隻牙好肉酸,黑掹掹?
又兩點鐘係時過沙田診所見醫生,帶齊一切所食的藥,連血壓器都帶埋去,過到去才1420,N年都無來沙田診所,而博愛中醫就幫襯過多次?中西醫登記窗口就拍住差不多,中醫登記就有6,7個人排緊隊.
而西醫部無人,登記員亦不坐,見佢做緊些似乎唔應該做的事?唉!知道炒魷都有份?見到我來才走出來幫我登記,盛惠50元,掛號後就矇查查不知怎樣做?見張票寫住5號房,便跟指示牌去找去5號房,去到房外坐下,究竟等叫名定係點呢?
後來醫護助理呀姐行過,問聲是佢應怎樣?佢才說輪到你喇?指住個螢幕?心諗剛剛來到兩點半鐘未到?有無搞錯?佢又問我量血壓未?未呀,叫我埋去量?我梗係唔量啦?剛剛趕到來就量血壓,我話唔得要唞條氣才量,我話我就係因血壓高才來睇醫生,個男助護話咁你唞陣才量.
等咗10分鐘,剛好兩點鐘,一量又160以上,個助理男護叫我,若果唔趕時間兩點45分再量啦,誰知個助理呀姐叫,到你入房睇醫生喇,唉!係咪趕住收工呀?個男助護話房內都有得量架?唉!是但啦.
咁就同老婆入房,醫叫洪迎德,將情況講比佢知,比埋手機內血壓表過佢看,看完佢就同我量血壓,一路量一路用聽筒,聽住我手拗部位,量完我話右手比較低啲,佢又同樣替我右手量,量完話都係高.我話早輪咳到飛起,又鼻水,反而血壓無咁高,喱兩日精神好,咳同鼻水都好番好多,反而血壓?又講我咳故事過佢聽,早幾日差點咳到我氣管收窄?搞到我係吸多幾次類固醇,我話類固醇就還有,而擴氣管噴劑就無,可以比支擴氣管噴劑過我,有時得厲害可以吸吓?佢話可以,我又話鼻水嚴重時,食喱隻感冒藥可以止得吓,睇過好多醫生都係幫我唔到?又可唔可以比啲我?於是我又手機相比過佢睇,佢話無喱隻藥我哋無,至多比收鼻水藥過你,咁就無就唔要.

之後佢話同我換過隻血壓藥,食開嗰隻唔好食喎,每日一次每次半粒,兩星期後來抽血,到時再睇吓點?跟住我問佢?到時用不用買票?我還未講完,佢就叫我出去問1號房姑娘.
唉!多句都唔講?地方完全唔熟,老婆係咁行,我話1號房喱度呀,老婆才返轉頭,護士話明天來啦,吓?唔係嘛?醫生叫兩星期後來抽血啵?佢才話兩星期後來啦,我又問?咁樣來抽完血又怎樣呀?有問題會電話通知喎?
唉!咁服務?醫生係咁?護士係咁?醫護助理又係咁?當正啲病人係熟客仔?個個可以自動波?攞過藥,不厭其煩再問多次,清楚後臨離開,望吓登記處啲指示牌,原來西醫部得兩醫生,怪不得時時都約不到?

離開1456,返回自家商場食下午茶,還是大家樂,老婆义燒米餐28蚊,我就豬扒包餐27蚊.

吃過坐夠手機未夠,老婆就催著叫走,話凍喎?離開便街市買餸,4蚊斤香芋南瓜,秤個7蚊後,其他都唔知買乜好?於是同老婆走去球場仔坐,上網搜吓食乜好?
球場遇見坊呀四老公在刨馬仔,傾兩句講及佢老婆呀四,排假牙怎樣?重係唔肯去執棚牙喎,個人性格係咁,成萬幾銀用來泡湯?永遠都係怕麻煩,我話關愛基金夠70歲就免費釀牙,叫你老婆去啦,傾咗輪佢有朋友叫.
我亦摷到今晚食乜料,就叫老婆入街市買,買有菜心3.5蚊,我只不過講例如買菜心啫?佢真係買菜芯?唉,餐餐菜芯?白蘿蔔一條8.5蚊同葱2蚊返歸.

回家1652,老婆處理買來的菜,我就上網寫我長長的blog.
1925煮飯,有老婆處理好的料有,蘿蔔絲,葱,菜芯,麵粉,梅菜同雞蛋.

2105開飯梅菜煮菜芯.香葱蘿蔔絲煎餅,4個人食1夜返留飯餸.

我的心臟病歷程(3)四 歷時5個多月胸口銀住痛,告一段落.

2010年9月8日開始,心口時不時銀住痛,同年11月6日更入院留醫觀察三日,毫無頭緒出院,出院情況依然,還是時不時銀住痛,12月4日更要去睇急症,經岑醫生推薦,12月4日做埋個冠狀動脈造影及冠狀動脈鈣化,須然報告說不大嚴重,但情況一樣?幾日間又來次銀住痛.

以下是我當年做下的一個表,每日的血壓,胸口痛的情況,同食過什麼藥,

2010年12月13日   無計可施
百思不得解下,見西醫無辦法?於是上網search吓,看吓有乜靈丹妙藥?一摷之下,摷到以下條link,叫(降膽固醇高血壓偏方)

別無選擇為有一試,材料什為普通,價錢又平,就在2011年1月14日開始試煲來食,每天晨早跟條方來煲,吃後半小時才食我早餐.

2011年1月5日   胃藥心口痛?
如是這食咗23天,來到2011年1月5日,發覺我所食的胃藥,食少咗?本來80G食咗40G,於是乎即時食回80G,誰知吃後心口突然銀住痛?大鑊,唔通關胃事?下來6號開始我就不再食胃藥.




2011年1月13日   遺忘木耳方 
而木耳就食到2011年1月13日止,一共食咗31個早上,胸口銀住痛似乎係輕咗啲,而我著意力就落在胃藥度.


2011年2月17日   綜合科覆診 
個多月來我心口痛係明顯輕咗,次數亦減少,而我亦相信係胃藥出事?
2月17日係未留院時約下的綜合科覆診,於是如常去覆診.
醫生唔相信 排期照胃
去到見楊醫生,由於胃藥事件上心,去到拿埋份表出來,將胃藥情況同楊醫生講,醫生聽後有點唔高興,話都違反常理,胃藥保護個胃,還說我不是心紋痛喎?之後我又講個過案佢聽,有個朋友情況同我一樣,心口銀住痛,起初以為心絞痛,後來才知道係個胃損咗.
楊醫生聽後?咁就寫紙你去照胃囉?跟住睇埋我帶來份血壓薄,說食回舊藥啦.
跟住我話喱輪咳,係咪身子唔好寒咳?佢話好難講?楊醫生都唔想同我講?話去睇吓中醫啦?
離開楊醫生房,跟住藥房交藥單,再過威院胃鏡部排期,一排8月2日上午10點鐘,原來照胃前要停藥,唔清唔楚?又要返回楊醫生房問清楚?搞咗輪才藥房取藥走人.

2011年2月24日   心臟科首診 
綜合科覆後一星期便輪到心臟科應診,兩點半鐘去到威院,第一次診還以為新症,原來還屬舊症60蚊,掛號後便過隔鄰南翼一樓,交過預約紙便坐埋一邊.
量血壓,驗尿,心電圖,
唞順條氣才過磅重房量血壓136/81-76,硬係高過屋企量111/67-64,跟住驗尿,好在早有準備帶備樽仔,廁所留下小便,呀姐即驗,用棒一點,問題多多的我,即問驗乜?,呀姐話驗糖尿同蛋白質喎,跟住比張心電圖紙過我,叫去威院嗰邊照,這時個女以經到咗,便齊齊過威院嗰邊做心電圖.
返回一樓見醫生
做完心電圖返回一樓,很快1530便叫到名見醫生,戴有口罩男性醫生,看落好年青,印象中未見過,醫生撳輪電腦,還未開聲,我以交上交香港體檢本CT本掃描過佢,佢好愕然,有料睇?佢睇咗一輪,
專注胃藥
我又張胃藥事件講佢聽,胃藥係2010年6月17日,綜合科覆診時,陳XX醫生見我咳咁耐未好,可能係胃酸問題?叫我食粒胃40G試吓,就係咁每次食藥都加粒40G.
直至到10月21日,又綜合科覆診,楊XX醫生見我食亞士匹靈傷胃,又加多40G過我,但我唔為意,到2011年1月13日發覺食少咗40G,就立即食回80G,當時食後就立即心口銀住痛,到續後停咗,我心口痛明顯減少咗同痛輕微咗.
醫生話心臟無事,胃由綜合科跟番,
跟住講埋由開始心口痛,入院三天,入急症室一天,香港體檢CT,到今次胃藥事件,講晒過佢聽,佢話都唔知啲醫生亂咁比藥?佢話我心臟無事喎?又話個胃部份,由綜合科跟番喎.

2011年2月27日  告別胸口銀住痛
自信胃藥影響胸口銀住痛,一天比一天的減少,而痛程度一次比一次輕,直至今日亦是最後一次輕微銀住痛.

2011年6月9日    綜合科覆診
例行覆診,當日我個女都有陪我去,楊XX醫生,覆診常遇的醫生,亦是位好了解我病情一位好醫生,最奇特連我個女佢都認得?好嘢.
胃藥影響胸口痛
就係好心,見我食亞士匹靈傷胃,特別替我加重份量胃藥位醫生,見到佢當然將胃藥事件講佢知,跟住話停咗胃藥三個半月,胸口銀住痛,至今一點都無再出現過.
取消胃鏡
而安排照胃照鏡,我都唔照喇.楊醫話都時真的無胸口痛,嘛早幾日通知胃鏡部囉,免得人家好安排.
收鼻水藥
胸口銀住痛亦告一段落,又輪到我鼻水不停流,佢話出入冷氣,狗毛貓毛有乜出奇?開些收鼻水藥過你啦,會眼瞓喎?佢話佢都傷風喎.
好好醫生
跟住話其他食回舊有藥,又話都好耐無驗血,叫下次抽血,一輪咀講咗驗乜驗勿,多到我都忘記?我當然話好啦,我話醫生你真係好人,咁照顧病人?佢話還有40個症未睇呀,我話辛苦你,佢笑笑口話,係咪唔好同病人講咁多嘢吖?

2011年6月17日   運動應激心臟超聲波檢查
本應安排2011年7月22日做這個運動應激心臟超聲波檢查,後來醫院來電通知,今日有位可以提前做.
超好人周姑娘
當日1410去到舊威院,心腦電檢部,一位藍衣姑娘接待,姑娘個牌寫姓周,似乎好開心,聽聲似乎係聯絡我位周姑娘,跟住紅衣姑娘替我度高磅重量血壓,到量血壓,我話趕著來行得太急,可否唞陣才量.坐陣其間環顧四週,同舊年來登記時好唔同,裝修過啲房間大好多.
辦入院手續
20分鐘後,周姑娘來同我量血壓,說128/79幾好喎?跟住入房做心電圖,完後周姑娘寫紙叫我過新座嗰邊辦入院手續,又要我薟份同意書,話回來舊座上10M,找羅醫生,到時我會響度喎?
離開過到去新座,揾咗好一陣,原來就急診登記處辦理,交過紙交過身份証登記好,便返回舊座10M找羅醫生,去到周姑娘以經響度.周姑娘好人傾得幾句.
貼上貼子駁好線
換過病人衫後就趟上單車床,其實剛才在心腦電檢部,電視都看過踩單車情況,都有點認識,趟咗上單車床後,姑娘在我身上貼上好多貼子,跟住續個貼子駁上電線.
踩前超聲波
駁好線我以為踩得?誰知周姑娘話未得住,要先照超聲波,跟住一位講普通話白衣姑娘,來同我照超聲波,在我心臟位塗上啫喱物體,用支筆物體係咁捽,捽咗好耐,又捽又篤,又要配合呼氣吸氣閉氣,有時閉到頂不住,捽咗好耐,篤到胸骨都痛埋.
原來係學員
突然有位姑娘出聲,等我來,掉....原來做的係初學?真大劑?等我來位姑娘,一樣大陸口音,但廣東話好得多,同樣叫呼氣吸氣閉氣配合,都捽咗好耐,終於做完,唉!被做的咁辛苦?替你做的可想而知?
外便做三千銀
坐埋一邊休息,見輪到第二位上單車床,見個人都上年紀,過程同我一樣,先照超聲波,但無耐見姑娘響度議論紛紛,話佢都唔駛踩啦,現在都都咁高?見偷睇人家唔多好,都係坐埋一邊休息等,同周姑娘傾幾句,問吓喱個檢查外便做多少錢,周姑娘話要三千元喎,又話這裡都有同外便人做喎.
非一般的踩單車
大約1600條友做完超聲波,又輪到我上單車床,其實同踩單車好不同,個人有要打則身瞓響度,有點蝦米腰的踩,係好有難度的踩.
中港合作
今次多個白袍男仕來,聽口音相信又係大陸人,似乎高級啲,這個時候我感覺到,佢哋係兩班人,大陸人同香港人?好明顯制服唔同?跟住周姑娘同位白袍男仕說,留番啲位置過你哋?好明顯兩班人各有各做,跟住有個醫生到,應該係羅醫生,一睇羅醫生係香港人.跟住做超聲波位姑娘同我套上右邊單車腳踏,而周姑娘同我套上左邊,我同周姑娘講,我唔會另你失望嘅,心諗時常游水踩單車,濕濕碎啦.
運動應激心臟超聲波檢查
於是乎開始踩單車,一邊踩一邊姑娘替我做超聲波,同樣配合姑娘指示,閉氣呼氣吸氣,但腳還是不停踩,做時心電圖,量血壓齊齊開動,大約踩咗10分鐘,心諗唔知踩到幾時?唔留力嘛衰後尾?係咁踩係咁配合,望住個錶去到60至70之間,而姑娘望位螢光幕,係咁叫還差些少,踩快啲踩快啲,聽到咁叫,越踩越落力,踩到我渾身都熱出汗,又叫上身唔好郁,剩係腰下用力,從未試咁大運動量,終於聽到周姑鋃叫可以慢啲,心諗應該係尾聲?踩完望吓個鐘1625,大概踩咗25分鐘.
高難度單車檢查
起來我同周姑娘講,真係唔嘢少,正常無病都未必踩到?周姑娘話都好少人做到,叫坐埋一邊等羅醫生看完報告就知道?正想問多句,見佢都忙都係唔阻佢,走去祙祙身,換回自己衣服.
心臟無事 超好人周姑娘
坐等咗陣,羅醫生來說我心臟無事,而周姑娘就比張單據鋃過我,話上面印有我名過字同條碼曲,等陣做埋個超聲波就可以走得,報告就響電腦出,覆診時醫生會講,又話張單據交咗錢後要撕爛佢才掉,因為有晒你資料.跟住又問我對手,一撻撻瘯?都好多年LU,問過好多醫生?都係比啲喜療妥揸吓算.
周姑娘認真好人,有問必答,又關心又細心.
最後超聲波
坐到1700,超聲波姑娘來,叫我瞓上另一張病床,同樣塗上啫喱膏,要我打則身瞓,而佢在我背後,坐近我屁股,用支超聲波筆捽我心臟位置,情況似背後攬住我一樣,我同樣要配合呼氣吸氣閉氣,今次好快,15分鐘搞掂,她說好好,心臟漲同縮無問題,於是我又略略講我心臟食胃藥故事過佢聽,佢話可能副作用問題?
盛惠150元
祙過心身上啫喱狀藥膏,便同周姑娘說再見,過新座繳費處,遞過單據盛惠150元走人.


回家後才發覺貼子還留在身上.


擇自網上資料  運動應激心臟超聲波檢查
檢查過程
1. 首先醫生（或超聲波操作員）會對你作靜態時的心臓超聲波檢驗。
2. 然後你會在電動踏板面上步行，而該板速度及傾斜度會循序遞增，或作踏單
    車運動，直至達到心跳目標為止(視乎你年齡及病況) 。如在該段期間你有
    明顯心電圖變化或嚴重症狀或徵兆，運動亦會終止。
3. 此時醫生（或超聲波操作員）會再作運動後的心臓超聲波檢驗。
4. 當值醫護人員會密切監察你的症狀，測量血壓及心跳之變化及心電圖，以減
    低檢查風險。
5. 檢查室設有足夠的醫療設備，以作必要之急救準備。



自此之後胸口亦没有再痛過,而胸口銀住痛亦深信係胃藥出事,事情亦就此告一段落.


而6月21日還去咗過北京蒙古9天之旅.

我的心臟病歷程(3)三 香港體檢 冠狀動脈造影及冠狀動脈鈣化

香港體檢    冠狀動脈造影及冠狀動脈鈣化

自從2010年11月30日急症室檢查一整天無結果,岑醫生推薦做個心臟CT.

21010年12月3日  提早心臟CT

幾天後個女來電說約好香港體檢,6號星期一做心臟CT掃描,後來又改咗明天4號,可以提早1330做喎?

2010年12月4日   香港體檢

約咗1330體檢心臟CT掃描,個女永遠都係趕頭趕命,成1250才出門,心急下所乘巴士又遇上塞車,出到油麻地香港體檢,剛好門口有站1335.
盛惠2880

落二層地庫便到,拿過飛仔稍等,便登記處填份表,個女代填我薟個名搞掂,個女薟咭盛惠2880元.之後就隔鄰廳坐等叫名.

地庫全層相當大,裝修新好靚,卦墻兩部大電視,裝修跟工聯會差得遠?客唔多,相信預約關係卦?

好快便叫名,護士帶著經過小小走廊,有好幾個房間,來到一個細小廳仔,大約有4至5個護士,坐下就量血壓151/101,又會咁高?之後比個籃我,叫去換衫.
房間特別細
跟住叫去另房間,間房真係好細好細,兩個護士加埋我都轉身不到?我坐響張高櫈上,另個護士要企門口,拿張紙仔係咁問?有無藥物敏感?有過乜病?哮喘呀之類,問完一輪薟個字搞掂.
新手種豆豆
而另護士開始同我種豆豆,唉!撞鬼,唔知新手吖?定難種?拮咗我好耐?拮得我好深好痛,大大話話住院咁耐未遇過咁情況,針得真係好痛?種上豆豆後,另護士講解過拮針護士知?邊度係入口?邊度係出口?唉!怪不得拮得我咁痛?

防敏感針
之後個說教人護士在我豆豆上打上一支防敏感針,原來係我個女指定要打?個女問過廣華醫院一些有關人仕喎?跟住又打支好大支,不知什麼藥水既針?個女見到話?咁大支咁牙煙?比著我唔照就罷喎?唉!又要比錢又要痛?
反胃嚇一跳
之後返回個廳仔坐,突然間反起胃來?但又嘔唔出?胃抽根一樣?個女嗱淋叫護士斟杯水過來,護士叫飲少少濕吓好啦?還好過後無事.
坐咗陣就叫入掃描房,就正正對面間,亦剛剛有個女仕從房出來,嘩!真係一個接一個,時間無嘥?
心臟CT

入到房除鞋上床,腳上一個大圓拱型環,護士叫雙手放在頭後便,然後替我身上貼滿有電線貼子.貼好check好,醫生就來同我講解,說會有乜反應?同時要配合佢點做喎?又要我嚐試閉氣過佢睇?要廿秒以上喎,又放隻手在我肚皮上,測試我能否做到咁長時間?佢話吸氣同呼要平均,到時可能要閉氣更長時間喎?
CT練習
之後就來一次練習,叫隻手放在頭後,跟住聽醫生指示呼氣吸氣,又話要閉氣好耐,又放隻在我肚上,測吓我能否閉咁長氣,測試咗好耐,對放頭後放到手都梗,才叫我雙手放回個肚皮上,嘩!幾難頂,喱輪咳開,好彩又無咳到.
CT全身滾晒
雙手放回肚皮上,等咗好耐,醫生同護士車車咁轉,搞咗好耐,護士才來我豆豆處注入咗支針,應概係螢光劑針卦?嘩!痛得我?剛才醫生講過會成身熱晒,果然慢慢蔓延,漸漸全身滾晒,舌頭腳子手指尖都熱埋.
聽指示閉氣呼氣

跟住聽住個咪,醫生叫吸氣呼氣忍住,循環做咗兩次,終於順利完成,才鬆一口氣,過後醫生問我搭橋手術做咗幾多條?唉!邊記得吖?好似三條卦?後來比咗我預備出院紀錄過佢看,佢係咁易番兩番?話幾詳盡,心諗幾拾年來紀錄,睇得到才怪?
完成解除一切
之後護士替我拆除晒所有身上貼子同豆豆,紗布換上膠布,說三兩天會有電話通知,來取報告喎,咁就走得.

2010年12月6日  圖文並茂
CT掃描第二日以經有報告,報告圖文並茂,還有隻CD,彩色好靚,好大本,2880元確係唔貴.

2010年12月7日   拿報告見岑醫生
翌日急不及待拿報告去威院急症室見岑醫生,岑醫生略睇過,說搭橋兩條無塞到,通波仔加支架嗰條就塞咗喎?我話無錯當時手術後,好清楚問過醫生,都係話支架條塞咗,岑醫生還指住圖片話我知那條塞,那條塞幾多?唉!我又邊識睇吖?說大至上不太嚴重喎.
我又帶埋所食的藥同血壓紀錄過佢睇,她略睇過後說血壓都幾靚,之後問我幾時覆診?其實我由心臟科以經轉咗落眾合科好耐,佢話咁吖?不如轉回心臟診科覆診啦,咁會好啲喎,寫封信過你,你過李家誠診所一樓內科預約啦.
轉回心臟科覆診
感謝句便嗱淋過李家誠預約,一約極度失望?竟然排到2012年2月23日(星期四)到時帶埋小便喎.唉!足足等一年有多?

2010年12月8日  覆診改前一年
電話響,私人來電,都諗住廣告多,一聽原來係醫院打來,佢話醫生睇過我封信,覆診期改早一年喎,我話唔係我有乜唔妥嘛?我又問你係咪醫生呀?佢話唔係,我係姑娘喎.話遲吓會有預約紙寄過比你喎?

2010年12月22日   覆診紙到
排期紙終於收到,本應2012年2月23日,改為2011年2月24日應診,足足改前一年.

睡來可以,有夢,心臟科覆診,血壓藥加重,樓下大家樂,街市剪髮36,晚煲粥炒麵4人食.

昨晚食埋個花巧多過實際月餅,搞兩搞成12點半鐘至瞓,夜所一劑瞓到7點鐘扎醒,發咗個夢?夢見返工遲到,例牌鼠出地盤食早餐,都係就近地盤臨時搭建茶水檔食,坐下叫個三文冶同滾水蛋,哈又不是奶茶?誰知等咗好耐都未來,咁啱有條坭水佬同我找埋數,等到火都來,到有早餐出,佢老味對面個客遲來先食?更加火滾,谷鬼氣唔食走,個大概老細猛咁勸住,結果個早餐到,一杯滾水蛋,一件豬扒之類,好大舊,义落去似舊老火湯瘦肉,煲到稔晒,义佢义,咁就扎醒咗,成身慶成身滾晒,望吓個鐘7點鐘.

去個所後就瞓不返LU,手機賴床到8點半鐘起來,洗面番熱木耳漿上住網食.上輪網早餐,餐後0915量血壓158/80-56,嘩!有無咁高呀?藥後搞掂一切事務,0942再來量過155/79-54,唉?都係高?搞邊科?今日1030心臟科覆診.

10點鐘嗱淋出門,車場單車過李家誠診所,拿了單車踩出不遠停車收費處,前面部貨車塞住,於是揾隙捐,正捐之際,突然間截車條閘臂降下,嘩!行快一步比佢閘到都似?看來今日都小心啲至得.
一路踩,過馬路小心啲,燈位都要望清楚?去到威院登記處1017,嘩!超多人排隊買票?嗱淋轉百達通付錢,一嘟哎唷?加價,以前60現在80蚊?連除過對面李家誠診所一樓交覆診紙.
大堂坐定定,10分鐘後見磅重房超多人排隊量血壓,大概30多人在排?咪攪嗱淋都去排,一等1043輪到,一量超失望?重高過屋企量,164/85-71,我以經攤唞咗廿多分鐘,都係過咁高無偈?
量過血壓就大堂坐等叫名,1058叫到名6號房門外等見醫生.等咗15分鐘應該輪到,於是企近6號房門口,等護士出來叫便入去,他媽的等咗好耐?隱隱聽見外便個咪叫我來個名,無理由吖?平時喱個階段,護士出來叫入去,都係唔鬼理佢?但又叫我個名,聽不清楚幾多號房?好似10號房?於是走去10號房敲門,又話無喎?谷鬼氣,返回6號房直接敲門.

護士問係咪金寶湯,唉!原來個咪係叫6號房,我話出便門口,根本聽不到個咪嗌乜呀?個醫生還說,我現講嘢你聽到嘛?吹漲,我指住護士說,平時係護士開門叫架嘛?醫生才說正準備出去叫喎?
每次覆診都係例牌貨,問我有無心口痛呀?我話乜事都無,佢話你游水800m喎?我打個特?你點知架?佢話我係你講既?我話無一條氣慢游600m,800m慢慢游得既,還問幾多個塘?600m12個囉,之後話我血壓高啵,我話係呢?喱幾日特日別高?
於是拿部手機比啲紀錄過佢看,佢話咁有心機?略睇之後,話同我加重血壓藥,我驚C佢睇唔明我寫?個表一邊係日子啵?佢話我識睇,吓吓都高到140啦.
之後同佢講,我鼻敏流鼻水,成晚鼻水積壓個鼻好痛,痛到唔瞓得,試過好多種藥,都係喱隻頂得吓,

可以比啲我嗎?佢話比都係一星期藥咋,我話比多啲啦.
跟住話下次空肚驗血啦,正出緊預約紙,抽血紙同藥單,我嗱淋比手機上啲藥過佢睇,我要喱六隻同剛才隻鼻敏感藥咋,其如我唔要,

到打印機出了預約紙,抽血紙同藥單,佢話你剩係要基本幾隻藥嗎?類固醇嗰啲唔要啦,我話係呀,佢才撕爛張藥單,重新再出過張藥單過我,人腦精鬼腦靈,幾次攞藥才發覺多咗啲藥係無用?
接過所有預約紙有同藥單,差點忘記我幾日前抽血報告,佢才說無事.
離開6號房,地下藥房交藥單比錢,嘩?195元?七隻藥咁Q貴,唔通又比埋啲無用藥?數下藥單?無錯吖?原來加咗價,半年藥每隻30蚊.
嗱淋交藥單過藥房,飛仔3300,嗱淋過威院抽血部預約,約好返回李家誠藥房,醒起無帶環保袋?大鑊點拎呀?醒起笠單車坐位個膠袋,嗱淋攞佢回來.
藥房等到差不多12點鐘,3300終於輪到,4號窗取藥,都諗住最快係我?誰知有個女人重快,晨早見佢藥房窗前徘徊,原來3299,在後便睇住佢攞藥,嘩?見藥房內佢藍藥?大大個藍,載到滿晒?我諗有廿幾種藥咁多?個藥房女職員一隻隻數過比佢,足足數咗十幾分鐘?個女人話喱隻又比埋我?是但啦橫掂比咗錢喎?心諗咁犀利的藥,當飯食都飽.
輪到我7隻藥,剛好一膠袋走得,

離開藥房1210.
返歸1238,開電腦上網寫我今日blog,.
1點多鐘老婆返,寫緊blog都費事睬佢,到1440同老婆落大家樂下午茶,老婆焗薯餐21蚊,我就吉豬烏冬餐27蚊.

吃過坐夠街市買餸,老婆話昨晚大量冷飯剩,不如煲粥喎?好.街市老婆買瘦肉,我就頭髮長長,不如走去剪髮,哈!又好得一個客在剪,等咗陣36蚊,又剪得幾好.
返歸1630,老婆買咗瘦肉20蚊,洋葱個2.3蚊,麵餅兩隻9蚊.

老婆處理今晚餐料兼煲落煲粥,料如下.

我就續上網寫今日blog,
夜老婆主理2008開餐,蕃薯瘦肉粥,

洋葱火鴨絲炒麵

4個人食1夜返留粥麵.

我的心臟病歷程(3) 二 疑似心臟病,又闖急症室

我的心臟病歷程(3) 二  心臟又來料.

自2010年11月9日留院三日,唔清唔楚出院,為有信任醫生嗰句,老人家唔多唔少都會有些細微血管塞喎?
出院日做咗個心臟超聲波,還未有報告,還有2011年2月22日運動應激心臟超聲波檢查未做.

2010年11月23日  事隔14日又來料
晨早6點多鐘,瞓到夢鬆鬆,心臟又來料,胸口又悶又翳,半邊膊及左手軟晒無力,呼吸有點困難,但又無拿住痛感覺?醒咗一陣,情況依然,為有起身出廳,攤響梳化飲啖水.攤咗好一陣,無辦法?為有噴救命藥保心安噴劑(即俐底丸),噴咗一吓落俐底,感覺好似噴得唔多正?見5分鐘無改善,於是又噴多次,之後才慢慢舒服返,而且還瞓著咗.

2010年11月30日   事隔7日又來料   

老婆放假例攪家務,左祙右祙,又清潔廚房,清潔唔特止,還要拆埋灶底個架來清潔?拆後還見有條鹽蛇乾?
到11點多鐘老婆清潔好,要嵌回個架,於是乎幫手啦?誰知一埋位,心口又來料,又翳又悶,同樣左邊膊同手軟晒,為有停下來,坐埋一邊飲啖水,唞咗陣情況依然,我同自己講,比多10分鐘,情況一樣,我就噴保心安噴劑.(其實好唔想噴藥?噴多無益)
結果都係要噴,噴後又同自己講,5分鐘後重係唔舒緩,我就去急症室.
迫於無奈又急症室
到1210,同老婆講換衫去急症室,急症室途中,佢老味吖?又無咁唔舒服喎?1225去到急症室登記,好快便分流到緊急區,等見醫生,好快便叫到名見醫生,將情況同醫生講,醫生話會同我做兩set檢查喎?留不留院要睇今晚報告,晚醫院會有飯你食?唉!有病都無偈,你話點就點啦.
問醫生應否睇急診
見醫生咁好傾,又問吓佢?其實我咁情況,應唔應該來睇急症?佢話應該,你通過波仔做過搭橋手術,胸口痛後果,大家都唔知道?
心電圖男護好好人
之後返回等候後區,個女又到,我話咁多人響度都無用,不如你倆去探外母,有乜事再電聯.
1445男護士來叫做心電圖,重讚我條大拉鍊靚,男護有點売頭,年紀唔細好好人,做完叫我不要返回去,嗰我邊太多病人喎?跟住比份文件我,叫我去照肺,嘩!點設計?個門口同個開門撳制差咁遠,設計白痴.
交咗文件等候其間,又聽見叫名抽血,為有大大聲等緊照肺呀.
抽血員忙甩轆
照完嗱淋趕去25房抽血,原來好多人在等抽血,兩個女一個男抽血員,有個女病人,睇住個女抽血員,拮到滿頭大汗,後來三個抽血員都抽佢唔掂,個女人手血管太幼太穩閉.
後來輪到我抽,聽兩護士交談,話剛才個女仔,師父都要拮兩次喎?
人有飯食我無
抽完血返回26等候區,咦?有病人食飯?點解我無架?算啦,都以經3點幾鐘,都係等老婆買嘢來食.
無聊同醫院個食蕉傾偈,偈偈吓都瞓著咗,到5點幾鐘,老婆來拍醒,有水有麵包食.
又唔知等幾耐?老婆同個女外出食飯先,我又同食蕉吹水,同食蕉打賭吓,食蕉收10點鐘工,我話又睇你收工先定係我離開醫院先?
留堂定出院
到10點鐘食蕉收工,而老婆同個女亦回來,我就返回26區等報告?個心十五十六,究竟今鋪出院定係留堂呢?
醫院要做做晒
去到10點多鐘,終於個咪叫到名,好緊張?還未埋到醫護區,離遠個女醫生以經說,你無事,埋到去醫生話,醫院要做的已經做晒,有個建議比你,有能力就外便做個3D心臟CT掃描.
建議做3D心臟CT掃描
這時老婆同個女才過到來,醫生又重覆講多次,建議我外邊做個3D心臟CT掃描,大約2800蚊,邊處塞乜都睇晒,好過比日日提心吊膽吖?我話我通過波仔又搭過橋,到時掃描出來係塞?咁再可做什麼手術呀?佢話要視乎塞既情況,才答到你,可能我以經騰晒雞,重覆再問多次,醫生以經發脾氣,再塞要換心呀.
推薦香港體檢最平
後來醫生話香港體檢最平,話佢老豆又係瞓瞓吓胸口痛,又係響香港體檢做喱個掃描,照出塞左三成,咁就一天都光晒喎?
岑醫生跟進
之後佢話你照完後,拿份報告來,我幫你睇,我姓岑你寫下我啲更期,到時你來我幫你睇報告啦,我個女話不如你留個電號,到時聯絡你啦,岑醫生話唔得喎.
之後唔該走得,離開不遠,醒起有無藥食呢?正追入去,即時被人喝住,唔入得再去,後來才說無藥,食回原有藥喎.

心臟病成迷?唯一出路心臟CT.

我的心臟病歷程(3) 一 疑似心臟病.

 我的心臟病歷程(3)一    
自從2006年5月2日搭橋手術後至今4年多,相安無事,到今日似乎又來過?
2010年9月8日   疑似心臟病發
在家相安無事,去到中午12點多鐘,番熱啲隔夜飯餸食,突然胸口好翳悶,左邊髆頭軟晒,有點唞不過氣,扒完兩粒飯,有點好想去睇急症?後來拿支以過期永保心靈噴劑,俐底噴兩吓,(即俐底丸)之後慢慢鬆番些,心諗都唔知係咪心臟病發?

2010年11月6日    情非得己急診
自從9月8日突然胸翳悶,到現在兩個多月,都相安無事,今日整天不是賭馬仔便煲劇,到夜晚8點多鐘,老婆在填表,有點唔明白?於是埋去睇吓,睇咗陣就心口銀住銀住痛起來,於是坐下飲啖水,大約4分鐘,不如試量血壓,129/84-68,血壓比今早144/91-75還靚?但係今次比8月9日明顯痛得多?唉!都係唔好搏,要去急症室?
威院新醫院大樓
於是同老婆的士前去,在的士途中又無咁痛?去到威院急症室2130,原來係新開大樓急症室,100元診金登記好,初診部放下份表,就大堂坐下等叫名.
大堂病人很少,等咗兩三個便輪到初診,坐下護士問兩句病情,便量血壓,上壓竟然160幾?跟住做心電圖,然後分流到緊急等候區.
好快便叫到名,18號房見醫生,醫生問過情況,看過心電圖,說似心臟有事?叫含俐底丸,要留院喎?跟住叫人推我去26區,進一步自療區等上房.
進一步自療區等咗好耐,護士才拿粒俐底丸來過我?心諗若然要瓜?都瓜咗LU?含住俐底丸就等上房.
一等再等
又係等咗好耐,醫院要等候?我都習慣,但左右隔鄰病人同家屬,等到媽媽聲.
等咗好耐,有個姑娘來叫我們自己去交表?矇查查的我們?老婆推著我去,行咗一半,醫院個呀姐叫住?問做乜嘢你哋?老婆話交表上病房囉?呀姐才話一個去交表得啦,跟住呀姐推我返回等候區.
就係咁一搞,成0015才推我上10樓C.27號床.
進入10C27病房
換過醫院衣服,當時實在太夜,老婆問聲姑娘用不用等醫生,姑娘話太多人入院,醫生忙都唔知幾時到,又你先生咁精神,叫無謂等喎.
醫生忙深診
老婆走後姑娘叫瞓住先,有醫生到再叫醒我喎?半瞓下到0315,醫生來拍醒,問過情況,聽筒探過,說唔多似心臟有事喎?話等陣抽血,同做心電圖喎?
醫生走後,4點20抽血員抽血,跟住不久來做心電圖,之後就矇矓到天光.

2010年11月7日     入院翌日如廁嚇襯
半睡下晨早7點鐘以經醒,燈光超超掁眼,護士不停穿梭派藥,同病人量血壓,起來梳洗,手巾牙擦還未有,為有手指當牙擦,雙手當毛巾,梳洗後早餐,肉碎粥一碗,非常難食,食半碗以經係咁先,藥就食回平時食開的,吃後辦我大事,事後善後稍為則身,他媽的突然山洪暴的,屁股都被弄濕,唉!原來自動感應,又會咁先進?
明天可出院
0900醫生巡房,新醫院大樓設計好唔同?一層好大病房,中間係醫護人員辦公地方,外便圍繞著一格格病房,每格病房有6張病床,我格就23至28床,我就27床.
醫生從23床睇起.一路輪到27床我,話我心臟無事喎?又話同我驗多次血,再係無事,明天可以出院喎?聽見鬼咁開心?開心得滯差點忘記我血壓?我話食咗藥,血壓重係好高?佢話幫我跟進喎?
不久抽血員來抽血,抽完無耐又心電圖,血百無聊賴睇電視,病友吹吓水,又一個上午.
洗手液沖涼,無飯食.
12點鐘個女來探,帶來日用品,個女走後2點多鐘沖涼,發覺沖涼液無帶來?真大鑊?為有用醫院洗手液,谷鬼氣連頭都洗埋佢.
到晚飯個個食飯我食粥?粥極之無味,於是揾姑娘問下?姑娘話等陣會有?誰知等極無咗件事?唉!是但啦,食兩啖望吓枱面張餐單,寫住係粥喎?即係無搞錯?到5點多老婆同個女到,買有麵包,還好有麵包頂肚.
老婆共女走後,8點多鐘,醫院有鮮奶餅干派,問要唔要?當然要,成晚流流長,有啲嘢咬吓都好.就係咁望吓電視就結束今晚.

2010年11月8日   夾手指
一覺瞓到7點鐘醒,少有瞓得咁好,梳洗好回來,以經輪到量血壓135/95-82,跟住夾手指?夾咗陣,姑娘話夾得不好,要夾咗幾次才OK,多口問句?有乜作用?佢話度含氧量?我話傷風鼻塞有影響?話有架?,之後早餐,一碗毫無味道肉碎粥,為有食老婆買來麵包.
院出不得,觀察多日
0910醫生巡房輪到,又話唔出得院住喎?叫明天喎?又話出院後會同我按排一啲測試?又話加多隻藥隻過我?我話昨日粒傷風藥都唔掂?鼻塞鼻水依然?佢話同我轉過第二隻喎?
無聊望股票
0945量血壓154/91-70,又係高,跟住來抽血,百無聊賴就睇電視,咁啱股票台,又聯絡個老婆,想話買番些少,老婆話副眼鏡漏咗響醫院?咁就無得買?
肚餓掃清光.
就係咁整朝望住個市,又12點鐘食飯,哈!今餐有飯食,大概姑娘改咗餐單卦?有翠玉瓜同唔知牛肉定豬肉?毫無味道,肚餓無偈掃清光.
電圖呀姐好禮貌
1點鐘呀姐來做心電圖,呀姐好禮貌,好好人,1355量血壓143/90-71依然都係差,跟住見姑娘派藥,但無我份,問聲姑娘?我啲傷風藥?未到喎?後來等到3點幾鐘才有.
撳電視被人閙
1800探病老婆到,有湯飲鱷魚肉湯,見電視股市收,於是去轉台啦,無搖控用手撳,好日唔撳吓,鬼識咩?26床病友教路下,上個下個去撳啦?突然有把女人聲?有無攪,醫院個電視係你撳嘅咩?撳壞咗你負責得起咩?撳壞咗其他病人無得睇,一輪咀係咁罵?來得突然,反應不及駁佢,要撳揾護士撳啦,他媽的,嬲得得我吖,好我忍你.
條八婆走後,才醒起隔鄰房啲病人,又咪係咁撳?又唔見你罵人?連病友都話佢過份,見明天都出院,都費事勞氣.
宵夜牛奶餅干
到8點鐘同28床條爛賭鬼傾到入晒神,呀姐來派牛奶同餅干,哈?竟然係條八婆,都唔鬼睬佢,佢竟然敲枱問要不要,我話要,佢老味吖?斟咗半杯,佢話無喎?轉頭睇吓重有無喎?心諗八婆你又搞邊科?話之佢繼續同28床傾波經,到條八婆返來,又話有奶多,斟到一滿杯,重話襯熱飲啦,一於睬佢都儍.
條八婆內疚
飲埋杯奶食埋餅干,唉!明天出院,都唔知沖唔沖涼好?見無聊都係沖,重換埋套病人衫.
沖完個靚涼,返回病床10點多鐘,咁啱望住出便走廊,見幾個呀姐收工,其中條八婆,竟然望著我點頭打招呼?我又邊為意吖?過後心諗?可能條八婆覺得罵咗人,唔安樂都似?
這晚早早關電視,早早便瞓.

2010年11月9日    欠藥
昨晚睡不好,整夜失眠未瞓過,0700起來,梳洗食早餐,姑娘派過藥,發覺少咗粒亞士匹靈,問姑娘補番粒,早餐還是淡而無味肉碎粥,食咗半還是老婆買的麵包.
出院,另類檢查
辦過一切事務,8點多鐘醫生以經到巡房,由23床起睇,9點鐘以經睇到,一句說今日可以出院,又話出院後比些另類檢查過我,叫我出院後去預約排期,又話加咗啲藥,原有藥就照食喎,又差點忘記要支喜療妥,係對玻璃手用來去瘀用,最後同醫生講,我重係久久銀住痛啵?佢話年紀大,係好啲喎.
自己出院
老婆要番工,出院都係自家來,11點多出鐘接過護士出院單,藥單,檢查預約紙,同病友醫護員人員說拜拜.
出院取藥方便
一樓繳費處交單找數,住院三天300元,收銀員問藥單呢?我說不是過李家誠嗰邊藥房咩?佢話唔係,就喱度對面攞藥?交過藥單打個P印仔,就對面交單,等咗陣以經有藥.
心臟超聲波
離開過舊大樓預約排期,唉!鬼暗眼,行兩轉都找不到個牌?為有詢問處,鬼咩?個牌細到見唔到?交過預約紙,叫外便坐等叫名,等咗陣便叫到,見到個白色帽護士,膊頭兩條紅間,大概護士長卦?嘩!啲房間好細,重細過籠屋劏房,得張床仔?叫除鞋上床,原來心臟做超聲波?搽啲潤滑劑,捽完一輪叫出便等.
運動超聲波,明年7月
等咗陣姑娘叫到名,給我預約我紙,一望2011年2月22日,0930運動應激心臟超聲波檢查,我話唔係嘛?出年7月才做?我話踩單車簡單啦,我成日都踩啦?嘩!個疑似護士長好勞氣話,咁!你做定唔做吖?我話做,跟住個普通護士同我解釋,唉!是但啦,接個排期紙走人.

總結三天毫無頭緒,不知乜回事.

我的心臟病歷程(2)五 完結篇

我的心臟病歷程(2)五  完結篇

2006年5月2日   病友伍先生
從11樓A6床轉落4樓外科病房,準備做我有史以來,最大手術搭橋,落到來第一個認識病友,就係對面床位伍先生,由於大家從事建築業,所以特別好傾,伍先生地盤從事板模工,釘石屎板.
探病時間佢老婆更好傾,由其對我,似乎以我為目標?成日話住?你就好啦?上午就做手術?我話你先生下午都做啦?相距有幾耐呀?原來伍先生手術有段古,佢話今日係二次排期輪到,本來上次以經排到,沖好涼換埋手術袍,差在還未推落手術室?誰知醫院突然有緊急症要做,所以無咗個位,迫住又要排期到今日喎?怕又發生突變?無得做喎?
手術後佢又講,話我被推落手術時,佢偷偷哋跟住落手術室?探吓料睇吓情況如何喎?誰知被護士發現,話咗佢幾句?話你又唔係人家親人,跟住人做乜?
到大家做完手術,聽講伍先生做得不太完美,又同我比較,你睇人家做得幾成功?排便又係,你還未有?吸波仔,人家吸齊三個,你吸來吸去得一個,連精神好壞都同我比較,太多比較,多到我都忘記,一路去到出院,連出院快慢都埋怨個老公,乜都輸蝕過人?唉!真係一樣米餋百樣人?
病友台山呀毛
還有個病人好心刻,係個台山呀毛,滿口台山話,對我來講好親切,我須然香港土生土長大,但父母鄉音下長大,好有親切感,呀毛比較肥,康服較困難,吸波仔唔夠氣,做運動比較差.但每逢探病時間,小妹妹一定到,妹妹大約8歳9歳,好活潑可愛,來到一定扶個嫲嫲做運動,在院內行來行去,心諗呀毛要跌你又點會扶得佢住吖?妹妹好乖好討人鍾意.
到出院後覆診再遇呀毛,原來佢小腿取靜脈血管,不太成功,兩隻腳要開刀,而且劏得好高位置,重話傷口發炎?希望佢無事啦.


2006年5月15日  診所手術傷口拆線
出院後第六天,手術傷口拆線,6日來間中醫院都有電話到,問及傷口情況,除起初幾日較辛苦外續漸都好得多,最慘出院幾日,瞓落床要用好幾個枕頭來左攝右攝,因為屋企床不及醫院,可調較適度身體,回家瞓落床個人梗咗一樣,不能伸展攤開,若稍為攤開就痛.
傷口拆線,就近診所,診金17元拆線洗傷口,拆時還是不敢看,感覺一吓一吓的扯著,拆完後護士說,看不清楚有否拆清?叫覆診時再同醫生問清楚喎?


2006年5月18日     手術後醫院覆診  烏籠百出
早上吃過早餐便同老婆過威院覆診,去到威院地下,首先做心電圖,就遇見病友伍先生,傾談中原來佢又要抽血,奇怪我無話要抽血?
見心電圖未輪到?於是過抽血部問問?話抽血要抽血紙?無就返回心電圖室,做完跟住就照X光.然後上4B問護士抽血事,護士一提?我還未辦入院手續?後來老婆去補辦.之後安排6號床,換妥病人衫,就有抽血員來抽血.
檢查傷口
不久醫生巡房,看過我傷口,說個傷口洞位有點發炎?後來用支針挑過,又用手去迫過,又無含濃跡象?說無問題,跟住清洗傷口,噴上防水膠布.
覆診無事.
到12點鐘醫院開飯,飯後同班同期病友吹水.到1點鐘温醫生同兩個醫生仔巡房,看過我一切,說非常好,便說我可出院,跟住又另張報告到,温醫看後笑笑口,放回我份快勞?
我就至電個老婆來找數出院,住院費一天100元,藥房取藥50元,再感謝醫護人員,又同班同期病友說再見.哈!又一次快過病友伍先生.


2006年6月1日    常規心臟內科覆診
常規內科通波仔舊症覆診,求其問兩句,更改食開的藥,取藥走得.


2006年6月13日   外科手術搭橋終極覆診
早上8點鐘吃過早餐,一人便過威院,外科手術搭橋覆診,首先心電圖室,稍等就輪到,心電圖呀姐讚我條大拉鍊,埋口埋得好靚,又確係,好多時游水所見,真係好肉酸.
病友相遇
心電圖後隔鄰房照X光,遇同期個女病友在照,同期覆診喎.
尋舊路擺烏籠
X光後便去買票覆診,誰知大排長龍,為有易辦事60元買票,買後過對面李家誠樓二樓交票,去到原來係搞錯?外科不同內科,慣性覆診來咗心臟內科.
同期病友濟濟一堂
為有折返,返回威院二樓,等聶人多到乜?索性行樓梯,醫院樓梯特別高,兩層等如普通樓宇三四層高.去到交過預約紙同單據,進入大廳,嘩!見到同期班病友,濟濟一堂,即時個個好興奮起來,互相慰問,好高興見到大家都安康,好像老年朋友聚會一樣.
一見如故心情興奮
先行同個80多歳老香港病友聊兩句,病友好犀利,住大圍幾代香港人,見証香港,記得留院其間,常拿醫院手術前潔淨身體來的梘膏沖涼,我話大吉利士咩?佢才唔用.
跟住台山呀毛,呀毛清減咗好多,問吓佢個乖孫女?問吓佢狀況,原來佢腳取靜脈血管不太順利,兩隻腳都要開刀,而且開得頗高吓,又話有啲發炎喎,希望佢快點無事啦.
跟住見到遲來的伍先生同佢老婆,哈!又遲過我啦,好好傾,傾咗一大輪,還主動叫互交電號,話身體有異樣可以互相參照吓喎?還留埋個中山鄉間電話過我,叫得閒入來玩喎.
見醫生,正式痊癒不用覆診
12點鐘叫到名,14號房見醫生,係我手術前,講解開心事位陳醫生,還有幾個見習醫生在後便,交過心電圖後,陳醫生問我可以行多少層樓梯喎?我話無試過,但剛才來時行咗醫院內兩層樓,最近游水都可以連續5個塘囉?
他說看過X光片同心電圖都無事,跟住看埋我啲手術疤痕,說一切無事,可以不用再來覆診喎.
多謝後離開醫生房,同班同期病友說,我無事啦,不用再覆診啦,嘻嘻哈哈說再見,保重各位.

我的心臟病歷程(2)四 手術 薟字,搭撟手術,刻骨銘心,加護病房,出院.

我的心臟病歷程(2)四  動手術搭橋

2006年5月3日      手術前準備

晨早6點鐘以經醒,睡來麻麻,梳洗好辧妥一切事務,一切都好平靜,不久姓何麻醉師來,講解手術時麻醉情況,到麻醉師走了,我心口又開始翳,一直到中午才叫舒緩番.

由於今日約咗陳醫生,講解做術手風險同薟字,2點鐘老婆以經到,咁就等到4點鐘陳醫生才到,講輪風險同意薟下字.

搞掂後老婆外出替我買晚餐,醫院嘢實在太不好吃,住院以來大多數食,都係老婆買的,吃過外賣後,由於明天動手術,一切物品都無用,於是叫老婆拿回家,洗得就洗.

老婆走後,護士拿來特別梘膏,粉藍色膏狀,同個剃毛鬚刨,叫沖涼及剃淨啲體毛喎,搞掂後到11點鐘,護士又叫沖第二次涼.之後便開始禁食.

2006年5月4日     妹妹好心刻  

晨早5點多鐘便醒,睡來還算可以,6點半鐘沖我手術前第三次涼,為求穏陣,護士叫我含粒俐底丸才去沖,果然沖沖吓有點翳住,沖完個涼換上手術袍,趟在手推床上,等待推去手術室.

8點鐘落到手術室外便,以經有7,8張手推床病人在等待進入手術室,到進入手術室,只不過係好幾個手術室外面一個大堂,病房護士同手術室護士,互相核對病人資料,我就頭岳岳四維望,見到一個母親陪住個小妹妹,妹妹大約5,6歲,母親觸住個妹妹手,妹妹很乖很安靜,彎著身體躺著,同樣在等待做手術,此情此景有點感觸.
搭橋手術    

8點20分我被推入手術室,123轉上手術床,醫護人員在則車車咁轉,頭上8盞大橙,床尾就4盞較細燈,護士忙著而何麻醉師在我左手碗弄針,刺得我好痛,跟住到右手碗,不久我以經大昏迷.
姑娘一面都係 

到12點鐘,我以經在心切自療部,矇矇矓矓聽見姑娘說,我同你拔喉喇?聽見123就從我口中拔出一條長長的喉,跟住給些少水我飲,不久4B病房護士來接我回病房.

轉床時病房護士探頭過來,準備連床單一起拉時,我肚像有鼓空氣,從口湧出,嘔吐直噴到姑娘面額上,對不起都說不出,姑娘嗱淋去沖洗,嘩!幾咁唔好意思.
刻骨銘心加護病房

推回4B病房,但不是原有普通病房,而係另間加護病房,一共得4張病床,躺在床上郁都唔郁得,身上形然插住幾條喉,我都數不清楚?尿喉,抽肺積水喉,最得人驚係右頸則一條,都唔知乜作用,整個人僵硬著,床就斜斜哋攪起,個人瞓響度,胸口鐵板一樣,郁都唔敢郁,屁股瞓到好痛,迷迷懵懵望住對面,對面兩個病人,係早我一天做手術的病友,同樣迷迷懵懵,在閉目餋神.
十足科學怪人

到4點幾鐘,老婆同兩姐弟到,個妹同個仔同時到,由於探病限人數,我同老婆講等個妹探先啦,哈!誰知個妹一入到來,不夠兩秒,一句保重就閃回出去,唉!個妹永遠都係咁,見襯唔夠兩秒鐘,又或許我個病容嚇怕佢卦?都好等老婆多點時間,我有點嘢食吓,老婆入來餵了些自家煲的粥我食,坐了片刻都走.這晚好辛苦的迷迷懵懵渡過.

2006年5月5日  極度辛苦,迷迷懵懵兩天
昨晚迷迷懵懵未瞓過,肚依然插住三條喉,床邊有個樽,喉尾就插進內,聽見似揼揼的響,尿喉插住極之唔舒服.
兩日來每更一個護士,照顧三個搭橋病人,非常時期,又餵藥,又量血壓,騰來騰來去,真係非一般照顧,真係好感謝.
後來精神稍好,我追問姑娘,究竟那位護士,手術室推我上來,唔該幫忙同我講聲,非常不好意思.

2006年5月6日   驚心動魄拔喉
加護病房第三日,個人似乎好啲,無咁迷懵,在等醫生巡房,尿喉實在太不舒服,忍不住同護士講可否拆走,護士說今日會全部喉拆走喎?個人當堂唔同晒.
醫生巡房後,望穿秋水等到下午,終於有醫生來拔喉,首先同對面床位伍先生先拔,當日手術我上午做,而伍先生就下午才做,(這位病友伍先生,有趣故事多多,到最後我再細說)
拔喉一路輪到來,我係第三個即最後一個,條喉插在肚內,要拔出來,我真係不敢看,醫生首先拆去固定條喉膠布,跟住叫123,我就大力呼氣,一拔就大約7寸的出來,再123就整拉出,血淋淋尺多長,醫生連除按住,立即就縫針,兩個喉洞都係要縫針,其實我都乜點睇到，到搞掂我才鬆一口氣,跟住護士替我拿走條尿喉,成個人舒服晒.
輪到物理自療師到,教我如何運動,又同我穿上壓力襪,由於左小腿要開刀,取條靜脈血管出來做橋,所以一條長長刀痕,要穿上壓力襪保護.

圖片.手術後回家第5天同第8天.

離開加護病房
休息了個多小時,一個肥肥護士來,扶我轉回普通病房,係慢慢的行去,咁就正式離開加護護理,進入另個階段調理.
返回原有普通病房,今回係5號床,而對面床正好有淵源的伍松先生,安頓好後要穿上件背心衣,胸口有對大環,作用係咳嗽起來,要雙手緊握扣著,免得咳到胸口爆裂.
5號床不知否冷氣口,或係手術後個人特別凍,到晚上7點鐘老婆到,我實在凍到頂不住,叫護士call醫生來檢查吓,但又無發現什麼?
老婆走後,柯我拔走尿喉的第一篤尿,嘩!竟然裝滿一鴨仔,成兩公升,這晚好好裝備吓,放好個叫人鐘,免得病情有變,又加多幾隻鴨仔,不時之需.

2006年5月7日  夢境人頭湧湧
這晚好彩乜事都無發生,但係未瞓過,個人迷迷懵懵,手術後一次排便都無?醫生講過,手術後排便好緊要,以為今早會有啦?結果得個屁.
夜瞓不到以為日間可以瞓,誰知全是夢,夢見人頭湧湧,像假日羅湖過關人潮一樣,由於幾個同期手術病友在鄰近,傾起來大至情況一樣,同樣排便困難,瞓不得全程發夢,而伍先生就在我對面床,佢話夢見好多大笨象喎,似足非洲象群遷徙,象群湧湧喎?
瞓唔著就做運動,物理自療師每人派個玩具,係一個膠做有3個波仔在內,要用口來吸,吸到三個波仔升起到頂,叫等閒就做,吸來非易事,好在我游慣水,較為容易,而伍先生就差得多.
到探病時間,佢老婆來到更加多嘢講,更樣樣事來同我作比較,人性真無奇不有,有趣事下次才再講.

2006年5月8日  精神稍好口水多

同樣瞓不好多夢,5點鐘以經眼光光,等天光,直至醫生巡完房,吃過中午飯,不是病友聊天便閉目餋神,或吸波波.

下午醫生又巡房,還有班學生,温醫生來睇輪到我,我覺得他特別關照我,同我剪去測住心臟肚連接外條線,同我洗傷口,重新噴過防水膠布,之後同我照超聲波,睇吓我有無肺積水,講解班學生聽,話照出來一點積水都無,最後還講句very good才走.

5點半鐘老婆到,帶了些粥來過我食,粥後老婆幫忙祙祙個身,這時精神狀態都幾好,多嘢講既我,又同病友聊天,大談我心臟病經歷,講到興高彩烈時,突然有人插咀,一望嘩!係個男護士,嚇得一跳,當然不敢再講啦,男護士說繼續啦,後來男護士再講些心臟病知識過我們知.
到8點鐘老婆都走,但又忘記帶走個暖壼.

到夜有宵夜,就係餅干同杯熱鮮奶,呀姐特別關照,給我大大杯,話唔飲都倒喎?呀姐好健談,話住對面愉田苑喎?問我退生活點過?我話上網,游水,賭馬仔,買吓外匯買吓股票咁囉,見我全是上網嘢,覺得好有興趣,原來佢係電腦初學者?

吃過杯奶來次大事,好高興終於正常喇,這晚10點鐘以經瞓.

2006年5月9日  非常開心,出院回家

同樣今早5點鐘以經醒,手術以來算最好瞓一晚,起來有點便意,結果去了一次較好,好開心.

梳洗好7點鐘早餐,還未吃完,護士以經叫埋位,返回自己張床,話醫生來巡房喎?首先幾個醫生仔,續個病人睇一輪,跟住輪到温醫生來看,看完我之後,說今日可以出院,聽後好高興.
跟住又萬醫生同好幾教授級醫生到,而班醫生仔就續個病人向教授匯報,匯報後我就正式可以出院,於是嗱淋至電個老婆可以出院啦.
跟住物理自療師到,同我們班出院病友上最一課,回家如何做運動,還未講完就接住要完抽血,又輪椅落地下照心電圖同X光.
返回4B不久老婆到,由於非探病時間,同老婆又要在走廊度等出院.
去到12點鐘還未有聲氣出院,便叫老婆自行去餐廳食飯先,我就回病房同姑娘講,老婆到咗可否出埋張住院單同藥單,等我們先行找數同取藥,姑娘真係好,出埋兩張單老婆去搞.
兩點多老婆搞掂晒回來,姑娘苡靈講解吃藥份量同覆診事宜,哈哈,跟住温醫生到,看過我今早做的心電圖同X光片,說可能還有些肺積水喎?為防我肺炎,同我加多隻抗生素藥,接過醫生藥單,就同4B熟悉病友說再見,早日康復出院,跟住醫生,護士,醫護人員說聲感謝就再見.
跟住就藥房取抗生素藥,等成一小時,才的士回家.

公眾病房住院費
2006年4月24日至2006年5月8日

共15天,每日100元.

合共1500元.

我的心臟病歷程(2)三 通波失敗,極度危險兩日,坐牢一樣隔離病房8日,轉外科病房.

我的心臟病歷程(2)三

2006年4月20日 通波失敗出院等排期

5點鐘護士叫醒,說可以落床,落了床個人硬咗一樣,由其尾龍骨梗晒,伸展一吓,護士處理一吓傷口,說可以去沖個涼.

好小心下沖完個涼,護士說,稍後你可以出院,嘩!有無搞錯?她說出院後排期,到時再回來做手術喎?於是至電老婆拿物品來出院.

老婆來到,護士又話我要做肺功能測試,於是同老婆分兩路,老婆去藥房替我攞藥,我就去肺功能測試,老婆攞藥後番工,我就醫院出納處找數,17,18,19日住院三天,每天100元合共300元.

正離開醫院門口,病房來電,說我漏咗支牙膏,又折返去拿.

跟住就小巴返歸,回家只不過12點鐘.

回家第一時間當然上網,不久醫院來電,說安排我4月25日入院做我搭橋手術.

2006年4月23日 突然心口劇痛.
相安無事到23日,而老婆因我病情請假15天,賽馬日落街買份馬報兼買早餐麵包,回來心口突然銀住痛,挨響梳化銀咗好耐,銀來未試過咁痛?心諗距離入院手術還差兩天?唔通現在去急症室?考慮咗陣?心口開始無咁痛,心諗?唔通落街郁動得過大?
到兩點鐘,投下40蚊馬欖,便同老婆過瀝源大家樂下午茶,沿途心口都有點翳住翳住.

2006年4月24日 不敢怠慢睇急症
一覺7點鐘醒,外便剛落了場大雨,早餐後8點多鐘,心口又銀住痛,還痛過昨日,個女正在番工,同個女相量後,都係唔等明天,立即去急症室.
三母女的士到威院,9點31分登記,稍等便初診,立即做心電圖,跟住推去間特別房,房間好唔同?滿佈儀器,有成三四個醫護人員工作,馬上吊針,給含俐底丸,跟住聽見護士在通電話,問有無搞錯11樓?不久真的推我上11樓A6床.

疑似沙士隔離病房.
上到11樓全層是特別房間,全部門不經人手開關,電子感應,揚手自動打開,自動關,如無估錯,大概係沙士後而建的隔離病房?A6床房只得兩張病床,每張床有部薄電視,有個獨立廁所,有企缸沖涼,門保持關閉,醫護人員出出入入,整日開開關關,門聲響到煩到嘔.
安頓後護士來叫,叫探病時間才來探過喎?老婆同個女為有離開.
老婆共女走後,原來同房位病人係街坊,呀伯都80多,係同屋邨不同座.
3點多鐘外科醫生來到,好年青吓,感覺有點寸同負氣,說了幾句,話痛緊手術不能做喎?要交回內科處理?我問,咁要等幾耐才可做?他說一星期一個月不定喎?當時好失望,遙遙無期點搞?
到6點多鐘,老婆同個女到,帶埋啲日用品來,跟住個仔到,坐到8點多鐘他們才走.

2006年4月25日  望天打卦過渡期
一覺天光7點鐘,睡來可以有點夢,問準護士可拉埋個吊針架入廁所,小心翼翼辦我一切事務,早餐粥一碗,唉?都係食老婆買的麵包,又要我記下我的小便量.
搞掂好一切,剛好庾女醫生巡房到,話我血哮數比前高咗,血管塞咗九成喎,要減輕病情,才可交過外科做搭橋喎?
到4點鐘,上次跟開我位心臟內科醫生來睇,話開咗啲俐底丸過我食.

2006年4月26日至2006年5月1日.坐牢一樣的日子
就在這裡一住就8日,每日吊住針,拖著針架,若辦事就知會一聲護士,到時到候抽血,打肚皮針,心口痛就叫護士,含俐底丸,內外科醫生就輪流來問來睇,煲電話粥不到20分鐘,心口翳便收線,老婆來就有點好嘢食.
而隔鄰床個伯,晚晚為柯尿嘈嘈閉,護士就不停穿梭,門就開開關關,無覺好瞓,直至呀伯插咗條尿喉才好啲,到呀伯出院?又換上個年青病客,交談下生咗個B喎?就連帶我同佢講寫Blog好處.

2006年5月2日 轉外科病房
長長8天終於過去,心口開始無乜點痛?10點鐘開始要轉落外科4樓B16號床,臨行時護士還同我講笑,話落4樓聽吓啲開心事喎?
落到4樓B16即時通知老婆,電話還未講完,幾個護士以經叫住,這裡不許打電話?拿淋收唔切線?
安頓後11點鐘,外科陳醫生到,檢查一輪,說右邊條血管無事,左邊兩條塞得緊要喎?其中一條係以前通波仔加支架嗰條喎?還約我家人明天2點半鐘來,講解吓手術風險事.
跟住又要去做心電圖,又照肺,回來心口有點翳,稍後還好平復番.
跟住輪椅推我上8樓做肺功能測試,可能游慣水卦?試來護士讚好靚?之後等咗好耐,無人來推我回4B病房,護士見無人來推,就至電問4B,可否我自行回4B?後來自行回到4B,她媽的,問我部輪椅在上面怎辦?哈!我鬼知你哋?
之後又輪到物理自療師到,教我們同期幾個病友,搭橋手術後應做動作,又理論又睇影帶,講輪睇論又5點鐘,老婆到,護士又話未夠鐘,為有同老婆外便走廊坐.
到5點半鐘才返回病房,食老婆買來下午茶餐,唉?餐後心口又翳住翳住,用不用含俐底之間?思考好耐?翳住到8點半鐘老婆走,這晚郁都唔敢郁下,到10點鐘才算平服番才瞓.

我的心臟病歷程(2)二手術通波仔失敗

我的心臟病(2)二手術通波仔.

2006年4月18日.

昨晚被隔鄰床吟到瞓不好,5點鐘以經醒,要抽血没早餐食,後來又話可以食,心口還是有點唔舒服.

醫生巡房,說要做心導管喎?話一條龍加埋個支架,好一點的,有藥水的要6萬元,普通的3萬6千元喎?叫稍後答覆佢喎?聽見心都實埋.

10點多鐘老婆帶同日用品同麵包來,傾咗好一陣,老婆就番工.

老婆走後,走去沖個涼,心口都無乜大問題,只係微微頂住唔舒服,醫生來問決定成點?咁大件事,問吓個女先啦,於是至電個女,等個女同佢講,直接啲更了解.

後來我同個女講,佢係醫生,要信佢,之後就薟字,一共兩張,一張通波仔加支架,另張萬一通波仔失敗,外科手術接手跟進.

到晚上兩姐弟到,都無乜說話好講,坐咗好一會都走,這晚早早便瞓.

2006年4月19日
睡得很好下7點鐘醒,可能太累一覺天光,早餐一碗粥一塊麵包,非常難食,咬兩口就食回老婆買來的麵包,餐後就開始禁水禁食,等做手術.


社署問過明白
10點鐘老婆到,手術要相金先惠,一同落二樓交手術儀器費,落到二樓見有社會福利處,心諗?試吓都好喎?於是入去問吓,好快便有社工接見,講輪開場白,就講申請資格,聽咗陣唔駛諗,落根本無可能,我們都起身走,佢又話重有得相量喎?我話唔駛啦.

手術儀器費6萬
離開社署便去出納處交錢,諗吓咁大筆錢,碌咭都好啵?收錢位小姐好好人,提醒我若果到時筆錢用不著,退錢就退回信用咭戶口,咁筆錢就攞唔返,就要消費喎?經佢一提,萬一不用通波仔加支架,咁嘛大鑊?真係好謝位小姐提醒,兩公婆用EPS付錢,EPS最多5萬,咁就老婆1萬我5萬.

付錢後返回9樓病房,但還未知幾時做手術?於是叫老婆先行去探外母,到時再通知才來.
到1點45分護士來叫可以落手術室,於是至電個老婆來,到落到手術室,原來重要等?等咗好耐,無辦法,為有叫護士幫忙,通知我老婆我的位置.

手術通波仔加支架失敗
3點45分終於輪到,手術室同樣面對兩個螢光幕,過程不太痛下,不用半小時便做完,醫生即時同我講,手術做不成,因為三條都血管都塞,聽咗個人呆咗一陣,好失望?做咗咁多嘢,倒頭來做唔到?
又話要交過外科做搭橋手術喎?嗰時真係好驚,不知點算好?又另位手術醫生埋來同我講,又唔係無可能嘅?叫我慢慢想清楚才決定?唉!我真不知他們說什麼?一個話唔做得,一個話唔係無可能做?

在手術室內等咗好耐,護士才來同我鬆個大動脈個夾,才推我出走廊,等工作人員推我回病房,老婆以經在等,同老婆講手術失敗LU.

轉病房8D
但今次不是推回9A,係推咗去8D15號床,而老婆就回9A拿回我的物品,又買咗個飯盒,麻煩護士幫忙叮熱食,這時個女到,兩母女安頓好我之後都走.

走後不久個仔放工到,無乜說好講,為有說些教訓說話,叫他凡事要真惜,他都肯聽吓,有啲悔意?說會生性喎?他走後由於傷口薄弱,不能過份郁動,好辛苦下才捱至天光.

我的心臟病歷程(2)一病發初現

我的心臟病(2) 病發初現.

2006年3月19日   疑似心臟病發
雲南六天旅行開始,心臟似發出警告,在麗江高原,遺失拐杖同老婆返回去找,時間關係要急著回來,那時心臟卜卜的跳,問聲老婆感覺如何?都係有緊迫感覺,但佢好快樣平服,而我明顯好耐才平服.

4月14日      壓住感呼吸困難
可以肯定心臟病復發機會大,踏單車過隆享會華仔,越踏越心口壓著感,呼吸有點困難,停下來要10多分鐘才平服.

4月15日     單車途中頂住頂住
老婆放假,5點鐘過大圍買餸煲湯,老婆先行一步,我單車隨後到,途中心口又掹掹緊,特登加快幾步,心口明顯有些銀住痛,過到大圍要較長時間才能平復,買完餸載著老婆返,心口依然緊緊頂住,心諗隨時準備急症室?

4月17日    探舊老細久久未平服
都諗住去急症室,朋友華仔叫入火炭探舊老細,於是走一趟再算,單車踩入火炭,話遠唔遠,踏來心口頂住頂住.
過到舊老細處,心口好耐都未能平服,頂住頂住感,咁耐都未能平服?看來都要去睇急症,聊至4點鐘,同華仔各有各走,我就的士去威院睇急症.
威院急診
過到急症室5點31分,100元登記後,護士初診,量血壓,我話心口痛,好可能心臟病發,護士立即同我做心電圖,跟住推我去見醫生,女醫生看過心電圖,說唔多似有事啵?跟住就推我去照X光.
之後在外便等叫名,這時個女到,等咗好耐,護士來說要留院,我話剛才醫生說,唔似心臟有事喎?點解要留院?佢話你心口痛嘛?這個時候才知大鑊,護士推我上咗9A20號床.
安頓後個女買三文冶過我食,唔夠喉整多個即食麵,跟住醫生來說,我要做心導管喎?
夜護士久久來量血壓,同抽血,而隔鄰床個呀伯,不停呻吟同叫,搞到我瞓吓醒吓,瞓得非常不好.

我的心臟病歷程(1)通波仔

心臟病歷程

09/02/1994
農曆年廿九早上,照例火車紅磡站,理工擴建五期地盤開工,在紅磡站步行至理工地盤,途中心口突然劇痛.當返到地盤寫字樓,坐下就慢慢不覺痛,與同事談及,會否是心臟病?
由於明天放農曆年假,要巡視地盤及分配工作,當上樓梯時或行得過急,心口總是拿住痛,同事勸我去看醫生.
搞掂工作,中午火車過大圍看醫生,從大圍落車,行去田心村間醫務所,越行越痛，痛得好利害,登記後坐下,又覺得無咁痛,無事一樣?醫生檢查過後,話我無事,我話好似心臟病喎?
醫生建議照心電圖,見公司有醫療錢,就照辦,做後又話無事,重話我這年紀非常好,簡直樣板,見咁講法安心之極,開心回家.

10/02/1994
翌日農曆年初一,例行大佬及家姐處拜年,在家姐處打麻雀,心口覺得陣陣拿住痛,當大牌時更覺痛,回家後夜瞓覺,間中都有陣陣痛.

11/02/1994
翌日年初二往青衣表姐處拜年,途中還是有時陣陣痛,心想醫生話無事,又做過心電圖,應該無事卦?後來忍不住,途中跑段樓梯試吓?看能否打通個痛楚?跑完髀樓梯,嘩!痛得我踎低攬住痛.同老婆商量,拜完個年橫掂得閒,不如去威爾斯睇急症.
急症室登記後,心諗田心村醫生話無事,好有信心在等睇醫生,閒來還在急症病房,幫啲輪椅人仕拉布簾.
輪到我看醫生,是位女醫生,她一路檢查一路問?先前醫生看病情況,後來她大罵點睇病架?跟住話要留醫,咁就正準備行啦,醫生立即叫住唔好郁坐輪椅.
咁就推咗上10/F病房,再推入心切治療部,當時有位男醫生同我講,不要怕吊緊這些藥水連頭髮絲幼血管也可以通過,那時我才知發生什麼事.
在心切治療部不可落床,不可大動作,連大便都不可以用力,順其自然喎?什麼事情都在床上解決.當晚護士對我說,如心口痛要出聲.
就當晚睡到半夜,痛到我迷迷懵懵,護士在電視螢幕發覺,立即前來給我舌底丸,還說一粒不夠,再多粒叫我咬碎,而另護士嗱淋拉部心電圖機來,同我做紀錄,後來才慢慢無咁痛,護士問點解痛都唔出聲,我都不知道?痛得我迷迷懵懵.
這晚若不是來急診,又不是護士發覺,相信係咁先?
在院其間首要做心導管檢查,無麻醉,在大比隙大動脈開個吼仔,插條導管內窺鏡,找尋心臟血管收窄的位置,全程要配合醫生指示,呼吸同閉氣.
到過一兩天後,正式做通波仔手術,醫生話這個手術成功率得七成喎.

17/02/1994
通波完成,年初八出院回家休息,放假至1994年3月5日.
住院期 6天每天54元       合共324元
手術儀器費                             8870元
收回公司醫療保險        8000元     實付1194元

28/03/1994
覆診,返回威爾斯醫院,再做心導管檢查,檢查手術完畢後,醫生話血管又窄番,即係通波仔失敗,翌日29號出院回家休息.住院期1天54元

01/04/1994
病假完畢繼續返工,但每天吃中午飯,要行條斜路,一天比一天,心口緊緊的,呼吸不暢順,不知是否心理作用?過咗幾日,醫生間中來電問下情況,又話要回院檢查.
再過幾天,醫生來電,說我要再做手術,在窄血管位置加個彈弓,當時有點怕,問可否不做,他說你還年青,最好做這個手術,這是新手術.面世不久喎?唉!我也層在明珠台見過.

15/04/1994
入院做血管加彈弓手術,同心導管檢查一樣,無麻醉,在大動脈插入喉管,沿血管而上,動手術的醫生,不停同另位醫生對話,一路去到大家認同窄位置,便放下管狀彈弓,全程我就望著電視螢幕配合做.

最記得當時個醫生,像屠豬一樣,圍上一塊白色膠圍裙,在準備手術前同護士大談旅遊經,忘記講澳洲定係講埃及?到正式手術時,個醫生突然大叫,好彩閃得快,唔係一身都係,大概大動脈開吼時,噴泉一樣的血射出卦?
跟住聽從醫生指示,呼吸同閉氣,又話若頂不住出聲喎?我就望兩個電視螢幕,像人參一樣的血管,在螢幕內不停的抽搐,chok吓chok吓,過程都不算太辛苦.
最辛苦係事後趟在床上,郁不得其正,大動脈傷口無得縫針,靠自己埋口,離開手術室,用個手攪夾子,連床一起夾住傷口上些少,不能大鬆不能緊,血要流通,最記得個護士來同我鬆開個夾子,突然一陣熱流,灑下我的大髀處,護士就叫住,未得未得住,又重新夾番好?
直至夠時間,個夾子才鬆走,還要小心翼翼的趟著,微微可伸展吓,若觸碰到就血流成河,還記當日病房內有人維修,換假天花板,我話大佬喱度不能做住,塵埃飛揚呀.

20號出院回家休息.以後每半年覆診一次,取葯長期食喎.

住院6天每天54元合共  324元
手術儀器費共                23,920元
合共                                27,160元

醫療費全部自付.

病到C覆診,拜山爺爺,父母,外父外母,晚煲粥煎薄罉三個人食.

昨日病咗成日,整個人瘟瘟燉燉,大昏迷下連埋電腦打隻字都無辦法,昨日又要心臟科覆診,又要去拜山忙足一整天.

昨日早上9點鐘諗住單車過李家誠診所,唉!個衰女係都要跟住來,無偈為有棄單車搭火車,站距離診所相當遠,迷迷糊糊行餐C,還好一切順到,9點45分預約時間,9點25分以卦號交單等叫名,唞順條氣9點40分血壓房量血壓139/81-71,10點多啲鐘以經叫名,9號房門外等見醫生.

話咁快入內見醫生,醫生女性好後生,叫坐陣等佢望吓我病歷喎?醫生開口問我血壓,好在早有準備手機show過佢睇,略看過話幾好,我話今早量,在家才118/75-75,我又話最凍時期嚇C人,高到160以上,佢話正常喎,血管收縮喎.

問過一切無問題,我就拿個藥盒出來,邊啲唔夠,邊啲不須要?佢就話藥無盒我哋係分不出?佢話唔夠唔出其,可能藥房比少咗,今次比多一個星期藥過你,個女又話可唔可以減些藥,又係嗰句無得減,差點忘記問驗血佈告,佢話係正常喎.

搞掂心臟科件事,本來個女叫我唔好提感冒事,怕我捉咗去隔離,一來外遊大陸幾天?唉!我睬你儍,咁辛苦又咁啱好,等佢睇睇攞番啲藥頂吓都好,我就話幾日來感冒好辛苦,咳有痰同喉嚨痛,佢就話開啲藥過你,藥就幫吓你咋,要靠自己喎.

搞掂拿過藥單,預約紙同抽血紙才10點半鐘,下午還要拜山,嗱淋樓下交藥單,藥費個女嘟百達通,藥單交過藥房,便過隔離座預約抽血.

搞掂返回藥房等攞藥,在等其間,個女隔離條友,係咁不停印腳,印到個女坐得好唔自然,足知個女發惡,大力拍張櫈,我問個女乜事?個女話無嘢,條友好唔順氣,話你出聲嘛,唔鍾意嘛坐開囉,個女無睬佢,條友亦無再印腳.

一等11點15分,輪到攞藥,唉!又係通病,比咗兩隻多餘藥,一隻豬油膏,一隻係心臟救命藥噴劑,配藥個女仔好驚訝?我立即從袋裡拿支救命藥出來,佢望吓2017年才到期,便說OK叫返回坐陣等叫名,唉!過往唔要,要過去新大樓嗰邊會計部退錢?唉!都係唔要再算?
等咗陣,哈!今次又唔係啵?薟個名就即時交錢度退錢,兩隻藥40元,搞掂小巴返歸,小巴其間看見貼有通告,証明我早前所講的係啱.

感冒藥

 心臟藥
 

拜山

回家12點鐘未有,個仔同新抱在食麵,我都好肚餓,個女淥麵同我食,吃後差不多要動身,個女話今年不如買齌鹵味來拜山,好,老婆同佢哋街市買祭品香燭,我實在好唔精神,索性在邨口等佢哋.

一等1點半鐘,她們買齊祭品香燭到,齊齊火車出發,粉嶺站下車,話咁快有的士,前去和合石五期25.5元.
來到先行拜祭呀爺,跟住老豆老母,病瘟的我就坐響通道梯級休息,等佢哋搞好一切我才過去殿酒拜祭,香燭過後食點祭品,又下劑外父外母.
齊齊過隔離五期四樓,大樓設計超通風,吹到人都散,設計又無枱,放祭品好彩找來個紙皮箱,外父外母擺到舞雷公咁高,好彩個仔生得高,加埋扎香啱啱好祙到,擺開陣勢,老婆主持佢哋搞,設計失敗,燒元寶要落地下才有爐,又無地方坐,企到我腳都痛,終於拜完,還是的士粉嶺站,再駁火車返歸.
返回大圍個仔同新抱有節目繼續,我們轉馬鞍山線返歸.
回家5點多啲鐘,攰得要C,在梳化昏昏入睡.夜老婆主老婆煮,煲粥煎薄罉,加埋些少祭品三個人食.