貴州黃果樹大瀑布4天(4)多彩貴州城,回程.

2016年6月23 貴州黃果樹大瀑布4天(4)多彩貴州城,回程.

昨晚幾場歐洲杯,係頭場瑞士對波蘭睇足全場外,其他周公拉住睇啲唔睇啲,望吓瞓吓咁就天光,5點多6點鐘,今日第四日要走人,老婆執好一切,7點未夠便3樓餐廳早餐.

 
餐廳相當大,客唔太多,可能太早卦,老婆揾位我就巡視一番,相當多嘢食,但美食就唔敢講,勝在夠大乜都有.

 
拿了嘢食坐下,同枱有其他團,又搭吓訕,原來係美食團,來到第4日所遇的,香港團獨係美食團,可見厲害,其他就未見過有,去旅行真奇怪,問佢條線去邊?哈,只知道5天,去黃果樹大瀑布,其他乜都唔知,團費3千幾喎,卦住傾,老婆在催促,時間無乜,又地方大攞嘢食要行鬼咁遠,結果如下.

 
返回房間執妥行理,便落大堂,酒店相當大,我們B座要行去A座大堂.

交了門咭便酒店前拍個照,8點鐘集合便出發,

8:50分來到最後一景點,多彩貴州城.

門口幾個玻璃罩,罩住話係化石喎?

講解一輪,我無聽道呀?
 

入到來到展覽廳,大概展示些民族飾物卦?睇輪正想繼續,誰知地陪話,間館開9點半鐘喎,哈!變咗行不得,為有逗留在此,啱見團友拍飾物,我就自言其說自拍咩?由於飾柜黑底,反影出自己,拍襯連自己拍埋,突然靈機一觸,又玩吓反拍,搞到團友哈哈大笑,爭相來玩,其中有個團友,更同我玩到癲,大家幾廿歲,十足細路,又要踎啱,又要定,又要唔見手機,響度拍餐懵.

 

 
嘻哈一輪夠鐘開放,稍為行吓,原來係商業城,買嘢既多,還是行出城外拍照好過.遇上剛玩到癲位團友,原來同樣用sony手機,又做吓手機教學,點吓佢咁.

話咁快10:10夠鐘上車,

車途中派發火車票,係D2823,唉!係動車,並不是來時搭的G2918,高速動車.

10:55分來到貴陽站.

 

同樣要出示証件同票,驗票入閘呀.

唉!跟住又安檢.

搞一大輪11:14分上到來候車大堂,大堂無冷氣,又要出動巴蕉LU.

12:02分上車LU,

D2823要停11個站,17:51才到廣州南

沿途風景,

該團包尾一餐,動車飯盒一個,價值40人仔.

極度難食.

動車係不動,樽水放到現在還未郁過.

途中車長公安查飛,

越近廣州越多客,擠滿通道,企位客喎.

就快到廣州,導遊又派發下程車票,係G6451廣州至福田,喱回G字正牌高鐵,一站到堔圳北.
導遊講解一輪,話到站離開車箱,不要走開,我哋係要上一層,轉搭廣州至堔圳車.

誰知出到車箱外,導遊點人數,話我哋要上一層轉車,才有團友大聲說,有團友跟人群落咗去呀,導遊面都轉晒色,嗱淋飛奔去追,原來8個耆英有7個,又另外對夫婦共9個人.

導遊追回5個,有兩個出咗廣州站,要講輪耶穌才入回來,另對夫婦導遊電話聯絡上事後歸隊,
唉!回來時又大鑊,人群出電梯向下,幾個耆英搬行理上樓梯,攞命,我即時叫老婆下去幫手.

哈!到上一層時,扶手電梯已經掉轉LU,耆英同我哋啲行理都要拾級而上,老婆抽喼我不用,於是乎幫吓人,咁啱幫著個好玩得團友,誰知佢好客氣,不用就一手撥過來,由於大瀑布出閘時擦傷過我隻玻璃手,被佢一抓出血,但我依然幫另位團友抽喼上去.
上到候車大堂總算鬆一口氣,諗住行理有人睇,兩公婆整去廁所,誰知出來唔見堆行理?以為團友拉埋一齊去咗A14閘口啦 ,去到又唔見,又要行返轉頭,大堂鬼咁大,行餐懵,原來發雞盲,睇佢唔倒.

18:36分夠鐘入閘上車.

G車即G車時速最高去到309公里,同剛才D動車得200零公里.

19:26來到堔圳北站.

轉乘堔圳北至福田口岸地鐵,唉?又要安檢,今回多人過乜,排大隊逼餐C.

20:10終於來到福田口岸,就這樣結束貴州黃果樹四天之旅.

貴州黃果樹大瀑布4天.(1)

2016年6月23日,貴州黃果樹大瀑布4天(1)

由於關口水靜河飛,10分鐘內連過兩關,6:54以經出到來口岸外,便向導遊報到,問輪導遊情況,佢都話第一次帶咁早團,關口6點半才開,7點鐘集合,真係好有難度,我話網上看過人家,同是匯景同是貴州,都係8點鐘集合,他才說我哋坐8點55分高鐵,堔圳北至貴陽北喎,沿途得廣州南一個站喎,嘩?正,不用在廣州南轉車.

全團34人,還有兩位未到,等到7:18分,就話唔等,交帶個匯景工友,便續一派過地鐵票便出發,我話地鐵長者免費啵?佢無理會.

去到地鐵入口,原來要安檢,然後才入閘,眼前見有免費通道,我就貪得意無入票,走免費通道.

落到地鐵站,要等齊人,報到一輪才入車箱.

在地鉄其間,導遊收到電話,說兩個客正在趕來喎,

大約23分鐘車程來到深圳北站,又要點齊人才開始行.

來到地鐵出閘,大鑊?為何不見有免費通道?為有問句閘員,閘員指嗰邊喎,導遊就立即緊張起來,點解你唔入票呀?我話貪得意囉,佢話快啲摷番個牌仔出來,急忙下摷不出,唉!其實佢緊張乜,只不過行遠些,就有免費通道啫?還好個閘員好人,叫這裡出啦,原來撳住閘門,出兩個人,唉!下次真係要守守大會指定,免得搞寸個party.
出了閘行到這裡,又要點名,齊人又向高鐵站進發.

來到高鐵閘口,講輪入閘方法,就派發高鐵票.

票寫有各下名字,無得炒無得讓,

入閘先驗票,票要跟証件,真麻煩,團友大多上年紀,好似我咁論盡,又要拉喼,又要行,又要摷回鄉証,唉!呀婆等我來幫拉喼啦,你慢慢行慢慢摷証啦,唔小心分分鐘連証都失埋?

 

唉!驗完票又要過安檢?

終於來到候車大堂,大堂大到無麟.

點輪名講解一輪,就各自找椅休息,現在才8點05分,距離開車8點55分,大把時間,

大堂無冷氣,熱得很,位位團友要開動小風扇,同團友吹吓水,傾吓偈,原來有些來自鴨利州,有些來自東涌,唉!嘥氣?代價唔大?傾吓講吓又8點40分,聽到講播,叫排隊準備入閘,紅色票按地下紅色指示排隊.

 

動車初現,剛好第二卡,

各自持票找位.

入了車箱放妥行理,諗住出外拍照,誰知時間有限,叫得導遊來,情急吓拍出矇查查,為有等下次.
準時8:55分開出.

時速大多都係264左右.

 

半小時車程來到廣州南站,停留5分鐘上客,又開始進發LU.

 

諗住開餐,食自備碗麵,誰知打開係無筷子匙羮的,大鑊了,為有走去第四卡,餐卡處攞.

僥倖才有得食,吃後又淥多個同老婆兩份食.

 

沿途風光.

 

又進入隧道,又另一景像,暗得來幾靚吖?.

 

 

廣州南開5小時車程,終於來到貴陽站14點05分.

 

集合其間,有點時間,拍番幾張動車照先.

 

 

站之大,行咗15分鐘才來到閘出口,

 

導遊與地陪,

德國技術優質車喎,

嗰然新車,清潔舒服,坐正中門則邊,有張枱,唯我同老婆共享.

地陪講嘢,普通話啦.

 

 

15:50來到雲峰服務區,團友歇歇交吓水費.

在歇其間見有傾斜大貨車,

 

導遊派發樽裝水,話每人每日一支喎,我就靜雞雞話佢知,單張上寫的是任飲架,他看後連忙改口,其實又飲得幾多吖?酒店每晚都有一支.

繼續行程,

又捐山0隆LU.

 

 

16:51 來到食晚飯地方.

 

省外來講今餐算係咁,吃後不知經理定老細,來問餸菜如何?大概新張新做卦?幾好啦.

 
飯後繼續行程,18:13來到單張上入住的酒店,誰知導遊話,我們今晚不住這間,這間唔好喎?住遠些同級順安喎,又睇吓點?

 18:44終於來到入住的順安大酒店,外貎似乎舊些喎,,

 

房間都OK,兩隻毛巾象,一入來就比老婆KO,散咗LU,想話研究吓如何摺成咁都唔得?老婆就係咁,一點思考都無.

 

房間有wifi,有電腦,可惜電腦上網處處被block,獨係股票有得望吓.

 

由於酒店外,無地方好行,早些洗白白,看吓電視番炒歐洲杯,. 

就這樣結速貴州四天之第一天.