食橙咳C,睡可,大門拖鞋架,老婆街街,茶淥麵食,第7劑中藥,晚飯5人食,夜有馬無賭.

昨晚見橙仔太多,要食減啲?於是乎攪拌器,打咗三隻食,又係幾甜幾易食,誰知11點幾瞓落床,咳得我CC,氣都喘埋,無偈為有吸口擴氣管藥瞓.

一覺0322醒去所,之後又瞓不返?捱咗輪還好瞓返,一瞓就今早0745醒,8點鐘老婆起床我起床.

起來還有咳,條氣依然有點扯?又吸口擴氣管藥,然後辦大事,老婆就搞煲湯過個B,老婆煲落個湯,我倆才早餐.

餐後老婆電腦,我就百無聊賴睇手機,1031量血壓159/75-57右手133/73-55,繼續就147/69-55右36/72-51.唉!唔識量?

1050老婆搞煲湯,就我來上上網,電腦壞無聲,不如揾啲嘢搞吓,就係大門個拖鞋架.

老婆街街未返,3點多鐘為有淥個麵加隻蛋食,餐後食我第七劑中藥.

1820老婆返買有麥餐食,其他有蘋果4個10.9蚊,雪梨5個12.9蚊,鹹蛋4隻10蚊同合桃30蚊.

1720個仔返,1915輪到個女到,夜馬開跑踱馬仔.都係唔識賭.

夜老婆煲落個湯,處理好菜料,又我來煮餸,有蕃茄煮肉片,鹹蛋蒸節瓜,佛手瓜紅蘿蔔煲粟米,4個人食,1留湯飯餸.

鼻敏感發作,無覺好瞓,家居改革,廳加層板房油漆,下午茶食呀大,晚飯當宵夜,三個人食.

昨晚半夜鼻敏感發作,噴嚏打不停,無得瞓,起來呻輪鼻水,再瞓又無事,一覺就今早7點幾鐘醒,起來還是鼻水噴嚏,好在不太嚴重,粒多鐘就收,洗個面上陣網早餐,餐後搞掂一切,又9點半鐘.

休幾日息,今日家居改革又開工,個仔未到為有做住啲一人工作,張床拆散下,剩下柜桶.拆住等.

成1點多鐘個仔才到,開始整個層板,地方淺窄,又向天花發展,墻有墻收,天有天花吊,做下個初型又3點鐘,老婆放工,齊齊落樓下大家樂下午茶,填肚後街市買點菜.

回家同個仔先收條鋁糟上天花,好衰唔衰近窗邊的我,一不小心,隻手碰一碰,整隻士巴拿跌落街,好彩當時傾盆大雨,又好彩無人經過,否則就大鑊,嗱淋担把遮落街揾,哈!又奇怪揾極都唔見,無都無偈?

有老婆幫手,個仔就返回房間油漆.吊好件層板望吓,有無搞錯?歪歪斜斜,唉!烏龍百出,碰口同冚口,鴛鴦差成寸,又要番手.

一搞成8點幾鐘,執得架生嚟,清潔好又成9點幾鐘.

嗱淋沖個涼煮飯.又一次晚飯當宵夜食,簡單啲,煎芙蓉蛋.

爆司華力腸,

老婆煲落個粟米紅蘿蔔合掌瓜湯.

 

三個人食.

瞓好咗,鼻來料,家居改革,冷氣機手尾,個仔扇第二浸灰,大家樂下午茶,晚飯當宵夜三個人食.

昨晚個仔收工後來扇灰,一扇成10點半鐘才開飯,食完飯出埋編卜,成12點鬆啲鐘瞓,好彩一撻即著,瞓到今朝6點鐘醒,老婆同個女亦瞓醒,前後腳返工,.

賴床到8點鐘起來,有噴嚏有鼻水,不太嚴重,一頭半粒鐘就無事,早餐後搞掂一切事務,又來開工,今趟冷氣機加個斜冚,.

唉!誰知未開工以經賴嘢,稍為轉身,右手就碰落條窗撐度,咁就皮破血流,他媽的?嗱淋紙巾暗住,摷對手袖箍住開工.

 

一條友諗咗輪?終於有計,揾件甲板,套上膠袋,用鐵線上綁下攬,記可散熱又有斜水,上便掉嘢落來都無問題,一條友兩隻手,鐵線左穿又插,幾經困難終於完成,搞掂以經12點鐘.

 搞掂就繼續封埋4邊條罅隙,好在以前剩落有油灰,抆妥又兩點鐘,唉!夠皮算數,今日到此為止.

又3點鐘老婆放工,樓下大家樂算,餐後街市買斤馬屎莧5.5蚊,10蚊瘦肉,跟住買埋啲油潻嘢,3張沙紙6蚊,同個口罩7蚊返歸.

 回家諗落都係試吓部機,換過個插頭,冷度調較佢一半,開佢兩粒鐘,嗰然夠靜夠凍.

6點多鐘個仔到,買有罐1升乳胶漆90蚊,油掃一隻60蚊,

咁就開始佢搞嘢,話扇第二浸灰喎?唉!拗頸無謂,你喜歡喇.

夜就個仔收工,夜點才煮飯,有馬屎莧5.5蚊,瘦肉10蚊,秋葵8.5蚊,鹹蛋一隻2蚊,雞蛋兩隻2蚊,獅子狗8蚊.

個仔搞到成10點多啲鐘才開飯.
蒸鹹水蛋

 清炒秋葵.

 馬屎莧菜滾瘦肉

三個人食,今餐盛惠28蚊.

 飯後食埋些少美人瓜