2025/03/13(四)睡可/神可,新抱假,個B評估,啟德體育園,大圍大快活,街市,晚飯大家樂.

昨晚馬跑完都瞓,夜所1劑,5點鐘醒,就瞓不返,7點鐘才稍稍瞓返,0820醒,賴陣床8點半起床.

起來洗個面辦大事,事畢搞早餐,0948早餐,1034老婆量血壓,又出乎地靚?

餐後電視飛孤外傳,看後1130新抱今日放假,不用湊B,同老婆於是乎出外行吓,諗吓不如近近哋啟德體育園.

1225出門,搭程港鐵1256到宋皇台站就開始體育園之旅.

同老婆行吓坐吓睇吓1434來到主場館門前,行既睇既都差唔多?係時候到要走.

宋皇台站來,就啟德站走.結果行得我CC?行足我半小時?1516才到啟德站.

同老婆行吓坐吓睇吓1434來到主場館門前,行既睇既都差唔多?係時候到要走.

宋皇台站來,就啟德站走.結果行得我CC?行足我半小時?1516才到啟德站.

還好有位坐,1545到大圍站下車,1550食大快活,兩個茶餐67蚊.

吃過坐夠,1647大圍街市買蕃薯,結果10蚊買咗兩袋紫色蕃薯同椰菜紅蘿蔔10蚊走人.

返回屋企樓下1730,由於今晚同老婆出街食,老婆就先拿買來的拿回家.

老婆返歸後,離遠望見對母女?眼矇掛?新抱隔條馬路叫聲才認出?母女正在回家,我就嚮街市等老婆.

老婆1815才到,才去大家樂晚飯,唔太肚餓我,同老婆要個67蚊牛扒餐,老婆食扒我食飯.

吃過坐夠,惠康買麪包13.5,丹尼兩支洗潔精20蚊返歸.

回家1935,三口子在家,我都早點沖涼,辦妥睡前一切,blog都懶寫上床備瞓.

2024/10/17(四)睡好/夢多,新抱假,行轉文化博物館,踭痛香薰油,晚飯兩老大家樂.

昨晚馬跑完11點鐘,以經瞓著,一瞓0438醒所,捱咗陣再瞓,就6點多鐘醒,收音機下賴床8點起床.

起來新抱今日放假,送完B已回來,我如常烚水搞早餐,0919早餐.

餐後睇輪電視,11點半鐘又走去攤床yt瞌吓.一瞌一睇又1300,起來睇電視.

1445同老婆落街行吓,行兩行老婆叫去文化博物館喎?都好耐無入過去,番查一吓上次來過已經六年前.

場館無乜點變到?好幾間館依舊?金庸館,李小龍館,係多咗間滄海一聲笑館,緬懷吓黃霑,黃霑咁就20年lu.

行吓坐吓行到三樓展館,正坐下休息,聽見廣播1630有電影睇喎?於是乎又走去睇吓.

去到開咗場冇耐,觀眾大約有廿人?原來套片係許冠傑,講佢自己成功發蹟史,由細路講到退休,由退休講到佢復出,條片半粒鐘.

睇完散場1705,離開文化博物館,老婆話去大家樂晚飯,我話唔得呀,我棚牙還嚮企,咁就分道揚鑣,我回家戴番副牙,老婆去大家樂先.

回家三口子在家,個B瞓咗,新抱處理緊佢今早啲郵件,我搞掂棚假牙就出門會老婆.

大家樂無乜客,好冷清,我就48蚊臘腸排骨煲仔飯餐,老婆60蚊鋸扒餐,老婆唔吃飯又比埋我,一煲一碗飯,食得我好飽?

自以為是

吃飽後呀姐來執餐具,問我還要嗎?講笑我,笑著說你話還要嗎?意思是食到咁乾淨?邊過會要吖?呀姐就話,有些客尊登要唔執,留低做樣?怕人家以為佢無食嘢齋坐喎?所以一定問問?無衰喎.

呀姐講得好啱,唔係個個好似我咁諗,亁乾淨淨坐得舒服,以後都唔好講喱啲笑.

離開街市收市,買20蚊5個普通麵包返歸當早餐.

回家1920,三口子出咗街晚飯未返,我都嗱淋沖涼.

涼後又搽啲香薰油,右手踭無晴晴痛咗幾日,昨日以經想食消藥?後來見搽咗幾滴香薰油,今日好得多?食藥都係免得就免.

涼後做妥我睡前一切,才坐廳睇電視.

2105三口子返,我就睇埋集企業強人,我都入房攤床手機,寫blog備瞓.

12月18日(一)失眠,個女留宿,新抱B上學,老婆同女街,12年無見肥佳電車遊,夜打邊爐.

2023/12/18   星期一   晴   18C 

昨晚出埋編blog成12點鐘瞓,一覺0450醒去所,回來衰多手上網,0545收音機下才瞓,結果瞓不返,半瞓下到8點鐘,手機賴床,原來新抱B昨日約咗同學仔們馬鞍公園慶祝生日,

賴床0845起來,新抱B已返學,個女留宿還在瞓,0939母女出門街,0950我才早餐.

餐後辦埋件事無聊我,做乜好呢?吖!不如試吓至電過肥住,睇吓佢得唔得閒,得閒就遊吓電車河.

又得閒啵,於是同佢講,立即動身,182港澳碼頭等,收線後好衰唔衰手機唔多夠電?於是立即义電.

似乎有排义?又至電過肥住,叫佢晏啲出門,誰知已經去到薄扶林,佢話坐嚮巴士站邊椅等,無問題喎?

於是义到咁上吓1120出門,行到巴士站?佢呀娘吖?182剛開走,又要等多廿分鐘,等到1156下班車到.

10幾年無過過海,過到總站港澳碼頭1239,43分鐘又出乎地快啵?

好快便找到12年無見肥佳,一見面我就攬住佢,所見肥佳無乜變,佢就話我差點唔認得喎?咁就証明我老得多?

見面就揾間快餐店坐吓,於是乎撐上港澳碼頭揾食,揾到間美心快餐,衰鬼重係用緊數字電話?佢霸枱我買餐,午市其間相當多客?我就menu影張相,佢就要個蝦醬雞扒蛋飯45蚊,我就洋葱豬柳飯39蚊,不用講長者已經9折?

12年無見,佢還記得上次見面在粉嶺?好記性?當年見面5個人,兩個已經不在,一個未知數?見佢還是用數字手機,就講解一吓智能手機好處,一傾差不多粒鐘,問佢有無時間?吹水遊電車河?好喎.

1456行入上環,就開始我倆電車之旅,總站一於二樓坐車頭1508來到灣仔大佛口,跟住教堂,修頓球場,灣仔道,到鵝頸橋,打小人同東區消防,全部都是童年的足蹟.

再前去就銅鑼灣,都係極熟悉的地方,戲院林立,間間腳毛唔少,再過維園,踢波拍拖都唔少,北角見證過璇宮,皇都戲院,來到這裡雨點大窗都矇,就這裡吹水到宵箕灣終站.

終站一個大回旋,就是東大街,直入就係亞公岩,亞公岩好多廠房,童年時替家姐拿手套來交貨,都唔少足蹟.

拍個照行入東大街,面目全非,一點熟悉感都無,左手邊休憩處行出去,宵箕地鐵,再行就迷路?離遠一望愛秩序灣街市,以前大概係船廠避風堂,新市鎮全不懂.

肥佳帶住下才返回出電車路,才見有大快活,大快活歇息,肥佳係咁爭住買餐,見佢咁堅持,我就比張長者咭比過收銀,衰鬼以為我比錢?係咁擋住我唔比收銀?連個收銀都忍不出聲,嗰張係長者咭慳三蚊,衰鬼out到連喱啲都唔知?後來醫醫個肚,傾多陣1740都離開,過對面各自巴士走人.

海隧塞車,過咗海隧轉車站又送車,獅隧又塞車,到屋企站以經1939,舉頭望吓?明月高高掛.

回家1950,個個返齊,個女到,打邊爐喎?搬咗大輪嘢入房,企都無掟企,2045開火.

棚牙唔掂,好快我就離場.

等到佢哋吃飽飲醉,地方還完,寫兩筆blog,12點幾鐘都係棄筆瞓覺.

11月4日(六)失眠,踩轉馬鞍山公園野餐,晚飯4人食.

2023/11/04   星期六   晴   28C

昨晚11點鐘已經瞓,一覺0347所,回來就瞓不返,法寶盡出都無法,一直天光,賴到無可賴,8點半鐘起床.

起來如常烚水搞早餐,0915早餐,期間新抱,嫲嫲B陸續蒲頭.

1030新B出門,個B石門上英文堂,約好上完就馬鞍山公園野餐喎,好,到時我就踩單去.

餐後辦埋件事無所事事,失眠我都床瞌吓,結果係都係瞓唔著,11點多新抱來電,叫準備出發,老婆執妥所須馬鐵出發,我就單車出發.

拿了單車1201起步,都好耐無踩咁長程,單車又殘又太耐無加過潤滑油,踩得我CC,成50分鐘才踩到來馬鞍山公園.

1254來到約好的地方大草坪,還未見人?

又走出海邊望吓.

1312老婆電話到,話到咗喎?我才返回大草坪,果然在搭緊架步.

跟住開餐食點嘢,吃後就玩lu,玩兩玩連隔鄰小朋友都來一切玩.

衰豬又對bb有興趣,企兩企又走埋去氹bb.

玩到1615係時散.佢三人火車走,我還是單車回程走.

 踩足成粒鐘才返車場?累得我CC,回家1723,個仔已回來,我都嗱淋沖涼,涼後攤床唞吓.

1748老婆返,1800新抱B返,下來佢哋忙到夠,2046新抱叫開飯4個人食.

9月29日(五)八月十五,中秋節,睡好,整日在家,一瞓兩覺,茶大家樂,晚齊開餐,夜各有各花燈.

2023/09/29   星期五   晴   30C   八月十五   中秋節

昨晚11點零瞓,3點多關冷氣,夜所兩劑,瞓到今早7點多鐘醒,睡好多夢,賴床9點鐘起來,如常搞早餐,1007早餐.

期間新抱老婆陸續蒲頭,餐後辦埋件事,精神唔好又走去攤床瞓,一瞓又一個上午.1259老婆開餐.

我攤嚮梳化還是烏眉瞌睡,又走去床瞓過,去到3點鐘才同老婆下午茶,無胃口27蚊食個西多餐,老婆依然7蚊熱檸水,餐後街市買菜,買有三份菜20蚊同花甲20蚊返歸.

回家1615,老婆問今晚出唔出去襯熱閙,舊年無去,都唔知幾多年無去咼?等夜點再算?新抱大B就有節目,約咗同學仔女們一切渡中秋,新抱早點煮飯,連嫲嫲都要褪遲煮,結果2007齊開餐,老婆有老婆食,我們4個人食.

餐後去2100,諗住新抱B們出門後,我同老婆才出,唉!等到2115個B穿到靚靚還在等?成9點幾鐘還未行得,我都想放棄,2120同老婆都係行先.

邨口搭程巴士過市中心,過到市廣場2141,行到中央公園花燈入口,好多人望吓個天,雲層厚,個月時現時不現.就開始我同老婆花燈之旅.

粗略行完花燈2250,返歸行同搭車都差不多遠,決定同老婆踱回家,行吓拍吓坐吓,2308終於行出中央公園.

2312行至城河車路獅子橋,有人話小心有蛇,街燈暗淡吓,條蛇唔郁真係睇佢唔見?細心吓條蛇直徑有成寸粗,成兩尺幾長?話我知個人話差點踩到佢喎?睇後繼續返歸.

回家2330我都疲憊不堪,嗱淋沖涼,涼後0015應應節,劏個月餅食,

剛好新抱B返到.話班小朋友去咗乙明嗰公園玩喎,我就搞吓手機照成2點鐘才瞓.

8月24日(五)睡好,行轉深水涉,茶麥記,買份芒果,烏龍百出回程,食芒果,晚飯4人食.

2023/08/24   星期五   雨/晴   31C

昨晚11點零瞓,夜所兩劑,就瞓到今早7點半鐘醒,賴床8點半起床.

起來如常烚水搞早餐,餐前量血壓,0936早餐老婆才蒲頭.

餐後辦埋件事,無所事事,我又走入房床攤吓,攤極唔著,個B響房手機到1110才蒲頭洗面早餐.

攤極唔著我,為有起來睇youtube,睇輪1點多鐘,見老婆似乎得閒?於是出街行吓,疫情已來除回鄉幾日外,都無離過沙田,於是同老婆離開沙田行吓.

1338出到巴士站,就見到部86A車,於是就出鴨寮街行吓,上到車老婆才說中午餐無食?齋烚咗兩隻蛋食喎?

1404出到深水埗下車,由南昌街落,邊行邊睇,好多店鋪都唔同晒,好多轉晒賣家庭雜貨?1443落到鴨寮街,乜都唔識?我都唔知睇乜?

行到北河街見麥當奴,老婆乜都唔食得?齋食得麥記個粟米,無偈,咁就上二樓,老婆20蚊粟米,我就28蚊個豬柳蛋漢堡餐,麥記鬼咁好冷氣,同老婆食過坐夠都走.

離開繼續鴨寮街,一直行到盡頭西九龍中心,諗住搭回部86A返歸?幾年無離開過沙田,記得一係九江街有站?一係茘枝角道有站?老婆又話九江街遠?咁就企響街度Go Go Map,有無其他車走?手機螢幕細,摷來摷去,唉!嘥氣,於是同老婆走返轉頭,行去茘枝角道搭.

行兩行見有芒果賣,廿蚊份4個鬼咁靚?衰豬食一次,鬼咁想食?於是整番份,好在買咗睇吓?有隻爛,立即換過隻,才一路行去茘枝角道,

唉!一直行到南昌街,都無見有站?響南昌街休憩處,又手機摷輪?老婆淆淆聲,叫搭地鐵啦,唉!是但啦.

又行回北河街穿上,麥記邊搭地鐵,N年無搭過地鐵?邊個站轉才返沙田都忘記?又剛啱放工時間?多人到乜?去到太子站又好似旺角轉?終於去咗旺角站.

記得唔知上一層,定下一層?就轉去九龍塘,再火車返沙田?見無得落就上層啦?誰知出閘就係街外?記得上次回鄉搭火車,旺角站下車,直落就搭旅巴回鄉?

於是係咁睇指示牌?都唔見有轉沙田?後來老婆詢問處問,才懂搭回觀塘線.

在車時才醒起?唉!旺角站同旺角東站係唔啦更?真係老人黐呆?去到東鐵上火車,又大懵到?還以為要沙田站下車轉大圍?唉!九龍塘下個站嘛大圍囉,唉!人都癲?

回家1817,三口子已在家,衰豬沖涼,衰豬浴盆浸浴,唉!長途拔涉回來,梗係要去所啦?終於等到佢玩完水,才有廁所用,嗱淋所.

衰豬沖完涼襯佢娘煮緊飯,就氹佢食芒果?衰豬點晒頭說好,咁就切個同佢分享,衰豬食得好滋味.

吃過芒果1923,諗住寫寫blog,誰知萬頭打電話來吹水,吹完水又走咗去睇電視.

跟住2037新抱又話開飯?4個人食.

飯後乜都無做,全力寫blog,一寫0015才收工.

啪藥瞓天光,鼻水續流,老婆放假,早午大家樂,再遊觀塘海濱,晚飯4人食.

昨晚出埋篇blog諗住早點瞓,誰知又玩吓短片,到搞掂都成12點鐘,傷風整日鼻水流流,免辛苦都係啪粒neoZep藥瞓,攰攰哋夜所兩劑便瞓到今早8點鐘,稍賴床0823都起來.

老婆放假在瞓,梳洗妥上網寫下今早事.上陣網辦妥一切事務,老婆還未起來,10點鐘拍醒老婆,才量個血壓135/81-57,然後同老婆落街早餐.
大家樂老婆30我30蚊,餐後又多粒neoZep,

吃過坐夠去邊處好呢?公園坐又嗌熱,不如搭程車再出觀塘海濱公園行吓,1143有車,出到觀塘道休憩處站下車,一於同上次相反方向行,一直行出海傍,出到去觀塘海濱公園尾尾1220.

適逄食晏時間,地盤工人攤滿天橋底,坐的坐瞓的瞓?要行到較入處,才有些吉櫈坐,就係咁坐吓行吓,吹吹海風,吹吹水.

來到這裡橋底,超涼爽,又見咁多人在手機?究竟搞邊科?行近裝吓?原來政府免費wifi打機?又一奇景.

在這裡坐咗好耐,還瞌咗陣眼睏,又見有人影婚紗照,

來到差不多最尾,有些兒童設施,最棧鬼係呢個4人搖搖椅,搖上搖落,

兩公婆又搖咗好一輪,

又有個轉轉轉,兩公婆又轉咗好幾吓,

轉完1530就觀塘碼頭在望,

搭程車返歸,返回商場1620食大家樂老婆29我28,

吃過坐夠老婆商場買20蚊齋鹵味,街市7蚊芥蘭返歸.
回家1705老婆處理今晚餐飯,我就上網寫寫blog,
2030開飯,有薯仔雞翼,外賣齋鹵味,炒芥蘭,3個人食,1留飯餸.