我的網誌清單
2024年5月5日 星期日
5月5日(日)睡差,似無瞓過,同華仔吹水,似精神多,個B合唱團,馬輸10蚊,晚兩人食.
2024年5月4日 星期六
5月4日(六)大雨睡差神差,整日在家攤床youtube,呀偉到,茶大家樂,晚餐兩人食.
生涯(28)天順建築公司1987/03/23~1988/12/17.
1987/03/23~1988/12/17天順建築公司 沙頭角房協.
由於老友馬涼入咗天順建築公司,地盤開工揾幫手,老友叫到又升職做份助理管工,地盤沙頭角禁區,房協興建第二期屋邨,返放工地盤有公司車接送,月薪3600元.
於是辭去其士建築公司,馬鞍山富安花園地盤份墨斗王份工,轉去天順建築公司,沙頭角房屋協會,第二期屋邨地盤.
由1987年3月23日上工,一做就1988年12月17日止.
由於地盤接近完工,要掉去屯門澤豐花園地盤,由於地盤太遠,第一日返工,去到以經9點多鐘,於是乎決定唔做.
還好公司好自由,唔做就當解僱計數,工資,代通知金,加班費,大假,雙糧,車費同年終獎金,按年資計,合共15137,20元.
沙頭角地盤,一年零八個多月,期間都頗多難忘事.
雨水天
記得初來開地盤,雨水特別多,地盤滿佈泥濘,車行不得,簡直停工狀態,每日返工坐多過做,由於合約無雨水期,後來公司買來大量石角,一車車鋪地,泥頭車才可出入,才勉強開得工.
機械
地盤所建屋邨,樓高頂多三層,運輸興建都係大吊機,判頭租機,聽講專買賣二手機,大多日本二手機轉賣上大陸,可想當年大陸幾咁落後,連機械都係靠二手外來.
中英街
由於地盤接近中英街,我們一得閒便走入中英街,打咭不在話下,我就喜歡買些奇形怪狀中國酒,貪佢樽形奇特,有時更走去派出所,一蚊攞張去鹽田紙,(通行紙)不過我們並不是去就近鹽田,而係偷雞搭車走去遠遠深圳,嗰時堔圳好落後,高樓大廈好少有,我們都係去街市買野味,穿山甲,果子狸,貓頭鷹之類,回來地盤開火圍爐飲兩杯.
沙頭角海鮮
沙頭角漁民多,海鮮擺街賣平靚,好大條幾尺長海魚黃立倉,當街斬來按斤賣,最多瀨尿蝦,啲膏多到一條透明金橙色?膏多過肉,到今日我都未曾見有過?平靚週時買回家吃,食到剝瀨尿蝦變專家.
小丑魚
魚檔好多時有小丑魚,細細條游來去襯托,有次戇居到攞回家飬,用鹽調調較鹹水當金魚飬,結果當然瓜直.
燒乳豬
又中英街好買賣,成隻燒乳豬賣好平,朝早比錢5點零收工攞乳豬,回家開餐幾好呀.
係咁賣咗好多天,越賣越多地盤友訂買,結果有日收晒錢,影都無埋?
僥幸
當屋邨第一座,第一層板模釘完成,鋼筋扎妥落石屎,在落石屎其間,好不小心,一腳踏出外皮條斜撐板,結果人仰馬翻跌落地下,幸好地下有塊乾淨甲板,立即起返身無事,若果有鋼根鐵釘石塊之類就大鑊,幸好無事繼續工作.
威哥
大吊車司機,30多歲紮實硬朗好動,每日收工貨車泊地盤,公司等放工幾個同事,一定在說說笑,推推撞,玩陣才離開,威哥一樣,硬橋硬馬,玩玩笑笑才返歸.
誰知有日不舒服,睇過幾次醫生後,証實血癌,停薪留職.
有日去佢家探佢,妻兒細細,送他500元買食,後來不久傳來,終於離開了.
揸車
屋邨臨近完工,屋邨還是地盤,夜幕低垂,邨前一條大直路,公司一部長駐貨車仔.
無車牌我,叫做N年短短路揸一次,貪得意下坐上駕駛位,老馬在傍指導,一條直路好過癮,誰知去到地盤尾,要轉彎向下,兜個彎返回原處,眼前燈光火著,一堆堆貨車在上落貨,嚇得我一額汗,慢慢揸回上去.
1987年4月28
1987年9月18日
2024年4月25日 星期四
4月25日(四)夜瞓失眠有夢,精神極差,新抱返工,個B放假,兩老湊B,茶大家樂,晚兩人食.
2024年4月22日 星期一
4月22日(一)失眠,個仔假,老婆同個女街,我廣源揾馬下午茶,晚無煮食,飲奶蛝餅乾
2024年4月20日 星期六
4月19日(六)睡差神差,老婆沙田街市,煲劇瞌吓,茶大家樂,人生百態,惠康,夜大雨行雷閃電,晚同老婆食.
2024年4月12日 星期五
4月12日(五)好瞓有夢,陪老婆石門辦回鄉証,辦証遊樂場,富臨皇宮下午茶,城河踱路返,晚大家樂.
2024/04/12 星期五 晴 27C
昨晚成12點鐘瞓,夜所兩就今早0825醒,睡來有夢,夢見一隻拖鞋跌咗落河,一路沖出大海,係咁追,好多大廈阻住,一路追出海,揾唔返就醒,
醒後手機賴床,手機無電,賴到新抱B出門返學後才起床.
起來如常烚水搞早餐,老婆跟住蒲頭,0951我早餐.
拿了相就揾職員下來怎運作,嘩!整個場5,6部機,辦証人成拾幾人,得嗰一個職員?條友真係三頭六臂,係咁不停協助辦理,須然係自動辦理,大佬十年才換一次証,鬼來了解如何運作咩?而得嗱淋辦妥走人.
返回自己屋邨,老婆叫食咗返,大家樂鋸扒喎?兩人食個西冷牛扒餐,盛惠61蚊,吃過坐夠返歸.