8月5日(一)重失/神差,個女留宿,裝修燥音嘈到爆,修單車,女閙老母,麥記雪糕,晚我煮兩人食,三日兩夜三口返.

 2024/08/05   星期一   晴   33C

昨晚11點鐘瞓,以為寫埋篇blog瞓啦, 誰知頂唔順要瞓,一覺0235醒去所,就瞓不返,捱輪為有寫埋篇嘢.

寫埋篇嘢成5點鐘,試圖瞓吓,到6點幾鐘以經醒,手機賴床9點鐘起床.

起來如常搞早餐,期間老婆蒲頭,個女入房瞓,0938早餐.

餐後辦埋件事,惡夢又開始,應該12樓開始裝修,鎅機聲響不停,發出啫啫聲,又會有咁多嘢鎅?嘈到人都癲.

一直嘈到成一點鐘,谷Q氣睇埋個午間新聞落街修單車.

諗吓都係推回家修好過,推回家門口後以為噴過w40就搞掂,誰知唔係原來條威也散咗披咗,頂住唔順,無得救要換?

又比我摷到條威也出來,可惜換咗截發覺係唔啱?好彩係長咗,條腰以經痛到不得了?都係咪搞,傷腰賺辛苦,都係暫時擱置,日後再算.

在修期間個女閙老母,越閙越兇,我話係咪要個老母跪地認錯吖?谷鬼氣叫個老婆落街咪鬼睬佢,跟住我拿部單車落回車場.

1513鎖好單車,至電老婆下來街市個休息大堂.

誰知去到高朋滿座,公公婆婆在避暑,於是走去無乜冷氣既麥記,1517等老婆,等咗好一陣老婆到,兩人9蚊食杯雪糕,唞吓條笨七氣.

到1620華仔來電,話佢知後制修唔掂,叫佢幫手,之後吹水成粒鐘.

期間老婆街市買餸,買咗98蚊喎,之後齊齊返歸.

回家早點食飯,早點開冷氣,老婆處理好菜料後沖涼,就我來煮,料有雞扒,韮菜花,芽菜,大兜冷飯兩隻雞蛋,1826開火,1857煮妥,老婆開冷氣開飯,我就沖涼戴番副假牙,1915開飯,叫兩句個衰女食飯,唔食算數,我同老婆食.

飯後睇電視睇奧運,2033三口子大梅沙三日兩夜返,衰豬夾有7,8個公仔,C孤寒問佢攞個唔比,嗱淋雙手霸到實一實,佢娘講掛住爺爺嫲嫲喎?

玩佢兩吓,我都返房上床備瞓.

7月23日(二)睡可/早醒,個女留宿,新抱開工,逃避燥音跟華睇工程,茶麥當勞,晚飯6人食.

 2024/07/23   星期二   晴   32C

昨晚早早上床,10點零才瞓,夜所兩就0455醒就瞓不返,手機無電义電,白賴床到0640急事到,個仔返工出門後,我才來辦事,原來係肚潟.

事後老婆蒲頭,見個女還未入房瞓,谷鬼氣換衫落大家樂早餐,老婆烚吓烚吓諗住齊齊落大家樂,後來才醒起新抱返工,個B還在房瞓,唉!咁就唔去.

於是乎搞早餐,在搞冇耐他媽的?電砲又𠾐𠾐響,疲勞轟炸命到冇,0950早餐.

餐後電視尚食,簡直嘈到有畫無聲?一睇無聲大結局,睇完套尚食,都唔知佢講乜?

1130砲聲稍停,大概收工食中午掛?心情稍為平靜些.

1228同華仔吹水,佢話等陣同陳和記入西貢睇工程,問我去唔去?我又想去又唔想去?收線後電砲又𠾐𠾐響,唉!都係出去行吓.

當正私樓裝修

1228出門,落到大堂以經有住客投訴,嘈到人都癲,座頭呀姐講,唔係房署裝修,係12樓私人裝修喎?唉!唔係房署裝,私人裝打地台,又會打得咁切底?

離開1256顯徑站會華仔,就齊齊到鑽石山站,再行去巴士總站,陳和記荣哥到咗,就齊齊91入清水灣,途中荣哥問到無見幾耐?於是手機一摷?上次見面2016/03/14,八年有多啦.

到站行到去1358,門口等開門等咗成20分鐘,才有工人來開門,開門要行條超斜路,才到門口大閘前.

原來冧樹撞歪咗度大鉄閘,大閘4米半高,望咗陣烈日當空,唉!你哋研究到夠,我都樹蔭下坐等.

睇完工程搭程巴士返鑽石山站,荣哥38號巴士返葵涌,我同華仔行陣荷李活廣場.

廣場見有大形充氣遊戲設施,

睇陣就揾地方坐,就麥當勞坐,非常旺場,座無虛設,難得找到兩個位,華仔買餐買咗兩魚柳包兩杯奶茶.

坐下無所不談,講輪家事,吐輪苦水,唉!家家有本難念的經,1658離開.

離開齊地鐵返歸,華仔臨走整盒口罩過我,話荣哥新抱做護士比喎?兩盒太多比盒我喎?

返回樓下見有坭頭車,載滿坭頭,於是問句係咪12樓架?係喎,又問佢打晒未呀,話打完喎,咁就好囉,不用再為噪音出走,見有把吱膠槍好新淨,唔要喎,咁就比過我拿走.

回家1737個仔已回來,個B個女老婆在,我都嗱淋沖涼,涼後7點鐘老婆叫我整條烏頭,好,跟手粗鹽醃落條烏頭,新抱放工返到

8點多鐘老婆煮好開飯,6個人食,有瘦肉滾紅莧菜,外賣沙薑雞同鹽焗烏頭.

我還是裝開食,飯後2122飲半劑中補藥.

7月22日(一)睡好/稍好,老婆沙角買菜,裝修砲轟嘈到人都癲,離家避嘈,晚我來煮3個人食.

2024/07/22   星期一   晴   31C

昨晚11點幾瞓,夜所兩劑就今早7點多醒,手機賴陣床無電,8點鐘起床.

如常搞早餐,老婆蒲頭,個女返房瞓,早餐期間老婆又話過角買魚喎?我都無你咁好氣,0851早餐.

餐後辦埋件事1003老婆返,買有廚紙兩盒38蚊,餸料247蚊.

老婆回來就惡夢開始,又唔知邊家戶裝修,大砲轟地台,轟到頭都爆,新抱B個女陸續蒲頭,嘈到心都煩,睇埋集尚食11點幾鐘才停,新抱B就出街,去書展喎?老婆同個女就煮佢倆中午.

到1點多鐘砲聲又響?午間新聞未睇完,又來砲轟過,唉!頂佢唔順,都係走夾唔唞.

落到街走去好風水地方邨邊坐,一坐3點幾4點鐘,至電個老婆乜環境,唔落來喎?唔落來就我返屋企.

行到樓下,已經砲聲震天,為有邨口花槽坐,坐到4點鐘焗住返歸.

回家依然砰砰響,到4點半鐘才慢慢無響,個仔放工返,我都早點沖涼.

涼後問聲老婆有乜菜料,無乜料喎?我都唔理佢哋,諗住求其煲仔煲個食算,誰知老婆叫煮埋佢啲菜料,唉!是但啦.

1718料有三文魚頭,粟米一罐,蛋兩隻,臘腸一條,薑同葱.

1733開火,1806粟米臘腸飯熱,薑葱三文魚頭煲,粟米煎蛋,老婆煲落冬瓜去濕湯,個女老婆我三個人食.

飯後1943,飲半劑中補藥,1945量血壓,量後我都做我睡前一切.

2043母女書展返,買有外賣返,三口子開餐,我已經在床備瞓.

7月20日(四)笑醒,昏睡,個B堅持糯米糍,新抱B街,人仔定3個月,打大杏仁,香蕉,煲打木耳,第5半劑中藥,茶麥餐,晚飯我煮兩人食.

2023/07/20   星期四   雨    30C

昨晚食完飯,累累哋挨響床瞓著,瞓到12點鐘發夢笑,笑醒,老婆問我乜事?我話夢見工作上介紹人與人名稱?佢就叫紅豆,佢就叫黃豆,綠豆就咁笑醒囉?才起來食藥擦牙,擦完又瞓過,瞓前見日日辧事不力,不如食兩粒草餅,調整吓都好?

啪後再瞓,夜所都忘記多少次?瞓7點多醒,手機賴床,8點半鐘起床.

起來飲杯水坐陣,兩粒草餅有料到?嗱淋去爆,好失望不外如是?見辦完事又上磅磅吓,136磅差不多?辦妥事老婆水烚妥,新抱B蒲頭,我就如常搞早餐,餐前1008量血壓高138/80-55,個B食完蛋糕又食糯米糍,係都要請我食一粒?

餐後無所事事睇電視,11點多新抱B出街,去踩滑板車喎?我就電視驪歌行,睇到1120大鑊?兩粒草餅延至現在才來料?驪歌行還有10多分鐘完?都等不到要爆?嗱淋走入廁所爆,還好手機有mytv,終於廁所內睇埋集驪歌行.

辦完二次事務,攤響梳瞌眼睏,望吓視瞌吓眼又12點多鐘,諗起啲人仔定期到咗?點攪好呢?諗吓定6個月得嗰兩厘?3個月1.8厘,索性3個月算,1點鐘嗱淋上網攪掂.

搞掂後1400,諗起大杏仁碎食光,於是乎開機打大杏仁,打前浸下木耳.

老婆餐後搞掂一切,差不多3點鐘,同老婆落街行吓,1511麥當奴食個19蚊魚柳餐,吃過聊過4點鐘上惠康,28級梯撐來有點喘?惠康買有廚房紙兩嚿37蚊,麥方包11.5蚊,生菜4蚊,椰菜7蚊,蜆20蚊同瘦肉22蚊,1707飲我第三次中藥,第5劑之半劑中藥.

回家1648開機打我雪凍好幾日啲香蕉,1702搞掂放回冰箱,慢慢食.

跟手先前煲落啲紅棗薑木耳,又打成漿慢慢食.

搞掂1724個仔返,跟住新抱B有節目亦出門,今晚不煮飯喎?今晚餐我同個仔自己搞掂.

1946老婆開餐.

老婆開餐又輪到我埋位,老婆同我剁落梅菜豬肉餅,洗落好生菜,我就齋煮飯同淥生菜,1924郁手,1945梅菜肉餅飯亦煲妥,個仔還在廁所?

等到成8點鐘?唉!不如量埋血壓先129/74-54,一直等到2020我才淥埋生菜,2033個仔才沖完涼開飯,一煲一生菜兩個人食.

飯後甜品,我今日打的香蕉雪糕.

母女玩到2250返.

金線魚,涼瓜.

2021/05/30  星期日

料有隔夜腩汁,金線魚片同涼瓜.

一人份量,魚片要煎,涼瓜要炆.

煲仔魚片飯,腩汁炆涼瓜食得.

金線魚,節瓜.

金線魚一PACK

起肉拆骨,鹽胡椒粉醃.放雪柜.

料有涼瓜,剛起肉魚骨,魚就食4片咁多,米就大半嘜.

 1827開火,拍嚿薑起鑊,燒紅鑊小許油,先行煎熟4片魚,然後煎魚骨,煎香讚下大熱水,滾佢好幾滾,

撈起,老婆剛巧有半條節瓜,一於涼瓜轉節瓜滾魚湯,魚湯做米水,飯熟下魚片,稍焗.

1909兩煲兩味食得,1921湯飯清倉.

南瓜白豆金線魚煲仔飯.

2021/05/27 今晚食乜餸

雪柜料有南瓜,白豆,金線魚,

金線魚起肉拆骨,魚肉,白豆南瓜切粒,

半嘜白米浸下,

金線魚,魚肉,魚骨,鹽,胡椒粉,豆粉稍醃,兩片薑起鑊,魚骨魚肉煎香,魚肉盛起後用,魚骨滾水下滾陣,魚骨湯做米水,

慢火煮至飯熟,放下煎妥魚肉,稍焗焗,淋上豉油熟油.

香噴噴南瓜白豆金線魚煲仔飯搞掂.

一煲搞掂啱啱好.

飯後橙,好滿足.

失眠,有鼻水,腳腫消,小腿漲痛減,全屋人在家,三口子街街,外賣麥餐,個女上來,晚飯7個人食.

昨晚如常10點零都瞓,一覺0400醒,去個所周公又走咗LU?瞓不返捱輪,為有手機+歌仔賴,捱輪臨天光稍為瞓陣就0705醒,起來去所關冷開wifi,返床收音機倫敦時事一週,

起來

0800起來,有鼻水有噴嚏,腳腫消,小腿漲痛減,梳洗灌下大杯水上網,老婆才起床,

早餐

我才弄早餐,0915早餐以成,老婆咖啡我豆奶麥皮,有黑椒鹽烘薯塊及麵包條,煎雙蛋,同老婆兩份食.

BB蒲頭

小小童開工,幫手拿晾好衣服回房間,個B擦牙仔依然不就範,早餐就乖乖自己食,辦妥事務,嫲嫲電腦,我又縮入房半張床,電話同華仔吹水,個B又入來搞搞震,還好佢娘捉回出去,吹輪水又一個上午.

烚毛豆

煲集長安十二時辰,1245諗起昨日10蚊買咗三包毛豆,從未食此豆?又試煮吓,浸透洗淨比兩匙鹽,壓力煲連殼烚,烚15分鐘,豆超稔甜夠鹹味,但殼就不用諗,吃不得.

1355今次兩匙鹽,一舉烚晒佢,烚到煲響熄火算數,剝出來效果唔錯,鹹味都夠,留來今晚炒餸.

三口子街街

三口子12點多話出街,裝備到成1420才出得門,個B開大,還要嫲嫲幫手,清潔換片,而個仔都等到發脾氣.

老婆同個女買茶買餸.

1513同個女買茶買餸,,煲劇到1550老婆個女到,買來有麥餐大家食,餐後早點沖涼,以免晏些堆埋一齊?

沖完個涼繼續煲劇,長安十二時辰22集

三口子返

1835三口子返,就開始忙個沖涼,個B又要食飯,老婆就處理晚餐餸菜料,既然我哋食飯,個B來搞搞震,不如一起食,就無得搞搞震,一於係話.

晚飯

1749我來煮餸,料有免冶豬肉,南瓜,毛豆,同昨晚食剩啲豉油雞,

2027搞掂,有肉碎煮南瓜,肉碎炒毛豆,爆隔夜豉油雞,由於椅櫈有限,我就畢開一個人食,開飯連B六個人食,一留飯餸.

睡來可以,啪兩粒消炎,腳腫稍退,老婆早餐又麵,銀行攞錢,踩轉馬鞍濱,乙明買餸返,個女上來,晚飯6人食.

前日啪粒消炎藥,對腳似無咁腫漲,昨晚10點零又啪粒才瞓,夜所一劑便瞓今晨0530醒去所,見對腳咁難好,又啪多粒才返床瞓,0630醒收音機塞耳賴床,0800老婆起床我起床.

起來老婆洗晾摺疊,早餐又食麵?野起我把火,若係咁以後各有各,下午茶不用預我.洗個面灌下大杯水,食昨日份公司冶.入過雪柜點食好呢?三嚿嘢料又多,索性拆散落鑊兜兜.

0930新抱蒲頭趕返工,叫嫲嫲替B擦牙仔,0938嫲嫲叫醒B,搞掂牙仔,搞早餐過B食.1010佢娘返工.

辦妥事務,老婆電腦,個B又我來陪玩,1100點鐘嫲嫲氹住,我才量個血壓136/69-50,張咭未到銀根短缺?腳又腫漲欠運動,為有又啪粒消炎藥1127出門.

單車1145來到沙田廣場,又要攞錢,又要追張咭,接待員問要做邊樣先?唉!都係攞錢先,條龍話長唔長?因為企得梳梳,排咗20分鐘搞掂,然後詢問處問張咭,話7個工作天,但已經11日喎?無張咭好麻煩,又要嚟柜枱攞錢?我又問可否申請張etc,可以即搞,現在填表,7個工作天,返來這分行取喎?諗吓都係遲啲才搞?

離開1218踩單車,沿城河向馬鞍山方向.一條氣踩去馬鞍山海濱長廊,1248來到個吉亭,

電話揾啲友吹吓水,萬昌來電說老馬無事,打得通喎?於是撥去揾吓佢,原來手機撳錯制喎?撳咗個飛行模式,搞到幾日無電話用都唔知?

傾輪偈,又曬吓對腳,黃腫腳以經無咁腫?風涼水冷坐到1400才回程.

離開埋頭係咁踩,車重難踩,體力又差?踩到龍舟總會,有警察擺站派水,好好禮貌,宣傳安全踩單車運動喎?送我一支水.

多謝支水後繼續回程,1433來到乙明街市,支付寶掃一掃有3蚊雞,買有大大個貢梨4隻18蚊,豆奶6.5蚊,梅頭扒三塊18.9蚊,豆腐4蚊,麵包6隻18蚊,回來自己街市買斤遲菜8蚊返歸.

回家1548,嗱淋沖涼,由頭洗到腳,然後倒杯豆奶同老婆食麵包,食包期間新抱返,,餐後埋頭寫我今日blog.

1705個仔返,買有大家樂餐食,寫blog到1800唞唞,至電過華仔吹水,6點多鐘個女到,同華吹水間個B沖完涼又來搞搞震?

7點多本來唔煮,老婆煮到咁上吓,有點唔忍心,入去望吓佢?唉!豆腐煎到白雪雪?煎釀煎到水?唉!老婆你返入去涼氣冷啦?等我來重煮改良吓,三兩手勢,色香味返回來.

1959開飯,有炒遲菜,煎豆腐,煎釀三樣婆浸酒的蛋,5個人食1留飯餸.

飯後果貢梨,好甜.