陽光保利酒店+台山星泉温泉酒店三天(3) 完結篇

陽光保利酒店+台山星泉温泉酒店三天(3)

2017年5月4日  星期四

晨早5點幾已經醒,賴到6點零起來,執妥行理,距離早餐還有時間,就落泳池行吓影吓相.

原來有些池有係没有開放.

影輪相見團友外出返,原來市集好近,本來喱個上午還未決定?再浸温泉吖?定係出街行好呢?見市集近,就決定早餐後行市集濕平.
0810人齊食早餐,早餐都幾多款,有炒粉麵,菜,饅頭,雞蛋,白粥重有水餃,

用餐其間個天黑晒,嗰然落起大雨,餐後邉度都不用去,行唔得浸唔得.

返回房間老婆無聊就玩手機,泳池就有人冒雨游水,我就見咁大雨,就睇吓揾啲膠袋笠住下個喼都好啲,無刀無剪,於是拿抽鎖出來,當剪刀用,唉!喼太大膠袋細,整極唔掂放棄.

1110終於夠鐘出發,執整行理落大堂,上車坐定定,突然導遊陳菁菁行來,問我房間有抽鎖匙?我都唔諗立即上房間睇吓,嗰然係我抽鎖匙,嘩!一額汗,於是我大聲問,誰執505房架?原來成層得佢一個女工應我,於是走過去,見銀包只有港幣,我就醒廿皮過佢,佢灑手拎頭話唔駛啦,我都係比過佢,真係好多謝佢,若果佢睇漏眼,我抽鎖匙就係咁先,旅行以來第一次遺留嘢.

執番抽鎖匙就開始出發,1140來到這間橋美樓海鮮餐廳,落車以有人担大遮來接,

菜色依然豐富,有成10個菜咁多,從未食過喱種長咀螺,諗住邊有肉吖?食落又可以啵?

飽飽後又出發,1248來到台山市中心,商業步行,雨須然還有,但已經細好多.

又係一小時自由活動,原位置落原位置上車喎,閒日兼下雨,水靜河飛,度度都嗌著咪,最後三小時,最後三小時,係執笠呀.
老婆担著遮,我就持手機,係咁拍,太多古老屋我拍.

一小時完畢,1350又出發LU,1555來到虎門服務站,團友鬆鬆又繼續回程.
途中藍博士大派柑橘片,車頭派到車尾,1657來到堔圳灣口岸,大部份團友拜拜.
1722來到福強路,陽光保利酒店台山星泉温泉酒店三天就完滿結束LU.

陽光保利酒店+台山星泉温泉酒店三天(1)

2017年5月2日 陽光保利酒店,台山星泉温泉酒店三天團.

老婆假又七天,5月2日開始,又要傷腦根,要平宜,為有揀閒日,閒日團種少,4月19日見到有團陽光保利酒店+台山星泉温泉酒店三天,團費339元+小費180元乘二1038元,

於是上網摷摷料,原來威龍去過,讚到超抵,於是不用考慮,即時去報名.
長長廿多天,足知到今天5月2日,晨早0748來到福田口岸報到.場面冷清,旅行以來未見過,匯景得幾團,其他的寥寥可數,強如大韓都係得幾團,獨係佢誇張,竟然一條長龍導遊隊?

老婆前去22旗去報到,導遊陳菁菁,我就四維了解吓.
等到0810人齊,就開始出發,還是要行段路到福強路上車.
10分鐘路程來到福強路,稍等旅遊巴到,車唔錯架,整團48人,另有3個BB.

1031來到首個服務區(民眾鎮),放水加水興鬆吓.

1200來到我家鄉開平,香港生香港大的我,幾大拍番個照先,背光遠攝無偈?

1205來到該團,食我們中午第一餐飯.

叫碉樓特色葱油雞開平馬崗鵝宴喎?咁Q長既名?我乜都唔識,只識食佢嘅黃蟮飯,.
無乜人食,我來砌幾碗,黃蟮多到有點不好意思,飯焦添完又添,正到痺.
來廣東旅遊,食就開平首選.

飯後就附近，行程上第一個景點,東滙城,商場之大獨行超市,重係副食品嗰part,樣樣都唔平,麵包我就最欣賞,係咁易行完,我都坐響大堂等夠鐘LU.

1540來到陽光服務區,例停車放放水,閒日幾好,男廁女廁不用排不用等.

離開服務區途中1608,突然來場大大雨,好彩都係較短暫.

1647終於來到該團第二個景點,就係海陵島大角灣.

長長海灘,一望無際大海,人唔多的灘,吹著海風,慢踱下好爽.

沙灘有專人睇住,浪大不許游泳,當有人行近海裡,就有人咇咇咇,不許下水.

來到咁靚沙灘,當然要來個自轉360啦.

大約逗留咗40分鐘就要走LU,就在這家海利漁邨,食我們第二餐,晚飯.

有魚有蟹仔有蜆,叫海陵島一夜情海鮮宴喎.
食過兩餐飯,每個團友都稍為了解過,發覺有位好yeah既團友,噸位身材,染滿了一頭藍髮,原本遲報名坐後便,可能大份關係?伸請坐車頭?兩個坐位一人獨享,口水多個海水,導遊講乜,佢例必有回應,係反話的回應,同枱兩餐飯都好多嘢講,你講茂件事好,佢例講佢件更好,所以我稱乎佢為藍博士.

飯後團友買椰子飲,起初還以為賣椰青,原來係賣炸彈一樣的老椰子,每個10蚊,椰子0趙到牙都崩似?

離開飯店約40分鐘車程,來到我們入住的酒店,在車所見好多羊咩咩.

酒店大門口,原來一排好多座,

車要去去開到第十座,以經夜幕低垂1915.

房間唔錯,夠光猛夠新淨,但走廊就黑媽媽,一層四伙,有點嚇人,
乜都點齊,乜都開晒,獨係電視不懂開.

露台須然無面對沙灘,但都無敵大風景,



大電視開不到?乜料呀?搞咗好耐,為有出門口個天井大叫陳菁菁,905房電視不懂開呀.嘩!原來個天井好多聲音,個個都找陳菁菁開電視,而同枱兩位老姐姐嗌走廊黑媽媽,我就教佢齊鼓掌啦,哈!果然上下層走廊燈都著晒,但獨係佢盞唔著,咁就無偈,你就慢慢等陳菁菁啦?陳菁菁極忙下終於有回應,話電視佢都唔識開,要等師傅來喎.
收到後同團友說吓井底話,我稱佢做藍博士,佢話今晚有歐聯直播喎,一定要有電視喎,於是上網摷一摷,嗰然0230有皇瑪對馬體會,

等咗好耐,師傅終於到,照我估計部電視未開過封,師傅調較完,CCTV第五台,無走雞就OK.
這晚set定手機響鐘,唉?連老婆都響醒,呱呱嘈,實在太眼睏,無福消受,望吓瞓吓,又有何味道?

就係這樣懵吓懵吓的過了今天LU.

下篇再續.