2026/01/03(六)睡好/神可,新抱返工,早餐麥記,電腦上網,茶沙角大快活,遊樂場,晚飯5人食.

昨晚早早上床備瞓,11點前都瞓,4點,6點半醒醒,就瞓到今早8點零,少有無夜所,賴床0840起床.

早餐無麵包,梳洗好烚水,0950新抱返工,10點零辦埋件事,嫲嫲B蒲頭,齊齊辦妥早上一切,1045落麥記早餐.

麥記遇鄰居X太同印傭,三個早晨全餐112蚊,鄰太送我們兩個菠蘿批,吃過坐夠返歸12點鐘.

回家電腦上網,一上兩點鐘,頸都梗埋,衰豬係咁追住要玩電腦,於是乎讓她玩到夠,原來衰豬劃劃.

劃到1510要催肯才停?停後就搭程車過沙角邨,1540過到沙角大快活,兩個餐加杯熱檸水合共83蚊.

吃過坐夠落地下遊樂場玩,1645落到去,個B以經有韆鞦打,嫲嫲就去買餸,

盪過韆玩過場,嫲嫲買餸返,諗起上次來時,乙明邨個遊樂場,有新設施,大概都完成玩得掛?於是乎過去昅吓?

途經乙明街市,1715佳寶18蚊兩袋橙仔,買後過遊樂場.

1723過到去,好失望,同舊年11月29來時一模樣?依然件件依然包到實一實?衰豬還記得上次個老人設施,於是過玩吓,設施得幾件,衰豬玩到不亦樂乎?1735係時候要走.

離開搭程車返歸,返回屋企樓下1800,老婆上惠康買麵包,我倆球場仔等,之後齊齊返歸.

回家1822,個B老豆已返,買來有沙角魚45蚊,菜20蚊,乙明佳寶橙仔兩袋18蚊,惠康粟米同雞湯31蚊.

夜2115嫲嫲開飯,新抱剛巧返到齊開飯,嫲B新抱我四人食,個B老豆留湯飯餸.

2025/11/29(六)早醒/麻麻,新抱返工,上午電腦,衰B陶瓷班,温書,沙角大快活,乙明遊樂場,個女到,晚飯6人食.

失眠

昨晚12點鐘瞓,0145夢醒醒,再瞓就0515醒,就瞓不返,0530所後就收音機賴床,8點鐘老婆起床,跟個B早餐,我就8點半鐘起床,剛好嫲B出門送B上陶瓷班.

起來搞早餐,0940早餐,0950新抱返工,餐後辦事好失望?事後我又腦寫寫blog,1155嫲嫲陶瓷班接B返,

1230蒸熱埋幾個壽桃包,同啲隔夜湯,三個人食.

温書

吃後個B又叫去遠啲玩?唉!書唔温成日掛住玩,於是乎叫佢温課新教書,識就去遠啲,衰豬喊咁口,CC地拿出來,一讀成7,8個字都唔識?心散温極都唔識,見成兩點幾鐘?於是乎影低課書,邊行邊教.

沙角大快活

成3點鐘出門,過到沙角邨1510,星期六好多人,好彩有位大叔讓枱,三個人食咗67蚊.

360大杏仁

吃過坐夠過360,買原味大杏仁129蚊,個B雪餅12蚊走.

沙角遊樂場

1637落到地下個遊樂場,諗住打韆鞦,見幾條細路霸住玩,都係唔好等?於是提意個B,去乙明較冷門個遊樂場,老婆就留低買餸.

衰豬怕車

對膝唔掂,以為穿過停車場近啲?衰豬老遠見有車行,就怕到不得了,係咁拉我上安全島?嘩!嗰種蠻力?邊似個細路女?

極度失望

1659去到衰豬好失望,唉!樂場番新,換過新款設施?可惜進行中,衰豬極度失望,頭都耷埋,諗起另邊都有,於是乎又同佢過去.

玩得開心

1702過到去,老人設施仲係圍住,但可以玩,又有剛完成新跑道,衰豬啲老人設施都玩餐懵?新跑道又一餐,1709老婆買好菜返,玩到1730都夠皮,就搭程巴士返歸.

個女到

回家1745,乙明買來有西梅兩磅20蚊,菜料60蚊,跟住個仔返,個女亦到,喱輪便秘?1903洗好西梅,久久都食粒.

夜2042開飯,嫲B個女我個4人食,衰豬又要煎蛋加美極?個仔倆留美飯餸.

2025/11/23(日)好瞓/頸痛嚴重,草餅無用,整朝電腦,顯徑遊樂場,去程炒鑊金,晚飯5人食.

昨晚三粒餅11點鐘瞓,夜所頻頻,口乾頸痛,到醒0717,賴床8點半起床.頸痛到不得了?從來未試過咁痛?

8點鐘起來,勉強洗個面,早餐為有揾老婆代搞,0934早餐,個B蒲頭,0950新抱返工,衰豬叫餐懵才肯擦牙洗面,嫲嫲跟B早餐,餐後辦事,三粒草餅無料到.

追寫bkog

事後11點鐘,多天來blog無寫過?就電腦追寫blog,1105老婆買餸返,個B就玩手機.

1140老婆買返,衰豬整日扭去顯徑,都知佢籠嘢?1341老婆開餐,焗住收機食些?我同個B都無興趣,食些算.

衰豬無得去顯徑,C狗一樣的匿房睇手機,1517蒸埋幾個壽桃包,叫佢食,衰豬唔食?到我話食後去顯徑,衰豬才肯食兩個,吃後成3點幾鐘出門.

炒大鑊

港鐵去到顯徑站,乘𨋢落地下,見有𨋢於是急腳去,個女人推住輪椅個婆入𨋢,我們最後趕到,迫啲都還可以,個推輪椅女人,竟然咁講,呀叔搭下輪啦?我一望個輪椅,我好勞氣講推前啲啦,輪椅還有成尺幾位才到𨋢門?

佢推前後成個𨋢鬆動晒,佢被我喝句,條氣唔順,一出𨋢就話我無禮貌,我嘛掉柒佢,自己推車唔睇位,入咗𨋢就4個大字,叫我搭下一𨋢?嘛同佢閙過.

兒童遊樂場

1612來到兒童遊樂場,衰豬急不及待去玩,嫲嫲睇住佢?我睇吓陣都場邊休息.

一玩1700係時候要走,衰豬唔願走?個B叫做聽話,1723離開顯徑.

衰豬嗌口偈喎?係要飲保礦力?顯徑Ok無賣?

足之返回來7仔15.3蚊買,買後返回樓下,老婆街市買餸,我同個B返歸.

回家1746,個仔已在家,1800老婆買餸返,我沖完涼就攤床寫blog.

晚飯

2033開飯,條頸好痛,於是乎摷張脫苦海,貼住來食飯.

去骨火湯

有去骨火葛湯,大家樂义燒同炒菜芯.嫲嫲B我三人食,個仔倆留湯飯餸.

2135新抱返.

2025/10/19(日)睡好/還可,習練手提,茶沙角大快活,遊樂場,晚飯5人食.

睡好

昨日太累回來沖個大熱水涼,10點鐘都瞓,一覺今晨0605醒去所,回來就瞓不返,捱咗陣寫昨日長長的blog.

早餐

一寫8點半鐘起床,如常搞早餐,0931早餐,個B蒲頭,叫爺爺早晨,雖然細聲啲都算你啦.

出來第一時間,就借手機搜尋,畫公仔喎?佢娘響度,我都費事話佢咁多,直至佢呀娘叫,衰豬才洗面擦牙去廁所.

個B早餐

餐後辦事又便秘,佢娘返咗工,衰豬早餐又食剩嘢?話極都係咁?

温習

餐後嫲嫲督B做功課,我就搞搞昨日拼多多買來的花灑座,搞後個位置唔多理想?不過都無得變?

瞌睡

1341量埋中午個血壓,便走去攤床yt瞌吓.

一瞌兩點幾鐘,衰豬已經温完書,見佢明天又返學?唉!就同你去遠啲玩.

沙角大快活

成3點半鐘出門,過到沙角大快活1545.

晏來大把吉枱,三個茶餐84蚊,吃過坐夠1630離開,就附近遊樂場玩.

遊樂場

衰豬來到冇耐,已經有韆鞦盪,嫲嫲就沙角街買餸.

到5點鐘嫲嫲買咗113菜料返,衰豬玩多陣1709都走.

回家

搭程車返到屋企樓下,嫲嫲又街市多買點,我同衰豬先返歸.

回家1740個仔已在家,嫲嫲買咗37蚊菜亦返到.

回家早點沖涼,涼後寫寫blog,夜2012嫲嫲開飯,嫲B我三人食,個仔倆留湯飯餸.

2200新抱返,佢倆開飯,我都上床備瞓.

2200新抱返,佢倆開飯.

2025/05/11(日)睬好/稍好,新抱返工,午yt瞌,茶沙角大快活,遊樂場,買餸返,晚飯5人食,母親節快樂.節

昨晚11點鐘瞓,夜所兩劑,今早7點多鐘醒,賴床8點半起床.

如常辦我早上一切,0950新抱返工,嫲嫲蒲頭1018量血壓,衰豬才蒲頭,嫲嫲安排早餐.

衰豬早餐,我都攤床yt瞌吓,老婆就搞佢中午餐.

3點鐘衰豬做完佢功課,走來叫爺爺去遠啲,見明天返學,於是同佢去遠啲沙角邨.

1520出門,搭程車1540到沙角邨,1545食大快活,3個餐73蚊.

吃過坐夠同衰豬去就近遊樂場玩,1635來到又不唔太多人?衰豬好快已經有韆鞦盪,嫲嫲街市買餸,到嫲嫲買餸回來,盪多陣韆鞦1711都走人.

回程就踱路,經乙明街市14蚊買咗梳香蕉,6蚊薯仔繼續踱回家.

回家1812買來有薯仔6蚊,香蕉14蚊,菜三樣20蚊,雪藏魚柳40蚊.

回來個B老豆已在家,原來衰豬功課未做晒?佢老豆講過未做晒不能去玩,結果企定定閙餐懵.

我都話之你早點沖涼,等開飯.

2037開飯嫲嫲B我三人食.

個仔沖涼新夜返留湯飯餸.

飯後攤床寫blog.

2133新抱返,原來衰豬同嫲嫲,老早做好兩杯手工雪糕,送過佢娘同嫲嫲,母親節快樂.

2025/03/08(六)失眠/還可,新抱返工,午yt瞌,沙角大快活,遊樂場,街市,個女呀偉到,晚飯7人食,修龍頭.

昨晚睡前手機,11點半鐘才瞓,一瞓4點半鐘醒所,回來就瞓不返,歌仔收音機捱,7點鐘叫做瞌著?8點多鐘醒,手機賴9點鐘起床.

起來新抱忙返工,我就洗個面去辦事務,0950新抱返工,個B睇夠手機亦蒲亦頭,我亦繼續搞早餐,1036同個B齊早餐,餐後12點多老婆又話買餸?1228老婆返買咗126蚊餸返.

回來嫲嫲督B做功課,我都係時候攤床yt瞌吓,還未攤落床?衰豬走來叫教功課?話嫲嫲有嘢做喎?教唔到一陣?一年班啲數學又會咁Q深?題目又陰濕?教佢唔掂?彈返過佢呀娘教.

我就話之你攤床yt瞌,3點鐘衰豬大概做完功課,走來叫踩單車,唔去就猛叫要去遠啲?諗吓成日都樓下食大家樂,時間又唔多不如過沙角食大快活.

成3點半鐘才出門,搭程馬鐵過沙角邨,過到去大快活1550.

兩個餐加杯檸水,合共70蚊,衰豬小小辣都唔掂?又食剩我來啃,吃過坐夠1643走人.

離開過隔鄰360行吓,買有原味大杏119元,蜜糖沙律醬19蚊走人,離開去揾上次玩得好開心個遊樂場.

去到1708,一望個打韆鞦壞咗維修?無得玩就玩其他,老婆就去街市買餸,買有雞扒33蚊,同兩條黃花60蚊,回來玩多陣1725都返歸.

離開行到乙明街市1730,佳寶18蚊買兩抽橙仔走人,繼續踱回家,行到曾大屋球場則,啲花開得好靚,又停低影吓相.

影完繼續返歸,回到屋企樓下,老婆又話入街市買餸菜?我同個B先行回家.

回家1813個B老豆在家,我都嗱淋沖涼,其間個女同呀偉到?老婆煲湯煮飯,涼後我都攤床寫blog.

2048老婆開飯,有老火豆煲湯,淥生菜,洋蔥雞扒,嫲嫲個B個女呀偉我5個人食.

個仔沖涼新抱夜返留飯餸.

2122新抱返.我都飽飽辦我睡前一切,其間發現新裝水龍頭漏水,於是乎搞搞佢,搞餐懵才發覺,龍頭牙太長膠布迫佢唔C?後來加個喉箍,才迫得佢緊,搞掂2305,個女呀偉都返歸,我都上床瞓.

2025/02/22(六)睡可,親子旅行,痾水,利東之行,肥佳,夜煮麵食.

昨晚早早上床瞓,瞓咗一陣,11點幾鐘醒咗,就瞓不返,去到成兩點幾鐘才瞓返.

6點半鐘醒,賴床到0828三口子嫲嫲學校親子旅行,錦田鄉村俱樂部,一天遊出發,而我才起床,起來正想梳洗搞早餐,誰知大事有料到?嗱淋走去一痾,又係水一樣的爆出.

搞掂後出來繼續搞早餐,0950早餐.

餐後思考咗輪?出唔出去行吓呢?1055都係至電過N年老友肥佳.

肥佳70年太古船塢同事,講吓相識都55年?有聯絡都係剩番佢?至電說得閒喎?咁就過來同你聚吓.

1120出門,大圍站轉東鐵,金鐘站轉南港島錢,1202到利東站.

到站至電過肥佳,記得N年前曾經上過佢屋,那年2002年日本南韓合辦世界杯,嗰屆無時差,佢家裝有有線電視,講吓又23年前既事.

來到完全陌生,行咗陣等咗陣,見未到,於是走入二期麥當勞度坐等.

1223肥佳到,坐下傾咗陣,個清潔執枱女人走來,好細聲講入來要買嘢食,無鬼睬佢,佢老味吖?久久又係咁講?谷Q氣我話,乜嘢事呀?肥佳就聾既,裝有耳聾機,但就聽唔到?

唉!勢估唔到,麥記都咁做生意?費事同佢爭執.

1311同肥佳過對面一粥麵,去到肥佳係都爭住佢請?唉!是但啦,肥佳食個兩餸飯,飲奶茶39蚊,我就豬肚雞柳粥义燒腸餐46蚊,到餐到,原來係機械人送餐.

吃過聊夠1437離開,一場來到都要周圍望吓,佢同我對腳都係唔掂?於是同佢行吓商場算.

佢話二期無嘢好行喎?咁就同佢行一期,電梯一路行上到頂,係咁易行行,又幾旺吓?人流都算多.

大家對腳都唔掂,都係拜拜.

1452離開落地鐵,有點衝動,想搭一個站,走去黃竹坑行吓?不竟黃竹坑都做過好幾年事?

警察學校,香港仔南區一帶,一直去到赤柱,另邊到摩星嶺,做政府啲物業維修.

1973年7月20日上工,李小龍C當日?一直到1975年1月8日,都兩年既事.

又1995年9月7日至1997年12月7日興建新加坡國際學校又兩年多.

一條友都係唔行,地鐵一路返歸,又好啵?有人讓坐,返到車公廟站1536.

回家1545,以經累得我要C,瞌咗好一回才沖涼.

成7點幾鐘三口子嫲嫲返,話剛才圍方食咗嘢還飽喎?

成8點鐘新抱話煮麵食,諗吓不如我煮先.

2035我都食麵,麵後嗱淋辦我睡前一切,上床埋頭寫blog備瞓.

2025/02/08(六)睡好/神好,新抱返工, 嫲B麥早餐,茶希頓Delifrance,恐龍公園,晚飯5人食.

昨晚腳板有傷口,兼夾超冷凍?無沖涼11點前都瞓,夜所兩劑就今早0815醒,有夢睡來算唔錯,手機賴床0910起床.

新抱忙返工,我就如常梳洗搞早餐,0942又急不及待要去大?新抱返工,事畢嫲嫲B齊蒲頭,嫲嫲量血壓,1039我早餐.

餐後1110我又急不及待要大,而嫲嫲同個B出街早餐.

12點鐘嫲嫲B返,話麥記早餐兩人食咗80.5蚊喎,又惠康買咗兩盒十字鮮奶13蚊,同一盒可可米18蚊返?

回來就打佢啲大杏仁,大杏仁昨晚浸落,果然搣衣搣到白雪雪,溝水打後,啲渣勁鞋又無味,杏仁溝咗水打,打唔幼又淡?都係我咁好,就咁乾打,又幼又香得多.

佢倆個返我都攤床yt瞌吓,一瞌一睇1440,衰豬走來叫下午茶.

衰豬又話要去遠啲,遠啲即係邊度呀?佢又係話沙田,後來話要食Delifrance,見精神好腳唔太痛,就同佢行轉.

樓下搭程車過希頓中心,1515間Delifrance,116蚊要咗兩個餐.

吃過坐過1615離開,衰豬話要去恐龍公園,於是呃Q佢話唔識去?於是佢就左揾右揾?後來帶佢穿過市廣場三期,過到去市廣場,衰豬就話咁快帶到去.

去1636又唔係太多人,玩到1646就走去玩個吊環.

條隊排到長一長,排咗20分鐘1706輪到,排就20分鐘玩就一分鐘.

玩完手機無電,而個B玩多陣1716都走lu.

同樣搭程車走,返回樓下,老婆街市買餸,我同個B先返歸,返回樓下大堂遇4樓個街坊,衰豬又逗咗封利士.

回家1749個B老豆已在家,砌緊佢至愛模型,回來我都嗱淋沖涼,老婆買餸返,買咗91餸料返.

跟住就廚房處理今晚餐飯,我就攤床寫寫今日blog.

2029開飯,嫲B我三個人食,個仔沖涼新抱夜返留飯餸.

2120新抱返,

2024/12/30(一)睡可/可以,手碗痛,新抱返工,個B瞓到11點,整日在家,同B踩roller,茶大家樂,晚飯4人食.

昨晚12點鐘零瞓,夜所兩劑,就瞓到今早0805醒.手幾賴床9點鐘起床.

起來新抱在返工,我就如常搞早餐,1003早餐,餐後電視,衰豬就瞓到11點鐘才蒲頭,早餐就嫲嫲招呼佢.

睇輪電視辦埋件事,我又攤床yt瞌吓,個B餐後嫲嫲督住做作業.

yt到兩點鐘起來,衰豬做妥作業,見佢都乖,於是同佢踩roller,穿好成套裝備,成1435才出門.

衰豬有進步,踩咗十多分鐘,見街坊放狗衰豬又掛住同狗仔玩,人又興奮狗又興奮.

去到1535嫲嫲到,才過大家樂下午茶,三人食個45蚊餐,個肥主任又來撩B,衰豬依然怕羞,肥主任請個B食哈蜜瓜.

吃過坐夠街市買餸,買咗77蚊菜料返歸.

回家1715,個仔已回來,我都嗱淋沖涼,涼後飲我第9劑中補藥,老婆同樣飲劑中藥.

藥後攤床寫blog,拿手機寫blog隻手碗握到痛?焗住用平板鍵盤打,寫到8點多鐘,老婆來叫去煮蕃茄蛋.

2105開飯,個仔嫲嫲個B我四個人食,地方淺窄,我還是裝開食.

2235新抱食埋飯返.

2024/12/26(四)失眠/早醒,新抱返工,整日在家,午yt瞌陣,老婆同女街晚芝士火鍋,個人淥麵食,晚3人食大家樂.

昨晚11點前都瞓,夜所兩劑今晨0415醒就瞓不返,樣樣做齊都係無辦法?賴床9點鐘起床.

起來新抱在返工,如常烚水梳洗搞早餐,今早嚐試不煮麥皮,烚隻蕃薯鮮奶煮,0957早餐.

餐後衰豬還未起床,去到1040才起床,一起床就掛住睇手機,谷鬼氣閙鬼佢,嫲嫲就趕佢梳洗兼去埋個所,跟住安排佢早餐,我都唔鬼理佢,走去辦埋件事攤床yt瞌吓.

 一瞌一睇兩點鐘,衰豬做完功課,又走來要手機,唔比佢,到佢攞到,無我批准又唔敢睇?

兩點多個女來電,約個老母出街食好嘢喎?

1447嫲嫲同個B出門會個姑媽.

3點多鐘肚餓,我淥個麪煎隻蛋1551食算.

1815父女返,原來老豆放工同個B去買禮物,198蚊買咗盒芭比公仔?回來就急不及待就拆來玩.

1940個仔個B我,三人落大家樂開飯,大家樂個仔買餐,我同個B食煲仔飯餐,個仔雲吞雞餐,合共119蚊.

個收銀肥姐又來撩B,又請個B飲包果汁,衰豬依然怕羞鵪鶉,不敢交談,吃過坐夠返歸2055.

回家我都嗱淋沖涼,辦妥睡前一切,早早上床寫blog備瞓.

2145老婆返買有大杏仁119蚊,黑豆兩包13.9蚊,無花果68蚊同威化餅20蚊,同個女去食芝士火鍋喎.

2227輪到新抱返.

2024/12/20(五)失眠/神可,新包返工,個B放假,B扭嫲早餐,午yt瞌陣,曾大屋公園,茶大快活,晚飯5人食.

昨晚出埋篇blog,10點半鐘已經瞓,夜所兩劑4點鐘醒,就瞓不返?歌仔捱收音機捱,到6點多鐘才瞓返,8點鐘醒,賴床0840起床.

起來新抱忙返工,我就急不及辦事,辦妥才洗面搞早餐,衰豬蒲頭佢娘返工,衰豬扭嫲嫲落麥記早餐?要試新嘢喎?嫲嫲無奈同佢落麥記,1006就我早餐.

餐後睇電視,12點鐘嫲嫲同B返,買有惠康冰雞隻59蚊,兩盅龜苓膏45蚊,龜苓膏我同嫲嫲食,話同嫲嫲麥記每人食咗個蜜糖熱香餅早餐喎,合共71.5蚊?回來嫲嫲就督B做功課,我就攤床yt兼瞌吓.

一睇一瞌3點鐘,個B亦做妥功課,見個B放假?就同個B去公園玩吓.膝痛我行唔得遠?就同佢過曾大屋公園玩,行到行人隧道,衰豬走咗去沙田頭村嗰邊?見已經行咗入去?就是但啦?結果兜咗個大圈,行多咗好多路,行得我CC?

過到曾大屋公園遊樂場1540,又騎馬仔又瀡滑梯又打韆鞦,玩到4點幾鐘才走.

過到沙角商場1645,衰豬主動食大快活,兩個下午茶餐56蚊,吃過坐夠1725走人,過隔鄰360看有乜好買?買咗兩盒黑芝麻餅18蚊,雪餅一包15.9蚊走人.

回程乙明邨街市,買有橙仔一抽10蚊,木瓜仔四隻10蚊,繼續回程,返回屋企樓下,老婆街市買餸44蚊返,我同個B先行回家.

回家1830個仔已在家,我都嗱淋沖涼,涼後寫寫blog,老婆處理今晚餐飯.

2031老婆叫開飯,個B我嫲嫲三人食,個仔沖涼新抱夜返留飯餸.

2150新抱返,我都上床寫blog備瞓.

2024/11/08(五)失眠/神差,整日在家,B放12點鐘,球場仔玩,茶大家樂,晚飯5人食.

昨晚blog未寫完11點鐘瞓,兩點鐘醒所,老婆還在手機,回來我又瞓不返,為有手機寫寫blog,寫輪叫做瞓返,到5點鐘醒,之後閉目捱天光,賴床8點半鐘起床.

起來新抱在忙返工,我梳洗好辦大事,喱輪麻麻去襯都係稀粥一樣,唔去賴都有份?

搞掂件事0915搞早餐,0946新抱返工,我亦早餐,今日開始餐前早晚,5粒萊茵衣藻片.

1035老婆落街買餸,1123老婆返買有菜料31蚊,魚露11蚊,牛扒55蚊,兩豬扒70蚊.

回來處理好菜料,1220出門接B放學,1240嫲嫲接B返.

回來嫲嫲烘熱個包,煎隻蛋過佢B食,1319嫲嫲開餐.

睡不好我就去攤床yt瞌吓,一瞌一睇又3點鐘,個B走入來叫同佢踩單車喎?單車好麻煩?太多嘢砸住?後來講掂數打羽毛球.

成3點半鐘落到球場仔,叫做係咁易打陣,就同佢食大家樂.

大家樂我就34餐,老婆31.2餐同個B食.

餐後無須買餸,返歸都成5點鐘,個仔未返,我都嗱淋沖涼,花灑喉穿漏,還好有條後備,即時換上搞掂.

2037老婆開飯同老婆食,個仔沖涼新抱夜返,個B跟佢娘食留飯餸.

2139新抱返,我都上床備瞓.

2024/11/06(三)睡好/多夢,新抱返工,加注XXX股,個B放12點,整拐杖自拍棍,指破血流,茶麥記,週三惠康,晚飯5人食.

昨晚電視11點半鐘瞓,夜所一劑就今晨0645醒,睡好多夢,賴床9點鐘起床.

新抱忙返工,我就先行辦埋件事,才搞早餐,0955早餐.

餐後電視機智女法醫大結局,睇完11點半鐘,望吓個市?嘩!跌成5百幾點?

於是乎現價加注XXX股,搞掂剛好12點鐘收市,收市後今日個B放早,老婆去接B放學.

都諗住yt瞌吓,突然諗起拐杖自拍棍,於是乎揾支舊拐扙試吓,拐杖頭鑽0隆,唉!誰知一不小心,鑽咀鑽落左手指公,當堂肉破血流,大概鑽正血管位?血流如注,大鑊?一時間不知如何止血,於是乎唔理咁多?一於用手直接按實,剛好老婆同B返,老婆嗱淋用紗布幫我紮住,唉!還好止得住.

紮好繼續我拐杖自拍棍,搞掂個拐頭自拍?諗吓拐杖頭重?不如拐杖尾,又杖尾鑽個0隆,搞掂1330,剛好老婆亦開餐.

餐後老婆督B功課,我就攤床yt瞌吓.

一瞌3點鐘,老婆個B來叫下午茶,落到大家樂,衰豬C拉要麥當勞,無奈為有麥記,個B兒童餐33蚊,我就魚柳包餐20蚊,老婆凍啡10蚊.

吃過坐夠週三惠康,買有紫菜13蚊,腰果酥19.9蚊,芝麻丸21蚊,大蛋兩排44蚊,離開老婆落街市,我同個B球場仔等,老婆到買有奶皇包10蚊,薑7蚊同10蚊西芹返歸.

回家1705,個仔已回來,老婆處理今晚餐飯,我就早點沖涼,涼後攤床手機寫blog.

2011開飯5個人食,個仔沖涼新抱夜返留飯餸.