中山順德兩天(2)下,網絡之大遇網友,陳村花卉世界,倫教糕,毋米粥,

2016年9月2日 中山順德兩天(2)下

網絡之大遇網友,陳村花卉世界,倫教糕,毋米粥,福田口岸.

13:00離開黃媽媽私房菜,

50分鐘車程來到所謂景點的陳村花卉世界,

來到這裡,只不過方便一吓,突然有人問句?你係咪金寶湯呀?當堂打咗個突?金寶湯?有點愕然,又會有人認識我?網絡咁大,咁都遇到?朋友好熱情,一 點不覺陌生,好好傾,能夠認出我,應該都係雅虎年代?問佢有無留過言?佢話無喎,咁就要留吓言LU,傾吓blog既事,又講及我健康,真係好多謝佢關心,好開心.

聊咗好幾句,老婆唔聲唔聲係咁同花鬥靚,

看過方便過14:20,離開時眼見遠處,又一偏灰矇矇,似乎大雨又將至?係時候上車走人.

車行大約40分鐘,大雨終於殺到.

15:15分來到下午茶地方倫教糕,雨勢依然大著,

團友排排坐,先來個白糖糕,吃過後等咗好耐,上次來時還其他糕點,唔通今次就係咁多?

稍後原來還未出爐,

還未吃完,團友以經急不及待試食,跟住爭相購買,該團團友特別爽手買嘢.

突然有人質包嘢過來?原來網友,唉!真係唔好意,盛情難卻,為有連聲多謝,金寶湯真係多人鍚,咁有誠意,當然拍張照留念.
其實遇上,能夠叫聲金寶湯,以經好開心.

16:00離開,繼續向堔圳進發,雨就繼續下,

16:50來到虎門橋收費站,團友鬆鬆又繼續回程,

繼續下雨,

18:30進入羅湖區塞車,行車極緩慢,

緩慢下19:00終於來到我們尾餐晚飯,毋米粥.

餐館好大,可能非假日,客就少啲.

毋米粥底一鍋,坐定定.

 料就放埋一邊,

先來些熟食,陳村粉,

煎蛋角

煎焗魚腩

炒豆角,

炸鮮奶

薑炒飯同炸麵.

 

食輪小菜,待應來處理火鍋,料要順次序而下,全程由佢來淥,佢來分配.

首先是蜆,

跟住魚片,

到最後落肉丸同雞肉,

整圍枱個個都食光炸麵,係我倆留到最後,浸粥食,哈!有團友話C蠢,又厚又韌,才知浸粥食,其實與香港炸麵有分別?香港的較薄較脆,佢就同隔夜硬豬仔包一樣.

飽飽後20:07離開毋米粥.

由於距離福田口岸較近,堔圳灣就要下一站,
半小時車程20:34來到福田口岸,就係咁結束我們中山順德兩天之旅.

返歸21:50,買來薑兩包10蚊,羅漢果花一包7蚊.

多謝網友送的花生糖同合桃酥.

中山順德之旅.

中山順德兩天之旅(2)上,逢簡水鄉,黃媽媽

2016年9月2日 中山順德兩天之旅(2)上

昨晚12點幾瞓,一瞓今晨7點45分,老婆拍醒,叫早餐喎,起來梳洗好一切,8點多啲鐘,

就6樓餐廳食我們早餐,還未進餐,導遊以經提醒,11點半鐘黃媽媽呀,

咁就求其食啲,

老婆就話之又整多碟菜同米粉添.

吃過返回房間,執好一切,攤唞到10點多啲鐘,才落大堂等出發,

大約40分車程,便來到今日首個景點,逢簡水鄉,三年前來過,剛好相反進入,

條村越來越富有,又建新屋,

上次來時這裡曾站過拍過張照,

條橋依然,

團友特別喜消費,

一窩蜂試食,

均安蒸豬肉喎,

有錢即係有錢,靚靚排樓,

建橋起屋,一年比一年富裕,

喱度又建,

沿小路一路來到黃媽媽了,

同上次一樣每人先來小杯梅酒,

大鍋天麻大魚頭,

魚頭每人半個,但似乎比三年前細了些少,

三年前來時第一餐,今日食過脆肉鯇同四人抬大魚後,感覺似乎差些?

進餐其間,黃媽媽出來宣傳一吓,莫非生意差咗?

餐後見團友買大量老薑,話3蚊人仔斤,好低喎,問佢何解買咁多,原來個孫快將面世,買定先喎,

同老婆唔執輸,就5蚊份執兩份.

離開團友個個都抽番袋.

篇幅太長,留待下篇.