11月17日(五)重失眠,個B叫早晨,頭昏似轉癒,中午扭紋粉,整日在家,晚飯4人食.

2023/11/17   星期五   晴   20C

昨晚凍凍哋10點鐘以經上床備瞓,一覺0215醒,就瞓不返,夜所兩劑就未瞓過,閉目下捱至今早8點多鐘,手機賴床,0845新抱B返學,已經出到門口,衰豬突然走番轉頭,入來同爺爺嫲嫲講拜拜. 

拜拜後賴床9點鐘起床,成晚無瞓過又唔覺得點?如常烚水搞早餐,10點鐘早餐,老婆才蒲頭.

餐後辦埋件事睇電視,睇完集倚天又1130,老婆處理好餸料,1150出門湊B放學,我就至過華仔吹吹水.

1225嫲嫲同個B返,回來嫲嫲搞佢同個B午餐,1點鐘三人開餐,我同B食扭紋粉.

餐後個B玩陣就嫲嫲篤住做功課,我就攤床瞓吓youtube聽歌,聽輪歌瞌唔極著,3點鐘起來,衰B還在功課,等到成3點半鐘才出得門.

個B係都要踩單車,我都諗住唔去下午茶,就讓佢球場仔踩吓算,老婆就去買餸,衰豬落到去踩咗陣就玩滑梯,玩到嫲嫲買餸返,買有麵包14.5蚊,白蘿蔔8蚊,椰菜7蚊,麵包三隻14蚊,蜆20蚊同瘦肉23蚊,老婆到玩多陣就返歸.

回家1623,買來三隻麵包,個B一隻我兩隻,吃後個仔返跟住新抱返,佢兩返我都早點沖涼,涼後昨夜大失眠,我都入房拉床瞓陣.

8點多鐘醒,才上 龬寫寫blog,2052開飯4人食.

飯後準備睡前一切,10點鐘已經上床待瞓.

7月15日(六)失眠,辛苦,個B英文班,游水500,禾輋同老婆買沐浴露,累得我C,晚飯4人食.

2023/07/15   星期六   晴   33C

昨晚11點鐘瞓,3點鐘所兼關冷氣,之後就瞓不返,歌仔捱天光,都唔知冷氣機壞定天氣太熱?7點鐘一身汗,要起床開門開晒所有窗,手機賴床到0815起床.

起來如常烚水搞早餐,0920餐前量血壓145/81-56,新抱B蒲頭,佢娘番熱魚肉燒賣過B早餐,衰豬堅持要我食粒,問嫲嫲攞筷子,親手夾落我口?餐後1006量多次血壓126/72-62.

餐後辦埋件事,唔夠瞓就坐響梳化瞓過?1045母女石門個B上英文班,我就梳化繼續飬神,新聞話過兩日打風,有大雨?去到1235咪攪,唔游無得游?一於執嘢去游水.

拿了單車1256起步,去到泳池聽到講播,大約話有雷暴,於是踩去門口打聽吓?原來場可以入,但有雷就無得游,都唔理游得幾多得幾多,1309進場.

池面稍熱身,1320下水,瞓唔好太累?游咗200m,要唞唞,再游200m再唞,再游多100m,1402湊夠500m走人.

游完水約咗老婆禾輋買沐浴露 ,1431至電過老婆,在途中喎?過到禾輋1442.

等到1455老婆才到,老婆又唔食嘢,不如美心快餐,3點鐘去到,鬼咁多人,收銀排長龍?鬼咩?得一個收銀?叫做揾到張枱,就我去買餐,原來美心有yuu?老婆在老遠無偈,排餐懵輪到,要個29蚊豬扒包餐,醒唔起要咗杯凍奶茶?

豬扒薄切切又韌,無戴假牙我梅餐C?老婆見我耐?佢獨自去買沐浴露,回來一買成餸車仔沐浴露,買咗150元喎?

餐後行商場一週,本來想買樽果占揸麵包?郤360買咗樽蜜糖沙律醬,游完水我就攰到C?佢話行未夠?佢就拉住車沐浴露向瀝源行去?我就單車返歸.

回家1720個仔已回來,新抱就拖緊地,我都嗱淋沖涼,我實在太累?攰到無辦法上網?睇埋個新聞,我都攤響床飬神.

2055新抱開飯,無胃口求其裝些少食算.