端午節快樂

端午節快樂



食完你至食.

混種狗

睡來尚可,水喉滴水,走轉旺角買龍頭,茶餐廳下午茶,生果不成差暈倒,麥記兒童餐,晚飯三人食.

昨晚出埋篇長長的blog,成12點幾至瞓,一覺今早7點鐘便醒,瞓不返手機賴床,萬無目的上網,0845起來,老婆放假以醒,無你咁好氣,起來梳洗搞早餐食,餐後0916量血壓141/77-52,食過今早藥上網,寫下今早事,辦埋一切事務,0959再量次血壓134/71-56.
以經10點鐘,百無聊賴,不如揾啲嘢搞吓,水喉輕微滴水,都好一段日子,等我來睇吓有無得救
於是摷支羅絲出來一拎,銹蝕到拎不開.無得搞,為有裝堪番算數.

老婆話新抱未起床,起來要用水,為有唔搞住,又摷個舊龍頭試吓,須然用得,不過太舊到時壞賺搞?諗來諗去,終於諗到個慳水夫慳力辦法,就係銅喉間加個龍頭,坐言起行買龍頭兼買配件,要出旺角買.
同老婆巴士站等咗好耐,1233才有車,車平時無乜人搭,今次差不多滿,無位坐為有企,車去到新翠站,上咗對年青夫婦,一大部bb車,兩公婆各抱一個,男的廿零歲度,司機大大聲叫佢揾位坐,唉!邊有位吖?司機叫入去叫人讓啦,佢話你唔坐低,我係唔開車架,危險我孭唔起喎?唉,下層唔係老既便小童,後來有個年紀唔細女仕讓位,跟住才有個中年男讓,個年青老公真係唔客氣抱個仔坐低,唉!若係我就讓個仔單獨坐,咁後生搖搖都好意思坐下,除非個仔唔肯就無偈啫?
車出到佐敦好多人落,終於有位坐,唉!企我後便條大舊佬,佢肯定早上車過我,一直企響落車門位,有位又唔坐,啲人上上落落,係咁閃前閃後,我同老婆講有無搞錯呀,人家唔方便都一個,你閃被咗好幾拾次啦,真係一樣米餋百樣人.
條友閃來閃去,終於閃到出油麻地,我本來山東街下車,結果早咗個站碧街落,條友同時落車,唉!有無搞錯呀?落車後為有同老婆一直行去亞階老街.
附近睇咗輪潔具鋪,結果都係去番上次買龍頭間鋪買,又係買番上次嗰隻龍頭,同樣140元,但銅喉配件就無賣口喎?無問題,普通五金鋪一定有,跟住一路揾到新填地街,一間五金鋪有賣,三义梳結22蚊,買埋個喉塞10蚊走人.
老婆嗌肚餓,就行去間茶餐廳食,老婆要個辣紅薯粉餐32蚊,我就豬扒包餐29蚊,吃過坐夠走人.

跟住行街市,看吓有什麼好買,一路行一路買,行到最多平生果賣的廣東道,兩傍生果檔,一路行一路睇,但睇唔啱,生果一啲都無買,正行出到廣東道,亞階老街口,嘩!突然間暈咗一吓,差點跌落地下,同老婆講聲我暈呀,老婆立即扶住我,然後慢慢行埋一便,扶住條路牌柱,企咗好一陣,見無乜暈,才拍下這張照,成世人未試過暈,究竟乜料?

見暈咗吓,都不敢過馬路對面搭車,立即就近新填地街搭算,望吓個九巴app,嘩?要等成6分鐘才有車,以為要等啦?誰知話咁快有車到,嘥氣!個app都唔準?
車來到旺角道,記得上次2015年1月16日這裡買過套花灑,只不過賣85蚊,當時想買多套,結果無,嘩!現在特價都賣到158元,有無搞錯?

車一路行,後便傳索鼻聲,久久一吓好大聲,起初以為手機聲,原來條友係咁索鼻,大佬有鼻水就呻咗佢啦,問聲老婆後便有無位,有位就嗱淋走去後便坐.
返回樓下街市5點多鐘,街市買點菜,老婆又話肚餓,於是走入麥記坐吓,老婆買個兒童餐18蚊,加杯乳酪1蚊,但撳機撳咗外賣喎?

吃過坐夠行惠康,本來無嘢買,結果買咗三支特價Luxe1K沖涼液60蚊.
回家1820,買來有粟米三支10蚊,干葱兩包5蚊,蒜頭兩條12蚊,紅莧菜6蚊,椰菜3蚊,節瓜4蚊.

香一扎31蚊,LUX沖涼液三支60蚊,龍頭一個140蚊,銅喉配件三义22蚊,喉塞10蚊.

上網寫陣blog,老婆處理好菜料,2022我來煮飯,料有紅莧菜,節瓜,蝦米同隻鹹蛋.

蝦米鹹蛋蒸節瓜,

蒜蓉煮紅莧菜,

2055開飯三個人食,美味.

睡來唔錯,整日在家,樓下大家樂,麥記雪糕,送走兩部舊電腦,晚飯4人食.

昨晚謂咗出埋篇長長的blog,連夜馬都忘記賭,都好慳番幾條草,亦剛好12點前都瞓,一覺今早7點鐘醒,手機賴床近0940才起來.今早似乎好啲,鼻涕同痰都少咗.
天有幾粒雨,搞搞曬晾,洗面搞早餐食,看陣電視新聞0929量血壓146/76-55,食過今早藥辦妥一切事務,1015再量次血壓136/78-57.
早餐其間個妹傳來條短片,話食榴槤後飲奶會C得人?覺得奇怪?於是上網摷摷料,原來係流嘢,有時諗吓咁大動作制條片,最後叫人宣揚出去,唉!咁多疑點,點解唔用吓自己個腦去諗吓?就輕易舉一撳幫人傳遞?

今早手機賴床,以經話過個外甥,又係人比佢?佢比人?其實都唔止佢一個,就係(❤通知,太原12级地震的視頻，不要打開，立即删除)有毒喎.網上摷吓料又係流嘢.
上輪網又11點多,關機唞唞,看輪電視恰陣眼睏,又1點鐘,諗住執嘢去游水,諗吓今日似乎涼咗啲,唉!都係懶唔去,唔去就搞吓部新電腦部,睇吓點擺法好啲?1點半鐘老婆返,老婆例要攤唞陣,我就繼續搞我部腦,到擺好重衰過舊時.
以經3點幾鐘,又未食嘢又要買餸,同老婆落商場食大家樂,老婆就鐵板麵餐28蚊,我就多士餐,都係飲華田23蚊,

冷氣超凍,坐陣都頂佢唔住要走,
離開行行惠康,無嘢好買走人,返落街市諗住買菜,又遇啱個仔放工返,又挑起個老母條根,食雪糕喎?見咁晏都係買定斤紅莧菜4.8蚊先,麥記雪糕三杯三個人食,個仔比錢.

吃後個仔返歸,我同老婆就邨外圍行陣坐吓,然後街市多買5蚊韮王返歸,回到後樓梯,見娥姐在處理佢啲環保嘢,便交帶吓佢,得閒上來執埋我兩部舊電腦啦.
回家6點鐘,拿下兩部舊電腦,娥姐以經到,於是比過佢,還有些廢紙,娥姐走後,老婆處理今晚餐菜料,我就youtube聽吓歌仔.
老婆處理好菜料,1936我來煮飯,料有老婆自發芽菜,紅莧菜,韮王,粟米蓉,魚柳同兩隻雞蛋.

粟米魚柳,

芽菜韮王煎蛋,

淥紅莧菜,

2034開飯,4個人食1夜返留飯餸.

睡來唔錯有夢,垃圾whatsapp,游水600m,美心下午茶遇怪客,晚飯4人食.

昨晚11點多都瞓,夜所一劑瞓到今早7點多,睡來唔錯有點夢,又右腳小腿抽根,可能昨日轉鴨撩街行過勞?夢就真係日所思夜有所夢,平時常用舌去頂副假牙,好驚有日會爛.
手機賴床到8點多啲鐘,見陽光入屋,都不敢多賴床,難得有太陽嗱淋起床,處理吓曬晾,梳洗後搞早餐食,餐後0911量血壓142/81-53,辦妥一切事務0949再量次血壓132/70-55.
看輪電視到10點多,見新聞無提及電腦病毒,相信病毒減弱卦?都諗住上網,咁啱呀蕭send咗兩條片過來,於是下載睇吓,又上youtube摷摷料,一摷掉...又係N年啲舊聞,其實都唔止喱兩條,出聲話佢知,唔聽就傷感情,谷鬼氣,send埋條link過佢睇,N年舊聞呀.
跟住至電過華仔,呻吓啲垃圾whatsapp嘢,訊息嘢唔係人家比你就比過人,都要睇過值唔值得同人分享吖,吹輪水又12點幾鐘,都係關電腦執嘢去游水.
過到泳池1325,更衣搞掂一切,上池行舞雷公遠副池,稍熱身1335下水,埋頭游佢600m,1408夠數走人,更衣室搞掂一切,至電老婆食美心,更衣室望陣手機便過美心會老婆,去到老婆以經到咗,我就食個沙嗲牛肉脆豬餐飲華田27蚊,本來不紐飲開奶茶,由於最近見報紙話,奶茶會前列腺癌喎?為咗健康都係要轉,老婆就飛碟餐飲咖啡23蚊,

在吃其間有條麻甩佬捧住個餐行到篤,其實整排枱都係單丁一個人坐,但條友徧徧行到篤篤,問條伯父前面個位,坐唔坐得,條伯父其實響踱緊馬仔,條伯父話得,條友又刻意再問,得唔得?條伯父都係答得,哈?條友就望住其他客,話咁都唔坐得喎?條友一路行番出去,,笑笑口唔坐得喎?之後左右隔隣啲客都話,人家都話得咯,真係唔明條友,聽錯吖定特登屈條伯父.

離開美心買餸,還是三超一街市,巡過百佳落街市,離開街市行759.759無折係咁易行個圈都走,跟住佳寶,諗住買多春魚,誰之16蚊磅賣到18蚊,唔制轉買兩份魚柳18蚊走人,就門口坐陣,諗起無粟米,又走回入去11.9買兩罐粟蓉走人,返回百佳買8片麥方包9.2蚊走人.

老婆愛踱路就城河踱回家,還未到城河,行人隧道遇見老馬,話做運動喎,傾咗幾句就各行各路,同老婆沿城河行,行夠坐坐回家,返回樓下街市3.5蚊買兩隻節瓜,5蚊買斤生菜返歸.

回家1825,個仔以放工回來,老婆就處理今晚餐菜,我就電腦寫下我今日事.
成2040才來煮飯,料有生菜,魚柳,粟米,梅菜同節瓜.

梅菜蒸節瓜,

粟米魚柳,

腐乳灼生菜,

又成2130才來開飯,4個人食1夜返留飯餸.

走轉鴨撩街無斬獲。

昨日無無聊同老婆出深水埗行吓，但要食點嘢，於是乎搭多個站營盤街落，貪佢無咁旺，人少啲舒服啲，兩公婆去咗間老店食竹昇麵，老婆就魚片頭麵29蚊，我傳統麵雲吞麵同樣29蚊，麵前整幾粒醃酸蘿蔔。

吃後就行轉鴨撩街，好想買個义電器來代替買電蕊，但义好電蕊又唔知合唔合我部血壓機用？

行完整條鴨撩街，發覺义電器有兩種，有傳統火牛式,有USB制插式，USB平得多7,8拾蚊有交易，但標明义8小時，傳統隻百幾二佰元以上，諗落都無謂冒險，還是10蚊買三排普通電蕊走人。

離開鴨撩街沿南昌街上，途經二蚊店又行吓，老婆2蚊買對鞋墊，再行去到好彩酒樓，星期二燒豬特價，諗住買番啲燒肉下欄來炒吓餸？結果係無晒，得番啲燒豬手燒豬腳，賣到25蚊份，諗落都係唔化算，剛巧落又巴士到，都費事諗返歸。

回家樓下都差不多6點鐘，走入街市3蚊買扎紅莧菜，然後麥記13.5蚊買兩杯雪糕嘆吓，

坐輪手機輪返歸。

回家1840，夜得我倆老食，我就炒埋碗冷飯，老婆就淥個即食麵，淥紅莧菜兩個人食。

睡來可以,貓貓節,整朝上網,下午茶大家樂,母女街街食火鍋,晚飯三人食.

昨晚感冒藥一匙咳藥水.12點鐘瞓,2點鐘去個所,就瞓到今晨6點多醒,手機賴床,到8點鐘起來,鼻水無咗喉嚨還有些少痕,大至上無乜事,如常早餐,0835量血壓144/78-54,又高?食過今早藥辦埋個大事,0954再量121/65-58咁都好啲.
每日事上網,自從換咗部新電腦運作到今日,尚算可以,最唔明換咗部腦後,個blog自動播youtube同歌仔都唔得,以為googlo chrome唔得啫,裝咗firefox又係一樣,搞咗成朝,原來youtube內有教,搞掂後又1點多鐘老婆返.
母親節whatsapp祝賀片傳來傳去,見有條片無聲,我又來玩吓嘢,配隻歌仔搞吓氣氛,

兩點多鐘個女上來,原來約咗個老母街街,咁就先落大家樂食點嘢,三個餐盛惠78蚊,

吃過老婆同個女街街,我就坐響商場,同華仔煲電話粥.4點鐘遇啱個仔放工入來揾食,我就繼續同華仔吹水,收線後返歸,食回到樓下遇著娥姐,問佢舊電腦要唔要,佢話要喎.
咁就番歸睇吓個hard disk能否拆得出來,回家襯個仔響度,嗰然醒目,唔駛鎚唔駛批,拆咗出來,咁樣比過娥姐,都比得安心.
夜1921煮飯,料有昨夜雞,南瓜,椰菜,雞蛋兩隻鴨蛋隻同雞汁.

南瓜蒸水蛋,蝦醬炒椰菜,隔夜鹹雞.

2019開飯,3個人食1夜返留飯餸

飯後果長啤梨.

夜個女whatsapp傳來,同個老母食火鍋喎.

鼻塞鼻水兼有痰,整朝大昏迷,冒雨走轉禾輋,晚飯5人食.

昨晚襯個女上來食飯,就解決咗幾個電腦問題,裝咗fairfox,解決咗個xecel如何運作,由於鼻水長流,喉嚨痕痕唔多妥,連個女買的雪糕都唔敢食,臨瞓前飲匙咳藥水,啪粒感冒藥,12點鐘都瞓.

一覺今晨6點鐘醒,鼻塞塞兼鼻水瞓不返,手機賴床,成8點幾鐘才起來.老婆放假以醒,天陰無太陽,感冒藥似乎有點效,鼻水少咗,喉嚨都無咁痕,
洗面搞早餐先食,0848量血壓145/78-52,食今早藥,見好啲又啪粒感冒藥.同整匙咳藥水.辦埋個大事0942再量次血壓136/73-55,老婆放假,刮刮啲鬍鬚.
食咗藥超眼瞓,攤響梳矇矓係咁瞓,到1點鐘馬開跑,刨兩刨馬仔,都係唔識賭,老婆又話整個梳0隆膠樽,學人浸芽菜?膠樽底超厚,為有出電鑽,搞掂不如換埋條門簾棍,搞掂成兩點鐘,唔賭馬不如出街.
落到街下雨,而且唔細?老婆話不如自己商場食大家樂,唉!都係過禾輋行吓.搭程車過到禾輋,選擇食美心快餐,老婆雞髀芝士撻餐29蚊,實在太肚餓,我就整個細义飯燒賣餐,同様29蚊,

吃過坐夠行商場,行經投注站超多人,個個上年紀,女人都唔少,更有担埋櫈仔,坐響投注站門口來賭,圍埋一起踱馬仔.
還是以往一樣,行夠禾輋過瀝源,街市買10蚊魚胶,便搭程車返歸.回家樓下街市買條茄子4蚊,兩蚊韮菜返歸.
回家都6點鐘,個仔以回來,又搞佢啲模型,我實在太累,要攤落床瞓,一瞓成8點鐘,個女上來才煮飯,料有魚胶.鹹冰雞一隻,韮菜,西芹同茄子.

半小時雞熟

蒸鹹雞,煎釀茄子,魚鬆炒茜芹.

2150開飯,5個人食1夜返留飯餸.

陽光保利酒店+台山星泉温泉酒店三天(3) 完結篇

陽光保利酒店+台山星泉温泉酒店三天(3)

2017年5月4日  星期四

晨早5點幾已經醒,賴到6點零起來,執妥行理,距離早餐還有時間,就落泳池行吓影吓相.

原來有些池有係没有開放.

影輪相見團友外出返,原來市集好近,本來喱個上午還未決定?再浸温泉吖?定係出街行好呢?見市集近,就決定早餐後行市集濕平.
0810人齊食早餐,早餐都幾多款,有炒粉麵,菜,饅頭,雞蛋,白粥重有水餃,

用餐其間個天黑晒,嗰然落起大雨,餐後邉度都不用去,行唔得浸唔得.

返回房間老婆無聊就玩手機,泳池就有人冒雨游水,我就見咁大雨,就睇吓揾啲膠袋笠住下個喼都好啲,無刀無剪,於是拿抽鎖出來,當剪刀用,唉!喼太大膠袋細,整極唔掂放棄.

1110終於夠鐘出發,執整行理落大堂,上車坐定定,突然導遊陳菁菁行來,問我房間有抽鎖匙?我都唔諗立即上房間睇吓,嗰然係我抽鎖匙,嘩!一額汗,於是我大聲問,誰執505房架?原來成層得佢一個女工應我,於是走過去,見銀包只有港幣,我就醒廿皮過佢,佢灑手拎頭話唔駛啦,我都係比過佢,真係好多謝佢,若果佢睇漏眼,我抽鎖匙就係咁先,旅行以來第一次遺留嘢.

執番抽鎖匙就開始出發,1140來到這間橋美樓海鮮餐廳,落車以有人担大遮來接,

菜色依然豐富,有成10個菜咁多,從未食過喱種長咀螺,諗住邊有肉吖?食落又可以啵?

飽飽後又出發,1248來到台山市中心,商業步行,雨須然還有,但已經細好多.

又係一小時自由活動,原位置落原位置上車喎,閒日兼下雨,水靜河飛,度度都嗌著咪,最後三小時,最後三小時,係執笠呀.
老婆担著遮,我就持手機,係咁拍,太多古老屋我拍.

一小時完畢,1350又出發LU,1555來到虎門服務站,團友鬆鬆又繼續回程.
途中藍博士大派柑橘片,車頭派到車尾,1657來到堔圳灣口岸,大部份團友拜拜.
1722來到福強路,陽光保利酒店台山星泉温泉酒店三天就完滿結束LU.