睡來可以,老婆放假,直播巴賽皇瑪,中越六天網誌回歸,老婆搞衛生,行轉禾輋食美心,腳痛返歸,晚飯4人食.

昨晚10點多呀輝越南whatsapp到,又覆吓佢越南事,摷吓7年前越南旅行事,原來舊blog有,電腦內日記就一片空白?一摷不覺成12點半鐘,才去瞓去,一覺近6點鐘便醒,瞓不返為有塞耳歌仔瞓,到7點半鐘醒,手機賴床8點半鐘起來.

老婆放假在瞓,洗面空肚木耳漿上住網食,寫下今早事,就把當年越南旅遊時日記,搬回電腦.
正埋頭copy時whatsapp響,多得個侄提示99台有波直播,原來巴賽對皇瑪在美國開波,到開電視以經下半場,就咁一面早餐一面波,巴賽3比2贏皇瑪.
餐後0959量血壓133/73-57,昨晚南瓜效應,急不及待要大,事後整理一輪藥盒,才食我今早藥,老婆才自覺起床食佢早餐.
搬完中越六天之旅入電腦又12點鐘,老婆就發揮佢放假本色,攪衛生清潔神台,換椅套同拖埋撻地,一搞兩點幾鐘,要出外行吓.
出咗門口,老婆又話忘記帶手機,要返轉頭攞喎?我話攞乜鬼吖?打機我借手機過你好無?至才行人.大熱天時都係搭程車過禾輋,一來無咁多人,老婆又話想食意樂,在巴士站等車,簡直熱到噴火,一等1454才有車.
過到禾輋去到意樂,超多人在門口等?以幾3點幾鐘,等乜鬼吖?不如食美心,美心緊緊有位,老婆就芝士撻餐,我就碎蛋包餐,合共51蚊.

吃過比埋個手機過老婆遊戲,坐到4點鐘行商場商,惠康買咗包三文魚頭12.9蚊,三文魚骨9.9蚊.
離開惠康行咗一陣,大鑊隻左膝突然痛到唔行得,趌跛跛的去柜員機打薄,跟住行759,超抵價7折喎?行個圈嘥氣,無嘢買走人,見腳痛都係唔過瀝源,行轉吉豬搭車返歸.
回家商場走入麥記食杯雪糕坐坐,

坐夠街市買8隻蕃茄6.4蚊同白豆4蚊返歸.

回家6點鐘,個仔放工回來,砌緊佢啲模型,我就開機上我網,
處理魚頭須時,7點多啲鐘以經開工,料有蕃茄六隻,白豆食半,三文魚頭半隻,雞蛋兩隻.

炆三文魚頭,

蕃茄蛋

腐乳白豆,

2053開飯4個人食1夜返留飯餸.

乜都拗,睡來尚可,整朝上網,熱到懶出街,樓下大家樂,木耳漿,,晚飯5人食.

昨晚早早關機,11點零都瞓,一覺0540醒,老婆在返工.瞓不返耳塞歌仔瞓,矇矓到7點鐘,手機賴床,8點鐘起來,梳洗搞我早餐,上住網食,個仔蒲頭無番工?

餐後0930量血壓134/75-56,個仔買早餐回來兩公婆食,我辦妥一切事務,出埋篇心臟歷程,妥上輪網又一個上午,關機看電視.
1點多老婆返,例攤陣,兩點多外出行吓,還未行出巴士站,老婆打退堂鼓,太陽太猛天氣太熱,唔去喎,咁就食又商場食大家樂,星期六特別多人,難得才找到半張枱,兩位盛惠55蚊,

吃過坐夠行轉惠康,買有旺旺15蚊,甘筍6蚊,商場齋鹵味20蚊.

無餸啱買返歸,回家又搞我的救命藥,木耳.

搞掂打好入樽,放雪柜慢慢食,7點多煮飯,料有椰菜半個,南瓜,蜆干,丁香魚同孖潤腸.



油鹽炒椰菜,

潤腸蒸南瓜

蒸蜆干丁香魚干

外賣齋鹵味,

8點半鐘開飯,5個人食1夜返留飯餸.

我的心臟病歷程(1)通波仔

心臟病歷程

09/02/1994
農曆年廿九早上,照例火車紅磡站,理工擴建五期地盤開工,在紅磡站步行至理工地盤,途中心口突然劇痛.當返到地盤寫字樓,坐下就慢慢不覺痛,與同事談及,會否是心臟病?
由於明天放農曆年假,要巡視地盤及分配工作,當上樓梯時或行得過急,心口總是拿住痛,同事勸我去看醫生.
搞掂工作,中午火車過大圍看醫生,從大圍落車,行去田心村間醫務所,越行越痛，痛得好利害,登記後坐下,又覺得無咁痛,無事一樣?醫生檢查過後,話我無事,我話好似心臟病喎?
醫生建議照心電圖,見公司有醫療錢,就照辦,做後又話無事,重話我這年紀非常好,簡直樣板,見咁講法安心之極,開心回家.

10/02/1994
翌日農曆年初一,例行大佬及家姐處拜年,在家姐處打麻雀,心口覺得陣陣拿住痛,當大牌時更覺痛,回家後夜瞓覺,間中都有陣陣痛.

11/02/1994
翌日年初二往青衣表姐處拜年,途中還是有時陣陣痛,心想醫生話無事,又做過心電圖,應該無事卦?後來忍不住,途中跑段樓梯試吓?看能否打通個痛楚?跑完髀樓梯,嘩!痛得我踎低攬住痛.同老婆商量,拜完個年橫掂得閒,不如去威爾斯睇急症.
急症室登記後,心諗田心村醫生話無事,好有信心在等睇醫生,閒來還在急症病房,幫啲輪椅人仕拉布簾.
輪到我看醫生,是位女醫生,她一路檢查一路問?先前醫生看病情況,後來她大罵點睇病架?跟住話要留醫,咁就正準備行啦,醫生立即叫住唔好郁坐輪椅.
咁就推咗上10/F病房,再推入心切治療部,當時有位男醫生同我講,不要怕吊緊這些藥水連頭髮絲幼血管也可以通過,那時我才知發生什麼事.
在心切治療部不可落床,不可大動作,連大便都不可以用力,順其自然喎?什麼事情都在床上解決.當晚護士對我說,如心口痛要出聲.
就當晚睡到半夜,痛到我迷迷懵懵,護士在電視螢幕發覺,立即前來給我舌底丸,還說一粒不夠,再多粒叫我咬碎,而另護士嗱淋拉部心電圖機來,同我做紀錄,後來才慢慢無咁痛,護士問點解痛都唔出聲,我都不知道?痛得我迷迷懵懵.
這晚若不是來急診,又不是護士發覺,相信係咁先?
在院其間首要做心導管檢查,無麻醉,在大比隙大動脈開個吼仔,插條導管內窺鏡,找尋心臟血管收窄的位置,全程要配合醫生指示,呼吸同閉氣.
到過一兩天後,正式做通波仔手術,醫生話這個手術成功率得七成喎.

17/02/1994
通波完成,年初八出院回家休息,放假至1994年3月5日.
住院期 6天每天54元       合共324元
手術儀器費                             8870元
收回公司醫療保險        8000元     實付1194元

28/03/1994
覆診,返回威爾斯醫院,再做心導管檢查,檢查手術完畢後,醫生話血管又窄番,即係通波仔失敗,翌日29號出院回家休息.住院期1天54元

01/04/1994
病假完畢繼續返工,但每天吃中午飯,要行條斜路,一天比一天,心口緊緊的,呼吸不暢順,不知是否心理作用?過咗幾日,醫生間中來電問下情況,又話要回院檢查.
再過幾天,醫生來電,說我要再做手術,在窄血管位置加個彈弓,當時有點怕,問可否不做,他說你還年青,最好做這個手術,這是新手術.面世不久喎?唉!我也層在明珠台見過.

15/04/1994
入院做血管加彈弓手術,同心導管檢查一樣,無麻醉,在大動脈插入喉管,沿血管而上,動手術的醫生,不停同另位醫生對話,一路去到大家認同窄位置,便放下管狀彈弓,全程我就望著電視螢幕配合做.

最記得當時個醫生,像屠豬一樣,圍上一塊白色膠圍裙,在準備手術前同護士大談旅遊經,忘記講澳洲定係講埃及?到正式手術時,個醫生突然大叫,好彩閃得快,唔係一身都係,大概大動脈開吼時,噴泉一樣的血射出卦?
跟住聽從醫生指示,呼吸同閉氣,又話若頂不住出聲喎?我就望兩個電視螢幕,像人參一樣的血管,在螢幕內不停的抽搐,chok吓chok吓,過程都不算太辛苦.
最辛苦係事後趟在床上,郁不得其正,大動脈傷口無得縫針,靠自己埋口,離開手術室,用個手攪夾子,連床一起夾住傷口上些少,不能大鬆不能緊,血要流通,最記得個護士來同我鬆開個夾子,突然一陣熱流,灑下我的大髀處,護士就叫住,未得未得住,又重新夾番好?
直至夠時間,個夾子才鬆走,還要小心翼翼的趟著,微微可伸展吓,若觸碰到就血流成河,還記當日病房內有人維修,換假天花板,我話大佬喱度不能做住,塵埃飛揚呀.

20號出院回家休息.以後每半年覆診一次,取葯長期食喎.

住院6天每天54元合共  324元
手術儀器費共                23,920元
合共                                27,160元

醫療費全部自付.

相當好瞓,鼻無事,搞搞手作,石仔嶺探戰友遇老細,晚飯4人食.

昨晚新聞未完11點半鐘以經瞓,一覺0420醒,去個所又瞓返,就咁瞓到今早0720醒,又好啵,鼻一點事都無,手機賴床到8點鐘起來.鼻無事小小鼻水啦?不用點呻,轉季以來最好一次.

起來洗面搞早餐上住網食.
餐後0856量血壓132/70-53,食過今早藥,辦妥一切事務才9點多鐘,坐埋一邊餋餋神,星期六乜都無?揾啲乜做好呢?諗起以前留下啲廢物,不如卦響床頭,放下手機雜物都好,兩口羅絲搞掂,幾好.

搞掂才10點半鐘,11點多鐘新抱出門番工,才知個仔重瞓緊覺?原來放假大昏迷,無你咁好氣,等陣1點鐘我都去游水.
12點50分正想執嘢去游水,訊息響,原來老馬找去我,問有無時間去探戰友喎?好,過年至家下都未探過佢?叫兩點鐘沙田站頭兩卡等喎?

未及兩點鐘我以經到咗頭兩卡,老馬即老馬約襯都係例遲,訊息到話要遲啲喎?好,去到兩半鐘才出現.
星期六特別人多,上車無位坐,頭兩卡都算人少,一直企到上水站,來到小巴站天橋,老馬例燒口煙,

天氣好熱行落小巴站,火爐一樣呼吸都有點困難?等咗過一輛車便輪到,話之你上車照撳分段制,然後坐下,傾吓講吓就便到石仔嶺老人區,行到戰友住嗰座以經3點半鐘.
門前種有幾棵蔗,

入內會戰友,戰友輪椅以坐響大廳,成班院友在看排球直播,戰友好精神,說話好大聲,企陣問候幾句,都時間無多,係出去車場就出,唔出就入房傾,後來熱就熱啲,出車場聊.

老馬推戰友出停車場,

老馬好有心,買咗個蛋糕同三罐汽水,平時多數買燒味?老馬話熱喎?



切好蛋糕正在開餐,突然有輛車泊得鬼咁貼過來?心諗有無搞錯?咁多地方唔泊?重泊得咁貼?突然司機放低窗玻璃,掉?原來係老細,特登整蠱,老細時常有來探,但碰正真係難過中六合彩.

咁就一起食蛋糕,汔水得三罐,為有我去機撳罐,坐陣傾陣老細話車埋我們走,我話有事你走先啦,我哋來咗一陣咋?老細話都無乜事,等埋啦喎?
坐多陣都4點鐘,原來老人院4點零以經開飯,唔走都唔得,為有同戰友Say goodbye.
老細車我們上水站就拜拜.

火車途中同老馬傾不停,一傾不覺返到沙田,各自返歸.
回家都5點鐘,繼續直播排球,中國輸咗LU.
1922煮飯,料有隔夜湯,腐竹,娃菜,南瓜,雞汁,魚蛋同雞蛋



魚蛋腐竹泡雞湯

麵豉蒸南瓜,

雞汁蒸水蛋

2034開飯,話之你唔食.

飯後果蘋果共梨共.

從化東方夏灣拿温泉酒店+石碣維也納酒店自助餐三天團 (回程)

從化東方夏灣拿温泉酒店+石碣維也納酒店自助餐三天團(回程)

2017年7月12日    星期三

昨晚食完個食自助晚餐,邊度都無去,晨早洗過白白,8點40分以經上床待瞓,半夜1點多鐘醒醒,電視直播女網,睇咗陣又瞓返,就係咁瞓到今晨近6點鐘醒,賴床近7點鐘,老婆追著叫落餐廳食早餐?話早點食中午餐食好過啲喎?

7點鐘落到3樓,奇怪?烏燈黑火嘅?可能未開卦?為有落地下大堂搞清楚,聶堂遇見團友,話7點半才開始喎?咁就大堂坐陣等.

坐到7點半鐘返回三樓,又係烏燈黑火?見有個呀伯,於是問句?唉!原來餐廳四樓,呀伯好禮貌同我們按埋聶,真係烏籠.
上多層4樓,早餐以經開始咗,兩公婆就開始揾食,牙有點痛的我?為有主攻軟性食物,由其皮蛋瘦肉粥,食多兩碗,其他的都係手機食多.

以下全手機食,我無乜點食過,

飽飽後同團友吹,佢又話去邊處來?佢又邊處?而導遊肥仔話去過江邊來,見話江邊?又幾好啵,問佢行法行多久?廿零分鐘喎?真係好想行吓,睇吓條江都好.

吹輪水返回房間休息,辦過一切事務,還有大把時間,

咁多時間,出唔出江邊行吓好呢?老婆想去唔去之間,望吓出便咁既太陽?唉!行轉回來我諗幾辛苦吓?都係咪搞,留響冷氣房hea好過.

一hae11點鬆啲鐘,執整行理11點半鐘落大堂,放妥行理交過房咭,返回四樓開餐,點心任食.

一向小食的我,好快便收工,

咁既時刻肥仔導遊經過,梗係叫佢幫手拍番張相留念啦.

飽餐點心任食後,突然想起好似少咗樣嘢咁?大獲忘記咗個環保袋無攞,?嗱淋知會肥仔導游,經職員對講機下,同老婆返回房間,拿回我們個袋嘢,袋就無乜重要嘢,係兩支水同支神棍風扇咁.
返回大堂攞齊行理上車,1300準時出發.

18分鐘車程來到行程最後一景點,高步鎮,唯美陶瓷博物館.

唯美陶瓷似層來過?老婆硬係無記性,後來才醒起,兩年前舉家跟美食之旅,美林湖+東莞凱利酒三天,團費900多元,形式上一樣,係酒店景點唔同,分錢分貨,美林湖,凱景靚得多,凱景有泳池.
博物館形式嘢,無乜興趣,,係咁易行行算,

來到這裡,哈!你又識唔識佢?老婆話乜水喎?

與明星拍過照後,來到這裡夠經典卦?有意識可惜掉轉咗?

拍完個經典後又繼續回程,同團友吹水,得知堔圳灣返沙田有著數,又同老婆一試.
旅遊車1538到深圳灣口岸.
第一次經深圳灣,幸好團友熱情,又教又帶路,37分鐘時間以經過晒兩關,嗰然快得多,關與關比福田口岸近得多,又免行水圍至福田口岸一段路,以經著數好多,.
B2P搭一個站.16分鐘便到天水圍西鐵站.再紅磡轉東鐵,大圍再轉馬鐵返到歸1725.
全程用咗1小時49分,摷返紀錄時間,同落馬州差不多.車費成人慳1蚊,長者就慳10.8蚊.




從化東方夏灣拿温泉酒店+石碣維也納酒店三天,順利遊畢,499hea三日係超值.
買來手信有黑豆,杞子,花生同枝竹.