韶關 帽子峰 麗宮國際温泉酒店三天(3)

2017年11月23日 

韶關 帽子峰 麗宮國際温泉酒店第三天  回程

昨晚浸完温泉回來,洗好白白早早11點零都瞓,一瞓5點零醒,又體育台,又歐冠杯今回巴賽對祖記,5點幾鐘都尾聲,結果0比0收場,之後一直賴床,賴吓又瞓返,

一瞓就8點半鐘,嗱淋拍醒老婆,落餐廳食早餐.

落到餐廳0858,相當清靜,無昨朝咁墟撼情況,今早舒服痺,同老婆慢慢享受個寧靜早餐.

餐後就餐廳後便行吓,酒店真係好大,左右兩條橋,一條去温泉區,另條去中餐部大樓.

時間無多,老婆又話要回房間要爆喎,咁就你去爆,順手拿埋行理下來,我就出正門望吓,平時房間望到正,今回襯身下來行吓,九曲橋都好靚,.
老婆搞掂放好行理,都來感受吓,好彩還有點時間,拍輪照又起程.

本應10點鐘集合出發,誰知導遊遲來,導至有些房咭交過另團匯景導遊,搞到房咭交收亂咗,到搞掂1020才出發.

1150來到這裡英德市,仙橋風景區吃午飯,

飯菜還是麻麻,手機食多過我,

飯後對開遠睇一洋船,又埋去睇吓,原來內裡係貨柜屋,係個收費景區,

睇吓價目表,全票75,長者40.

都諗住走人,來到這裡,有條欄但有個缺口,咁即係點呀?於是入內行吓,

越行越遠,來到八仙像正面條橋,

八仙像對正喱個景正啦呱.

拍過照我都走LU.
離開1245,原來我是最尾一對.
1309來到最後景點,積慶里茶園.

拍輪相品輪茶,38買咗包1斤裝腐竹走人.

1405離開,1553這裡放低啲.

回程咁啱隔離團友,又係睇威龍blog,就係咁大講威龍事件,又分享吓手機功能,一講口不停,
而導遊又派意書,唉!我話我無意見,你派過第二位過啦,心諗要我寫你C梗.

傾吓講吓好快,1815來到深圳灣口岸,就結束我倆帽子峰,麗宮國際温泉酒店三天之旅.
今次依樣葫蘆,堔圳灣走.

1855來到天水圍站.

來到紅磡站1931,諗住轉車會有位坐卦?誰知三隻腳都不及人家快?瞬間無位LU,又會有個操國語年青人讓坐,一坐便到大圍站,臨出車門,我輕拍拍年青人,謝謝你,哈,哈,太突然,他來不及反應.
人間温情,去時大陸人讓坐,回時又大陸人讓坐.

返歸2000,買來唯一物品腐竹,人仔38蚊.

睡來尚可,出條片,換件衫,買消炎藥,食麥當當,大圍買餸,麥雪糕,晚二人食毛薯.

昨晚生日切蛋糕,個女送件羽絨背心過我,可惜老婆試衫時係男裝,到揀件比錢時錢,女裝都唔知?到回來我一試,咁Q細件.無偈,為有明天攞去換,昨晚食過蛋糕本應好早吓,我又唔生性,走去搞相片,一搞成兩點才去瞓.
夜瞓起初瞓唔著,好彩耐性點,夜所兩劑瞓到今早0815醒,收音機賴陣0835起來.梳洗後番熱木耳漿食.上陣網搞早餐,餐後1013量血壓162/80-53右手148/77-57又高?無偈,量完個血壓就整番條生日片,整其間老婆又話要電腦,唉!比過你玩.
搞掂條片12點多鐘,係時候過城市廣場uniqlo換衫,過到去又話我們張係薟咭單據,查唔到喎,後來話換咗比你先,我哋慢慢對喎.
搞掂後諗住過顯徑,睇吓有無用開消炎藥賣,去到出乎哋有喎?一盒10排,散賣10排,成盒90蚊,就買一盒,問佢好似早前無貨,佢話有番無耐喎?



早前介紹過樓上個陳太買,都唔係咪放流料,話無得賣,又話間廠唔出喎?
離開去食麥當當,

者長咭買,兩個正價單包31.1蚊,送熱飲,老婆咖啡我奶茶.

吃過坐過手機過,老婆話要買洗衣液,咁又搭程巴士過大圍,大圍街市掃輪貨,又走進麥記食雪糕歇腳.

,老婆買埋洗衣液回來,便齊齊火車返歸.
回家1426買來有老薑,紅蘿蔔,沙葛三樣10蚊,毛薯夾紹菜10蚊,洗衣液43蚊,鮮奶9蚊,切蛋器10蚊,蒜泥器同兩支膠水11蚊.

回來老婆又電腦遊戲,我就看電視,無聊1839量血壓140/80-57右手137/78-53,有夜馬又望吓,越來越唔識賭,睇過兩場馬,老婆唔搞我來搞,

壓力煲壓佢12分鐘,都稔到爆.2035開餐食得.

韶關 帽子峰 麗宮國際温泉酒店三天(2) 帽子峰

2017年11月22日

韶關 帽子峰 麗宮國際温泉酒店三天(2)

昨晚温泉實在太凍,稍為離水,以經頂不住,迫於無耐2115都走,返回房間,梳洗好一切都瞓,又咳又痰下瞓到兩點鐘醒,剛啱歐冠杯,貝廸斯對波圖,半睡半醒睇至完場,一比一打和,極度眼瞓下,睇來又何味道?之後瞓到6點鐘醒,出露台昅吓乜景況?黑嘛嘛,

返床稍賴,拍醒老婆梳洗早餐.

0727來到地下西餐廳,場面墟撼,咁大間西餐廳,竟然座無虛設,張張枱似食完,又未食完之勢,以為無人,一問全是有人的,巡視一週,竟然無張吉,正失望間,突然有人走,咁才有位坐吓,坐下都不願攞嘢食,實在太多人,處處揾食要排隊,老婆你去揾食,我霸位.

求其食些,都返回房間準備集合.

0930集合,0847落到大堂,見有排排坐按摩椅,問聲導遊,唉!又係微信支付?看來鈔票都變磚頭.

0930集合,總有人遲到.
1145終於來我們食中午地方,南雄市永康酒樓,又要我更上層,菜色一般,好多個菜我都懶得去影,求其食過我都離枱.

買嘢係女人天性,還在二樓,賣的以經堆滿人,我都襯襯熱閙,埋去迫吓,望吓啲本地白果,細細粒,只見賣的不停哋秤,望吓頂頭價錢牌,嘩?唔係嘛?十五蚊斤?唉!睇喱度啲嘢,無我交易,大佬白果香港賣,有殼的10蚊斤,剝殼剩肉只不過16蚊斤,重係大間海味鋪賣.
落到樓下街鋪重墟撼,小小行人路擠滿團友,有乜辦法,幾團人堆埋一間酒樓開飯.

團友係咁鑽係咁買,我就企埋一邊吹水,團友滿載上車,1240開車出發,
1345來到我該團主打,帽子峰旅遊區.

喱回好啲,路程唔多,就有大會專車搭,時間不限任搭,門票50蚊,景區車票20蚊,團費已包,有點唔明長者半票,為何我全票?

遊覽時間有限,1600歸隊集合,行動遲緩的我,事宜遲1354上車出發.

途中銀杏樹初現,

左彎右彎10分車程來到這裡又有市集

肚餓煲仔飯有賣

嘩?犀利,剛才食飯酒樓賣15蚊一斤,喱度10蚊有三斤,單睇價格距離,不消費有著數.

市集賣臘味多,有竹鼠,黃猄肉都有,



離開市集5分路程.便來到今日重點旅遊區黃金大道.

行動遲緩的我,上到來所餘時間,只得1小時40分鐘遊覽,時間有限,睇錶食飯,







帽子峰嗰然不凡,有如此景色,我都收貨.

若果不是晨早有雨,相信更加靚







時間有限,行到這裡,整條大道還多少?我都要返轉頭LU.

返回這裡更靚,









1510終於要離開黃金大道,
要行回市集才有車前去小芳坪,又行又遊又拍照,所聞所見又有多少?

5分鐘車程來到小芳坪,







但好快又到1541,係時候要候車返回集合點.

好順利下1550返回大會車站.

返回售票處,團友又有得購物,

集合時間1600,但離開時要1624.

兩個半小時車程,終於返回酒店,

我同老婆無大包更無細包,直接過餐飲樓開飯.

菜色始終一般,還是來時第一餐較好.

吃過飯,返回房間,稍休又來温泉過LU.
8點40分來到接待處,攞過儲物柜匙,又有小食券,見時間不多,都係無謂要.

入夜身子緊要,都係室內浸好啲,室內揀個較熱的池浸,唉!最熱都不外如是,其他啲不敢恭維.

浸夠又同老婆去桑拿,乾濕蒸焗間間焗齊.

焗桑拿又返回較熱池浸過,以為坐響梯級享受吓,誰知個女人,真唔知假唔知?啲水射到老遠,嗰支射水按摩柱,好勁好猛,佢身體貼到埋埋,搞到射出水花老遠都有,有我坐響遠遠梯級,都一面都係,遠如柱上毛巾架都被佢濺到,大佬呀撞時撞,都要顧及人家卦?谷鬼氣啤住佢,佢還以為我要佢個位?又唔話得佢,無得坐為有企遠些.
咁啱有個女團友,來搭我們訕,傾起來大家有同感,話佢射足半粒鐘,身體都頂得蒲,又講起佢剛啱比個伯父團友窒,好聲好氣問聲?明早何時出發啫,卻比條伯父話佢懵盛盛,一肚氣喎?唉!我又何妨唔遇過吖,今日香港幾時都要小心啲,以前四海之內佳兄弟,現在?識既就係朋友,唔識既就係敵人,所以三唔識七,咪主動出聲,賺一面屁.
本來打算浸到10點鐘走,誰一傾成10幾鐘才走.

差點忘記昨晚浸時發生件事,真係大陸無奇不有?有個女人竟然穿條內褲浸温泉,透視到同無有可分別?唉!老押押,核突到C.

返回房間2240,嗱淋洗白白都瞓.

下篇再續.