晨早又醒,瞓得麻麻,走轉快活谷輸30,食麥記,叮叮to中環,行海濱長廊,渡輪車返,晚兩人煎魚頭炒麵食.

昨晚寫趕好篇blog,最後都係無出,11點幾鐘都瞓,食粥關係,夜所頻頻,瞓到5點多又醒,鼻水噴嚏影響下又瞓不返,噴嚏下賴床,頂佢唔順6點鐘為有起床,
梳洗後上網,諗住寫吓blog,誰知一打開個相薄,嘩!咁多相?真係唔識寫唔識配?已經0715唉!不如就做埋條短片算.
一做0920完成,老婆早已起床,食緊佢即食麵,遲早肥C你?我才搞我早餐.餐後0948量血壓154/81-52,老婆就用咗部電腦LU.
早前收到馬會4月29日即今日,冠軍賽馬日入場券,不過指定係快活谷雙邊投注?網上投注還送你一把遮,還有九龍塘有免費接去,記然咁樣,不如順道遊吓港島.

以經10點半鐘,係時候出發.過到九龍塘站,馬會寫有D出口乘車,N年無來過九龍塘站,跟指示牌係咁行,九龍塘站大到無論?行咗好耐才找到D出口.
蒲上路面剛好11點鐘,一望嘩!條人龍長到不得了,同老婆都不用諗,一定係馬會條龍,叫老婆排住先,我就出去昅昅情況?迅即回來條龍已經加倍長,長到屈回D出口.

香港人算守秩序,打尖爭拗未見有,後面碰撞就發生單,嘈到差點郁手?
排咗45分終於輪到上車,而剛才同老婆講過,嗰個綠衫女人頭岳岳,一定係想打尖?結果成功同我們同部車.
過到快活谷馬場1208,N年無來過快活谷,童年時住灣仔,逢賽馬日必到,細時玩耍,大時賭馬,都唔知經歷幾多個年代,快活谷故事真係多籮籮.
進場後找個靚位坐下,踱吓馬仔之際,有人問我隔鄰有無人坐,我都愕然?咁多吉位唔坐?翩翩坐來這個卡0隆位?我話無人,兩公婆坐咗落來塔塔含?唉!週身唔自在,為有示意老婆走過另處位.
第一場跑完,就踱第二場,整10蚊位置Q,10蚊孖寶12搭12.
結果頭關大熱門輸埋,過來都係至在遊吓,20蚊任務完成我們都走.



離開馬場1338,行去跑馬地電車終站,這裡好多回憶,1966年在奕陰街有個地盤,有過段長期工作,66年有過場雨災,沖到滿街什物,傢俬雪柜一街都係,賽馬當年分上下午,放中午居民門口好多賣飯,襯機賺番筆,工作期間時不時偷雞,入場賭馬不在話.
來到老婆話肚餓?跑馬地有乜快餐店真係唔知?對腳又願行,突然諗起手機高先生,一問之下?跑馬地係無快餐店,獨係有間麥當奴,就係隔兩條街,科技進步你話幾咁方便?
麥當奴兩個餐48蚊,吃過手機望吓賽事,他媽的,剛才所買口孖寶,尾關爆冷我中咗,吹漲.

吃過坐夠走人,以經1515去邊處好呢,不如就叮叮上中環,行吓個新建做中環海濱長廊.
叮叮開車一陣,便到天主教墳場,這裡故事又多,當年林黛下葬,我都有前來襯熱閙,目見目林黛契女馮寶寶灑下坭土落棺材.門口對聯當年極流行?今日吾錶歸當鋪,他朝金筆也相同,現時當鋪都少有LU.
1542來到金鐘站下車,一於朝著海邊向前行,唉!入到大廈唔識行,都係蒲番出來行人天橋前行,出到來一望,賓賓世界鋪滿橋.

1556終於出到來海邊,公園好大好靚,好多人,風和日曬,同老婆海邊吹吹風,拍拍照.





係咁行,係咁影相,又玩吓相,就係咁行吓企吓,向天星小輪行去,

來到4號碼頭,又係賓賓世界,載歌載舞嘉年華一樣.繼續來到天星碼頭,剛啱有機農墟都收LU.

小輪過到尖沙咀又係熱閙,擺賣,唱歌,籌旅費,度度都有,一直熱閙到我要搭巴士站地方,剛好有車到,就係咁結束我今日行程.途中訊息到個仔兩個今晚不吃飯喎,

回家1811,C狗一樣累到不堪,1930煮食,昨日料有生菜,即食麵,三文魚頭,韮菜同瘦肉.
灼淥生菜,瘦肉韮菜炒公仔麵,香煎三文魚頭.
2010開餐同老婆兩個人食,

江西龍虎山+三百山温泉酒店四天(2)龍虎山上午,遊竹筏,懸棺表演.

江西龍虎山+三百山温泉酒店4天(2)

上午 竹筏  懸棺表演

昨晚23:00才到步,取了房號9367上到三樓,同老婆拖住個喼,係咁行係咁揾房間?行咗好耐都未找到,夜麻麻人影都無隻,兜來兜去迷宮一樣,咪話唔心寒?行到尾尾才找到我們房間.

入到去重係複式房間,睇到樓下望不到樓上,嗱淋沖涼,乜都唔敢諗就瞓.

半夜三點鐘急醒,戰戰兢兢的落樓下去所,完所後都不敢思索,速速擒返上去瞓,唉!好衰唔衰瞓不返?電視早早關咗又唔識得開番?又唔想拍醒老婆,就係咁尾閉眼等天光,7點鐘老婆手機響才醒.

7點半鐘早餐,嗱淋梳洗,執齊行理離開,出到走廊,才發覺山莊真係好大?依然人影無隻?可想而知昨晚深夜如何環境?好可能全層得我兩公婆住都似?

拖住個喼係咁行,係咁兜,終於來到唯一部升降機,落到餐廳,見有班白衫白褲團體在早餐,起初還以為國內旅行團來,穿著睡袍來早餐,後來才知道係太極團體,早操完早餐.

落到另邊餐廳07:27,見到其他枱團友以在用餐,獨係我圍人影都無個?後來開了枱,埋了位,其他團友才陸續到,早餐還是一般,白粥,雞蛋,饅頭,蕃薯之類.

餐後08:02山莊外圍行吓,又幾靚吓,往上行個圈,見有幾個太極成員,大概耍完太極收操卦?

8點多鐘返回停車場,08:30準時出發,地陪小芳亦蒲頭講解.

10分鐘車程來到這裡廣場,地陪導遊買門票,等候其間又拍吓照,拍輪照買妥票,來到正門入口處.0913派票進場.

進場後排隊坐環保車,有旅遊車同火車兩種.

環保車分好幾個站,我們一直搭到尾站,09:46來到尾站,大鑊落雨添?重係大大粒,來時好好天有太陽,就係咁連傘都無帶.
落車後無遮無蓋,嗱淋走去擺賣攤檔度避雨,



山區地方時晴時雨,企陣又無雨.其間見升空氣球大兜生意?又竟然有人幫襯?相信內地遊客多?越升越高,工作猛問夠高未?誰知觀眾齊聲大叫,高啲,高啲?越叫越大聲,氣球一次比一次高,氣球只有垂直升降,係無得飃離.



睇輪人家玩氣球,諗吓時晴時雨,等陣坐竹筏?無得避嘛大鑊?唉!都係無為慳?團友買5蚊兩件,開價4蚊一件,好彩我都成功講價5蚊兩件.
買後已經10:06分,導遊同地陪才到?話導遊証件入閘有問題?又要地陪返回救駕喎?才遲到現在喎?
進場後便來到竹筏灘,1015就開始我們竹筏之旅.
10:16落到竹筏,船家便問要不要講解?先前導遊講過,講解要收錢,見講的是虛構嘢,而且普通話唔多懂?都係無幫襯,不知是否無幫襯?感覺竹筏特別快?
途中小販售賣糉仔,拾蚊一抽,一抽拾隻,團友買咗抽,當然黐來拍拍照,團友還送我們兩隻,糉子確的骰,靚靚手工,同食的糉無分別.



處處山壁處處穴,穴內有板枋,大概承托棺木用卦?





觀吓舟望吓山,大約半小時竹筏完畢,10:46拍岸就此結束LU.
由於國內旅團太多,上車落筏整團人都分散晒,又要灘頭等候.等候其間老婆撐上小山上觀看?我就無能為力,為下便等候.
11:00導遊地陪到,嗱淋揮手示意老婆下來,又繼續前行,行不到兩步,就係著名景點,大地之母喎?繼續前行,兩旁擺賣,有蚊怕草兩蚊棵,手織草扇不二價,大小10蚊.

大約廿分鐘路程來到渡頭,話乘艇過對岸,看懸棺表演喎?人太多,大陸客永遠都係打尖,幾艱辛苦下才排到落攤頭上船.
渡河其間見有水上活動,水上電單車及其他水上遊戲.三分鐘船便到對岸,地陪話升棺後還未落棺好走啦,等到散場人多混亂就難走喎?
趌跛跛的我當然不行遠,就在碼頭附近,找個好位置坐下觀賞.他媽的?坐下不久,竟然走來幾條內地客,煙不離手的吞雲吐霧?真係契弟走得麽,另覓地方企來觀看.

隔岸觀賞實在太遠?肉眼望過去,有乜移動真係唔多覺?感覺不睇也吧,來到即管又睇吓,唉!太遠音樂聲太細,表演開始咗都唔知?圖片回來放大才覺啲料,嘥氣.

棺未落我同老婆都走,可惜你精人唔呆,啲人老早霸定碼頭離開位,睇升棺排頭位,你走佢未走,就係咁塞住晒,混亂非常,結果同老婆要分開走.
返回對岸等咗好幾拾分鐘,團友才能人齊報到,才去食我們中午飯,途中來到這個廁所,聽到團友講,廁所牌有中文,有英文,有韓文,獨係無日文.望吓又係啵?
回想當年2006年張家界,鳯凰古城內擺賣亦有個牌,寫著謝絕日本人,意思都一樣.



幾步腳便來到我們食中午地方,旺旺酒家,唉!景點內用餐,打崩頭一樣,混亂非常,連椅都唔夠?膠櫈下,團友坐坐吓,人仰馬翻,好彩無事,

由於篇幅過長,又要下篇再續

江西龍虎山+三百山温泉酒店四天(1)福田口岸~龍虎山.

2018年4月20日參加咗以下個旅行團.

旅行團集合時間當日早上07:30,晨早07:13已到達福田口岸外,橙旗105報到,導遊姓高,姓不符實,矮哥一名,但笑容可嘉,報到後有問必答,整團43人喎?成團緊此一團喎?

07:50還差三人,導遊聯絡過後,無法再等,一於出發,以往一樣整團人來到水圍福強路上車.

08:05來到,旅遊巴亦剛啱到,而未到三位有一位趕到,咁就整團41人出發.

車到老婆放好行理上車,車還未開動先慶爆?由於我們頭兩位報名,坐號係3與4,老婆上到車一找原來係車頭兩個位,

心諗以經擇駛?原來此車較特別,3與4係車頭位置?老婆一睇有兩個背嚢,大聲同我講有人架?話口未完有條老野來拿走兩個背嚢,跟住多多說話,話車頭位無理由賣?老婆話張單係寫住喱兩個位喎?之後條老野一輪咀講,喱兩個位點危險,又話保險唔保,係咁講點兇險?又話乜又話七?心諗擇駛?未出發先慶爆,我都好客氣,話咁多嘢講?

講完後,嘩!我慶都未及佢慶?佢話謂我好咋?我話坐位編定咗,係咪叫我唔去吖?跟住佢啲friend幫晒口?還倒轉話我多嘢講?又話驚就唔好去啦.
唉!簡直蠻不講理,後來導遊上來勸架,我話大佬還未出發,講埋啲咁不吉利說話,你話慶唔慶?其實大家成年人,有誰不知車頭點危險吖?不過編排好無偈?大佬說話避忌啲啦?個位本來都考慮吓?正所謂好既唔靈醜既靈,我而家才知驚呀?唉!大佬你幫我後便揾過另個位,佢話好.

心諗全部都係旅遊霸主,一上車知頭知路,吉位重邊會有剩吖?希望啲旅專家能讓番個吉位出來啦?一問才知條老野係個10人的大party?怪不得咁霸道?

車一路行,後便10人party,不停傾偈,一定距離一定聲響,糟到不得了,真係好煩.

10:02來到泰美服務區,團友鬆鬆,老婆都肚餓.6蚊買條粟米食,又幾靚?

10:57來到河源,這間新坤新食中午飯,

都來過多次,我同老婆編排3號枱,10人一桌,

有14個人大party其中4個,其如兩對夫婦,菜式都係咁上下.

吃過坐過,團友走晒去間土產購物,導遊就帶來好消息,話以勸喻位霸主讓出坐位,我話係至好喎?免得又嘈交?佢即時上車拿走個吉位背囊,說39同40坐位,無問題喎?

無問題下13:31來到定南服務區,團友鬆鬆.

望下地圖還有好遠才到龍虎山,

16:20來到會昌服務區,才發覺車頭真係無得坐,太長途腳係伸唔值,唔走係點捱到尾呀?



17:00來到瑞金,導遊話原定晚飯間餐廳準備唔到喎?公司按排另一間喎?可能太早來到趕不及卦?

旅遊巴揾咗好耐,17:12終於來到這間叫体驗館海鮮城食我們晚飯,

來到感覺同其他餐廳不一樣?還未下車,門口已經有待應出來歡迎,入到去有條好豪好靚濶樓梯,扶手有條好粗壯柚木扶手,好有氣派,一路招呼到上二樓,二樓一枱一間廂房,嘩!好豪華好靚,有幅靚靚壁畫,難得咁靚團友個個都拍照留念.
菜式唔錯,還有樽羅漢果茶,起初還以為凍酸梅湯之類?差點淥爆咀?

經理不停介紹佢啲菜式,由其係條魚,我再問條乜魚?佢猛話野生魚?咁豪華食乜都靚啦?

吃過坐過wifi過,廁所後無水,待應親自帶落地下廁所洗手,其實輕輕講聲都知道,係都十足招呼,離開更在門口歡送?喱餐真係意外收獲.
20:55來到南豐服務區,

急不及待要所,還遇到一車大陸團,大跳廣場舞,音樂大到呯呯響.

23:00終於來到我們入住地方,龍虎山莊.未來到時,經過好多街道,好靜人影都無個,房屋有點古舊,街燈微弱喑黃,街鋪全部關晒門?樓上間中幾伙燈光,像似C城一樣?有點恐怖感?來到正下著雨,而且唔細?



地陪小芳以經在迎接,

由於我們係頭10位,入住升級房間,第一個以經取了房間367號房,樓高三層,上到去係咁揾房號,山莊之大?左兜右兜,行咗好耐,人影都無個?山莊又舊式,咪話唔驚?行到尾尾才找到,這時才有點後悔,升乜鬼級呢?團友又無個住隔鄰?
入到房間,複式房腳不靈的我,更後悔要咗間複式房?上落為有靠老婆?樓上樓下各一部電視,

來到正直播亞洲女子足球,中國對泰國.

結果三比一中國勝.

以經11點幾鐘,一晚咁多,都無謂去想?沖個涼肚有點餓,食埋兩隻麵包,乜都唔諗上床就瞓.

龍虎山+三百山温泉4天,首天行程就此結束,下篇再續.