端午節,睡來好,個仔倆放假,三口子街,同老婆食大家樂,老婆過沙角,晚飯4人食.

昨晚馬無賭,覺照瞓,個B搞住未能上網,9點多為有上床聽跑馬,聽完馬矇矓都瞓,0308醒去所,回來例牌瞓不返,還好耐性點瞓返,一瞓0630醒,瞓就係咁多?收音機賴床,0800我都起床.

老婆未起床,都知新抱今日放假,起來狀態唔錯,端午節早餐食糉應應節,

烚糉烚條蕃薯,0904與虎共享.

10點零新抱與B蒲頭,個B擦牙仔,還是嫲嫲捉住擦,佢娘餵早餐,飽飽後就通屋回應丸,四維走.
房間細細一屋放假,老婆電腦,我就縮入房手機,間偈瞌吓眼睏,1133量血壓119/69-52,個B就不停穿梭搞搞震.

12點多放假個仔瞓醒,等陣三口子街街喎?
去到1330示意老婆,不如我倆出街囉?1347同老婆出門,樓下食大家樂,同老婆兩份食個蒸肉餅飯35蚊,碗飯爬鬆大大碗,食得我飽飽.

食過坐夠1445離開,老婆又話要過沙角邨買嘢,咁你去到夠,我返歸.
同老婆返回樓下,遠遠見個仔三口子在樓下才出發,去馬鞍山喎?老婆沙角同路,一同火車,我樓下花槽坐陣,至電華仔吹吓水,吹完水摷吓褲袋,忘記帶鎖匙?為至電個老婆,就樓下踏車運動等.
1546老婆返,同往街市買菜,買有勝瓜兩條11.5蚊,蕃茄6個6.4蚊返歸.

回家1604早點沖涼,上網及睇電視,直到1910三口子返,輪到佢哋忙,忙個B沖涼食飯仔,
2010又我來煮餸,料有勝瓜,蕃茄,芝士,鹹蛋同些小隔夜义燒,
2049開飯有鹹蛋粉絲滾勝瓜,芝士义燒蕃茄,4個人食.

端午節

是日早餐 雙糉一蕃薯 同老婆共享 端午節快樂 身體安康

睡來還可,游水500m,乙明麵包,個B玩神奇?個仔夜返,晚飯4人食.

昨晚早食早出blog,游水攰攰哋,10點零都瞓,一覺0409醒去所,去完個所又失眠?又歌仔塞耳捱,矇矓下到0630醒,收音機賴床,0700個仔返工,返工後起來關冷氣,想話返床再賴過,誰知手機無電,索性起床洗面,灌下大杯水上網.
上陣網0803老婆蒲頭,我都要搞早餐,老婆簡單咖啡+麵包,我就豆奶麥皮+沙律醬包,老婆都食番半個包,

辦過事務1000個B蒲頭,佢娘教擦牙,嫲嫲餵早餐,佢娘備返工,個B在玩夠指著拖鞋要著著,一於唔睬佢,後來佢娘抱佢出來,還好出來黐佢呀娘.1110佢娘返工,嫲嫲電腦,我就BB纒身,湊餐C.
1215嫲嫲煮飯個B,我才來上上網,1300個B開飯,我都係時執嘢去游水.
1315出門口,過到泳池1338,更衣室搞掂一切,池面熱身,超好太陽,1400下水,陽光下埋頭游佢500m,1427夠數,起水走人.
更衣室呀王以開工,又無戴口罩?沖完個涼換妥衫之際,呀王走來問我手機截圖,於是教佢拉下頂行頁面,按截圖制即可,又教佢如何傳送,教輪後我又忠告兩句,戴口罩啦,

離開泳池1505,過乙明看有什麼好買?過到佳寶無乜好買,雞髀賣到22蚊三隻?番查吓紀錄?早幾日老婆自己街市買,只不過14蚊三隻,重大隻過佢,唔通自己紀錄錯?又至電個老婆問吓,又無錯,唉!佳寶越來越貴,無嘢啱買,不如買個榴槤食吓,14.8蚊磅,諗住秤個細細哋同老婆兩人食,誰知秤個成100鬆啲蚊?太大個囉?不過聽佢敲出聲音,真係好靚,唔要立即有人要咗,後來揾個79.3蚊,唉!再推就不好意思,我話得唔得信你咋?個榴槤開少許算,付了錢就買件豆腐,然後孖喜買4個麵包12蚊返歸.

回家1610放下買來的,再沖個涼,倒杯豆奶,同老婆食麵包,個B食蕃薯,食兩食又玩嘢,搣到一room都係蕃薯碎,兩老食完麵包食榴槤,可惜個榴槤有點生,近幹位有些生蕃薯,下次買一定自己揀?兩公婆結果食晒.
搞掂後我上網,老婆續個B工作,B沖涼拖地,老婆搞掂晒5點多去沖涼,沖涼前個B在room,叫我睇住佢,我見個B在room安全,就走去處啲豆腐,突然見個B行來廚房門,連拖鞋都穿得整齊?嘩!唔係嗎?響room度自己走出來?出去裝吓度room門仔?被食飯枱頂住,無可能開得?究竟怎樣擒出來?條欄咁高跌落地會痛痛?究竟點出來?谷鬼氣掟佢回room,喊到呱呱嘈,又睇吓你點樣擒出來?可惜歷史無重演?
1900嫲嫲餵B食飯,又我來煮餸,料有豆腐,豬扒同四季豆.
2000餸煮妥,有煎豬扒,炒四季豆同煎豆腐,個仔才到返,同老婆開飯食住等,一留飯餸.

慣性失眠,蕃薯早餐,游水500m,乙明買餸,下午茶麵包,晚飯4人食.

昨日真誇張個B成日未瞓過?到2200嫲嫲整支奶過佢,才隊隊吓瞓著,個B瞓咗我都上床備瞓,11點多才瞓著.一覺0320去所,慣性失眠到,歌仔塞耳係咁捱,不知何時才瞓返?0625陽光入屋醒,稍賴起床做嘢,舉起張床墊褥放窗曬.搞掂梳洗灌下大杯水上網,0710個仔返工.
上輪網0805叫賴床老婆起床,我就辦事務,老婆梳洗家務洗晾摺疊,烚下蕃薯,0830蕃薯搞掂,好靚,老婆咖啡蕃薯做早餐,我就蕃薯豆奶特飲,煎蛋包上網食.

0918個B蒲頭,佢娘同佢擦牙仔,擦牙依然扭,要嫲嫲攬住來擦,擦後嫲嫲餵早餐,上輪網無聊,又煲吓劇,還是嗰套長安十二時辰.
1010佢娘返工,個B在room有度好,見我埋頭電腦忙,佢就無來煩我,1042個B掹住嫲嫲叫著著,我一於咋唔知?到1100老婆要電腦,唉!又你用到夠.
唔上網就量血壓,140/70-50,每朝頭次硬係高?個B見我稍得閒?又指住對拖鞋叫著著?響room咁耐?又抱你出來走吓,1158再量次133/70-47.
睇B到1215嫲嫲要煮飯過B食,我又來上上網,1300個B開飯,我就執嘢去游水,搞掂1315出門.
過到泳池1336,更衣室換衫,同早更員工講起呀王?原來呀王有開工,就響隔鄰更衣室喎,哈!怪不得未見過佢?原來兩個更衣室都有開放,於是過隔離換衫.
換妥衫池面熱身,超猛太陽,泳客唔多游緊的大約20人,猛太陽好彩有件T恤,1400下水,埋頭捱夠500m1430起水走人.更衣室呀王開工,好耐無見,足足半年無見,明顯老咗?無戴口罩.
沖完涼同佢吹幾句水,點解唔戴口罩呀?以老賣老,判C無大害?佢話焗喎?唉!保重自己等如保重家人,無謂累街坊呀?佢都認同,須然生死有命,但做番本份,C而無憾嗎.

離開泳池1500,過乙明街市買餸,支付寶掃一掃,今回得兩粒神?買有雞蛋一排20蚊,泰國熟蝦26.1蚊,然後孖喜買6隻麵包18蚊走人,再返回自己街市買斤芥蘭苗7蚊,洋葱一個3蚊返歸.

回家1630,放下買來的,嗱淋沖涼,然後倒杯豆奶食麵包.個B見我食佢又食,又搣啲過佢食,食完又指住對拖鞋叫著著,一於咋唔明?無睬佢,開機上網寫寫blog,嫲嫲又聞到有屎味,又同佢早點沖涼.個B沖好涼1735佢老豆返.
夜7點多啲鐘,飯煮妥,嫲嫲餵B食飯,又我來煮餸,料有熟蝦,芥蘭苗,雞蛋同义燒.
2005開飯有番灼蝦,炒芥蘭,义燒炒蛋,三個人食一留飯餸.

2045佢娘返.