4月27日(四)睡可有夢,打大杏仁,整蒜蓉,老友茶敍,單車失事傷手臂,通街好人,晚餐兩人食.

2023/04/27   星期四   晴  24C 

昨晚馬跑完11點鐘瞓,0240去個所就今晨0636醒去所,算正常番一晚?睡來有夢,夢見揾工,要倒貼一個月工資,才有份工?醒後手機賴床.一賴9點鐘起床.

起來新抱B已返學,老婆早已起床,已烚妥水,在等個女電話街街喎?我就如常搞早餐,0935老婆出門赴個女,我亦早餐.

餐後辧埋件事睇電視,還睇未埋集如懿傳,1100陳成來電,話威哥叫飲茶,又話至電老馬無人接喎?老馬條友邊有咁早起身吖?不如等我試打吓啦?響咗兩次終於響醒,咁就約咗12點半鐘富豪花園,新光宴會廳喎.

見12點半鐘,還有時間,大杏仁碎食晒,不如打番啲?

打完不如整埋啲蒜蓉,蒸個蒜頭,去衣剁碎,牛油整熱搞勻搞掂.

搞掂剛好12點鐘,係時過富豪花園同啲友茶敍,落到車場1209,正準備單車出發,好衰唔衰忘記戴副假牙?想話唔攞算?唉!都係返轉頭攞.

攞妥後就急速踩車前去,唉!去到河畔花園,佢娘親吖?單車徑隧道修路?搞到我單車落樓梯?去到以經富豪花園1239.

富豪花園商場未來過?酒樓在那呀?揾餐懵問人才找到,上到二樓酒樓1240,三條友已經到齊,原來威哥就在隔鄰地盤開工,所以來到這裡飲茶,還有兩個工友食中午,不過我到他們都走,要回去開工喎?幾條一傾粒多鐘,還是威哥爭住找數.

1421離開,陳成跟威哥車走,老馬過對面巴士走,我就單車走.

單車踩過咗王屋公園,過條馬路就係麗豪酒店,單車過咗半條,正上安全島,誰知紅燈兼有對夫婦在前,自己又係衰,懶醒不落車,結果跌下來,單車瞓落地,而左手就挨擦落條欄度,須然有件風褸隔住,但感覺塊皮擦開,今鋪肯定大鑊?前面對夫婦,個女人係大肚的,佢一見到我跌低,就過來幫我扶起部單車,還同我執回條鎖車鐵鍊,轉燈後我都嗱淋推部單車過對面,求其推部車埋欄河一邊,嗱淋拉高衫䄂睇?嘩!大鑊?啲血係咁滲出?嗱淋袋裡拿嚿廁紙出來,用手暗住,部單車放得不好就跌,個大肚女人幫我扶番正,猛問我用不用去醫院?連忘話不用不用,唔該唔該?

跟住麗豪咖啡店有個職員走出來,比我咗叠餐巾我,又走回咖啡店拿些冰粒出來,叫我敷住,又叫埋去室外枱椅坐,又走去拿膠布同消毒水來,問我用不用噴,會好拿喎?唉!都係唔噴,膠布就用不著,傷口實太大,最好有繩比我紥住,在想辦法期間,位人兄離開後,我就諗起有個口罩,嗱淋拿個出來紥,唉!單手又點紥呢?咁啱對開有個女人行過,我就叫呀姐可否幫幫忙,呀姐毫不猶疑過來幫我,幫我紥好,紥好我都走,呀姐反方向過到安全𡷊,都還轉頭望吓我,我都示意ok唔該,又會多好人,好多謝這幾位好人.

離開小心踩回單車場1513,鎝好單車返歸.

回家1519解開一睇,腳傷輕微,手就大鑊,皮擦開好大片,只不過先頭擦開時,紙巾推回好多,剩餘的都不敢多推,唉!都唔知點收科?嗱淋叫老婆烚些少水.

我就嗱淋沖涼,沖完涼用些温和水沖洗傷口,稍為乾身些,就噴上噴霧膠布.

唞咗輪上網寫寫blog,血滲出又祙吓,去到1937老婆叫開餐,有香前三文魚柳,炒生菜兩個人食,餐後新抱幫手洗洗傷口同包紥好.

夜寫blog到12點鐘才瞓.

4月26日(三)失眠,踩轉馬長廊,茶麥記,惠康,街市,晚兩人食.

2023/04/26   星期三   晴   22C

昨晚11點前瞓,兩點多夜所,4點半鐘又夜所,兩次大大篤,後就瞓不返,收音機下捱到6點多鐘,終於瞓著咗,0820醒,賴床0850才起來.

新抱B已返學,我就如常烚水搞早餐,0923早餐.

餐後辦埋件事睇電視.

套大陸劇如懿傳初頭幾好睇,越睇越唔好睇,太長太譖,奸來奸去,看得多有點悶,睇埋喱集11點半鐘,愛美麗狂想曲完咗,我都無謂響企,一於出門踩轉單車.

1137起步,涼就涼咗啲,但有太陽,踩到來馬長廊1209,第三個亭坐.

坐輪wifi輪,係咁易郁吓個身,都已經成粒鐘?1311都回程.

返回來車場1337,返歸1353,老婆剛吃過佢斷食餐,而新抱就教女做功課.

響企坐到1425,老婆搞掂一切,齊齊出門揾食兼買餸.

落到商場大家樂,都唔知食乜好?諗咗陣都係走人,過麥記睇吓有乜食,老婆麥當app摷吓,結果揀咗個25蚊既玉子將軍漢堡餐,老婆就飲滾水.

吃過坐夠1540上惠康,28級梯上來還ok?惠康買有三文柳兩包92蚊,牛肩扒29.7蚊,兩盒蛋38.7蚊,跟住街市18蚊兩紮白菜苗返歸.

回家1616新抱B在食麵,話本來落街食嘢,話個B扭計?係咁喊,谷鬼氣煮麵食唔落喎?回來我都早點沖涼,涼後個仔已放工返,我都開壇寫寫blog,個B就不停拿佢日本買回來零食過來,我再問佢啲嘢食邊度買番來架?佢重係話中國?比佢激C

1908老婆煮妥開餐,有牛肉煮蕃茄,煎黃花炒菜芯,兩個人食.

餐後夜馬,都係有睇無買.

4月24日(一)睡好,踩轉孖橋,瀝源食心粥,沙田街市,膝痛買餸返,晚兩人食,三口子旅行返.

2023/04/24   星期一   晴   24C

昨晚11點前瞓,夜所3就今早7點多醒,昨晚失眠今日算補數,賴床0837起來.

氣溫24C,如常烚水搞早餐,0913早餐.

餐後辦埋件事睇電視,今日三口子日本返,老婆搞衛生拖地,玩具一箱箱,老婆要搬開搬埋的拖.

1247老婆斷食開餐.

佢開餐時我都係時候踩轉單車.

車場攞咗單車,1303起步,一條氣的踩,去到孖橋1329,揾張椅坐,大霧關係馬鞍山無咗馬鞍?而燈柱頂兩隻雀,係咁支吱喳喳,嘈得好大聲,坐咗好一輪,1359我都走.

離開約咗老婆去瀝源,過橋後就直踩去瀝源,過到娛樂城,老婆以經到咗,就齊齊上商場,還未行到樓梯位,見有兩條友搬隻大櫃落樓梯,搬到平台,見咁情況就停下來等等,見兩條友毫不留手,張個櫃就咁打棟推佢落梯度?砰一聲發出巨響,嚇得就近個老人家一跳?唉!正扑街吖?人家燒砲仗都會叫聲吖?咁拍法分分鐘樓梯都拍爛,但又無爛到.

上到二樓1429食心粥,35蚊食個粥餐,皮蛋粥配炒河.

吃過坐過行街市,踩完單車我對膝好唔掂?趌跛跛行到沙田街市,行個圈,魚係平我們街市,40蚊買兩條黃花,35蚊三條紅衫.

本來買完魚行商場,但對膝好唔掂,街市門口坐陣,都係各自返歸,老婆巴士我踩車.

返回單車場1606,老婆搭巴士亦剛好返,老婆街市買菜,我就球場仔坐等,老婆40蚊菜,有蕃茄,洋葱,蒜頭,西洋菜同菜心返歸.

回家1634我都嗱淋沖涼,涼後寫我今日blog.

1950老婆煮妥開餐,有瘦肉滾紫菜,蒸黃花魚,炒菜芯兩個人食.

餐後睇輪電視,11點前都瞓,行多膝痛難眠,最終瞓著,

0045三口子返醒,起來出個所,衰豬一見到我,就大叫爺爺,連除飛撲過來擁抱,之後曬佢啲戰利品,炫耀我倆老睇,再問佢去咗邊度嚟呀,還是說去中國,我倆都笑。

4月18日(二)睡可,三口子旅行日本,整日在家 ,房裝led光管,茶大家樂,晚餐兩人食.

2023/04/18   星期二   晴   27C

昨晚11點前都瞓,夜所兩就今晨0540醒,收音機下半賴床,6點多三口子陸續起床,執齊行理,7點鐘三口子出門,機場日本旅行.

手機賴輪床8點起來,如常烚水搞早餐,老婆蒲頭,0830我都早餐.

辦埋件事睇電視,睇輪電視1050,諗起2021年3月30日買的兩支led光管,一直放到現在.

36寸管按個仔間房,48寸就按廚房,誰知兩支普通光管還未打柴?

今日難得三口子旅行,不如今日來搞掂佢,搬開梳化啲玩具,一梳化底工具同剩餘材料?

跟住攤開架生開工,拆開支光管,英國光管特別多嘢,除火牛外多支圓轆轆嘢,話之佢啦,一於剪得就剪,甩晒所有後,就依樣葫蘆接駁,駁好一開電制,呵可?冧制?大鑊究竟出什麼問題?

於是嗱淋甩晒佢,再重新接駁過,駁好後一開又跳制?於是第三次重新駁過,誰知一樣冧制.

今鋪重大鑊,全部跳晒制,於是嘗試打番起佢,誰知係打不返?今鋪跳係出便錶房跳,大鑊今鋪要揾房署揾人打?

1245於是至電落房署,都好快有人上來錶房打制,打後一屋光晒.

諗吓?點搞?錶房再跳就好唔掂?唉!無偈,都係放棄支管唔換?唔換都揾個燈泡按上去頂住擋吖?摷餐懵才摷到個燈泡連座,搞餐懵才按好盞燈連座.

諗吓支管支架唔通就咁掉咗佢?支36寸支led管又點處置?於是乎重新摸索過,再睇清楚以前支管點接駁?跟咗輪似乎個starter位條線係唔連?係分開?於是分開用膠布包好,好緊張最後一試,大佬千奇咪跳制呀?要跳屋內跳好啦?一開好彩管著無跳制,好開心終於成功管著.

已經1450老婆又話買餸,都係同老婆落街食啲嘢休息吓,回來再搞埋佢.

成3點幾鐘同老婆出門,落到大家樂都成3點半鐘,我就食個西多餐,老婆飲杯熱檸水,合共29蚊.

吃過坐夠上惠康,28級撐來可以,惠康太貴無嘢好買,跟住落街市,老婆買有辣椒,西洋菜同芥蘭合共20蚊,蕃茄14蚊,魚紅衫,黃花各一份60蚊,粟米兩條12蚊返歸.

回家1641嗱淋搞埋支光管,唉!又拆又裝?夜咗黑咗?老婆手機燈照住來做,頭頸都梗埋?1725終於搞掂.

搞掂一額汗,差點裝管不成得盞燈.

搞掂老婆善後,執妥工具回梳化底,才沖涼,涼後整個人散晒.

1937老婆煮妥開餐,有蒸紅衫魚,肉片炒西洋菜,同老婆兩人食,唉!無牙西洋菜咬唔掂?為有淥個即食麵食.

餐後寫我今日blog.

4月17日(一)睡可,個B番學,老婆沙角街市,踩轉恆明,茶大家樂,惠康,街市,晚餐兩人食,三口子出街食.

2023/04/17   星期一   晴   27C

昨晚11點前都瞓,夜所三劑就今晨0657醒,手機賴床,0835起床.

新抱B在趕返學,我就如常烚水搞早餐,0850新抱B出門返學,0913我都早餐.

餐後辦埋件事睇電視.

1135老婆話過沙角買餸喎?你去到夠我繼續電視愛美麗狂想曲,新抱送完B上學,回來就搞佢啲嘢.

1145新抱出門接女,無聊我至電華仔吹水,吹輪水新抱B返,衰豬回來又掛住手機youtube,1326老婆斷食開餐.

老婆開餐,我都出門踩轉單車,1332起步,一條氣踩入馬鞍山,都好耐無踩過來恆明個公園仔,踩咗33分鐘,1405來到.

坐輪wifi輪,係咁易行吓.

1433都回程,同樣一條氣的踩,34分鐘1507踩回單車場.

至電老婆下來,1522同老婆食大家樂,老婆熱檸水我米粉餐合共30蚊,吃過坐夠上惠康,28級梯撐來可以,惠康yuu積分換10.5蚊麥方包走人,跟住街市,老婆46蚊買份三文魚扒返歸.

回家1633,我都嗱淋沖涼,5點多鐘個仔返,跟住母女都返.

1923老婆煮妥,開餐同老婆食,有煎紅衫炒菜芯.

三口子明天旅行,趕執什晚飯落街食.

4月13日(四)失眠,磅重137,膝痛在家,茶大家樂,惠康,街市,個B你條友仔,晚餐兩人食.

2022/04/13   星期四   晴   23C

昨晚一家人傾兩傾成11點幾12點瞓,瞓至兩點多去所,回來就瞓不返,捱到3點幾鐘,為有起來開wifi上網,到6點多鐘瞌咗陣,8點鐘醒,賴陣床起來.

起來嗱淋去開大,搞掂索性上吓磅,137磅,睇番14日前上磅139,總算有點成績?輕咗兩磅.

搞掂梳洗搞早餐,0925早餐.

餐後老婆蒲頭,1026新抱B蒲頭,個B好乖叫早晨,然後整兩包嘢過來?話大包嫲嫲,細包我喎?其實昨晚衰豬請嫲嫲食,唔請我食?可能今早補數掛?

1138母女出街早餐,老婆又話去買餸?無聊我就繼續平板上網.

1153老婆以經返,買有蕃茄10蚊,旺菜5.5蚊,鯇魚23蚊.

回來就著手佢餐中午,1點多鐘食佢中午餐,吃過處理好佢要做的事,成3點鐘同老婆落街行吓.

1515大家樂,肚餓我就食個28蚊豬扒腸仔烏冬餐,老婆同樣7蚊飲杯熱檸水.吃過坐夠4點鐘上惠康,行轉買有廚房紙兩包40蚊.

離開落街市,老薑一嚿16蚊,洋葱兩隻5蚊,椰菜一個11蚊,魚兩份55蚊返歸.

回家1639,坐咗輪才去沖涼,涼後1735三口子返,個B新玩具狗,後空翻狗,玩兩玩失靈,竟然爆句,你條友仔吖?全屋愕晒然笑晒?

玩咗輪才忙沖忙煮忙食.

2007老婆煮妥開餐,有香煎池魚,鹹肉炒椰菜,兩個人食.

4月9日(日)睡好,新抱B教會,個B新鞋,下午賭馬,食大家樂,惠康,街市,輸馬30,晚餐兩人食.

2023/04/09   星期日   雨   22C

昨晚10點多都瞓,夜所兩就7點醒,收音機下到9點鐘起床.

睡好,如常烚水搞早餐,個B蒲頭,衰豬唔叫早晨,0942早餐.

母女蒲頭食早餐,跟手扮靚,衰豬又有新閃燈鞋,1109母女出門教會,我餐後辦埋件事等跑馬.

馬跑完第五場輸咗我10蚊,3點鐘同老婆都落街,食點嘢同買餸,大家樂食個28蚊餐,老婆齋飲杯熱檸水7蚊.

食過坐過上惠康,28級梯都無謂搏,還是篤住慢慢上,惠康老婆32蚊買樽黑椒走人,離開落街市,老婆20蚊紅蘿蔔同荷蘭豆走人.

回家1624,個仔跟住返到,我就繼續睇跑馬,跑完第九場加州星球我都沖涼,涼後以經尾口孖寶,又整廿蚊玩吓,10場大熱搭下場最冷兩隻.

頭關中叫糊,尾關跑倒數,輸埋,今日又輸我30大元.

輸埋叠埋心水上網,寫我今日blog.

1939老婆煮妥開餐,有炒椰菜同煎肉餅兩人食.

4月7日(五)睡可多夢,膝痛可以,踩轉馬長廊,茶大家樂,惠康,街市,晚餐兩人食.

2023/04/07   星期五   晴   22C

昨晚有馬無賭睇到尾,11點幾鐘瞓,夜所三劑就瞓到今早7點多醒,睡可夢多,賴床9點鐘起床.

氣溫22C涼咗,如常烚水搞早餐,0929早餐,1000老婆新抱B陸續蒲頭,個B又乖啵,主動叫早晨.

餐後辦埋件事無所事事,假期無視好睇?戇居咗輪不知如何是好?天氣又唔湯唔水?叫老婆幫手摷條褲落來,真大鑊褲頭扣唔埋,而且還差好遠?為有摷過另條,腰圍最大條,都係緊緊扣得上?

減肥無選擇,為有又踩單車,都諗住起行,諗起華仔?又問吓佢去唔去,原來響度修單車,唔去喎?休息就整單車,簡直嘥人工.

唔去我都準備出門踩,誰知電視播緊愛美麗狂想曲,套劇真係好好睇,正式做嗰時就唔多覺?套劇每人有個故事,每個都做得好.

記得當年2021年4月16日,下載咗這首愛美麗狂想曲mp3,個B剛好兩歲多啲,我就比佢聽,聽完問佢好唔好聽?響邊度聽過?冇耐佢拉我出廳,指住個電視話我知,衰豬真係醒.

睇完套劇差不多1點鐘,不如睇埋新聞才去,新聞期間新抱B有節目出街.

睇完新聞出門,車場取了單車,1330諗住起步,見有塊膠片似乎啱用,結果整咗幾分鐘,都係無用才起步.

還是以往一樣,踩去馬鞍山海濱長廊,1405踩到來長廊第一個亭.

踩到來有些微出汗,坐下wifi輪坐陣,見時間差不多,1451回程.

還是一條氣的踩,沿途好多黃花風鈴木樹,開得好燦爛.

返回單車場1524,鎖好單車,老婆以經在商場,齊齊大家樂,炸髀餐低食,都係咪搞?就食個28蚊米粉餐算,老婆依然7蚊熱檸水.

吃過坐夠上惠康,28級梯上來比上次好得多,惠康行個圈買有香蕉5.5蚊,免冶豬肉25蚊,鰈魚柳25蚊,豬腩肉27蚊同食鹽5.5蚊.

離開街市,老婆買咗三樣菜20蚊返歸.

回家1702,個仔已回來,搞緊佢啲至愛模型,老婆回來就處理買來菜料,我就嗱淋沖涼,涼後入房上網寫寫blog.1815母女返,下來佢三口子忙沖涼忙煮食.

1926老婆叫開餐,有肉片炒脆玉瓜,煎黃花魚,同老婆兩個人食.