6月28日(三)睡可,新抱見醫生,週三惠康麥皮,游水500,茶大家樂,又惠康麥皮,晚飯三人食.

2023/06/28   星期三   雨   30C

昨晚11點前都瞓,夜所三,兩點多關冷氣,瞓到今晨6點多醒,收音機半瞓賴,0815老婆起床我起床.

起來頭昏依然,如常梳洗搞早餐,新抱蒲頭同奶奶講,可能中招要看醫生?新抱洗完面跟手快測多次,話上次做條線有點微紅喎?話個B還在睡,瞓醒要點要點喎?心諗咁情況似乎中硬都得?後來測完又話無事喎?咁都安心啲?新抱出門看醫生.

0925我就餐前量血壓,139/76-52,

餐後裝吓個B?個B已醒在床嘆緊手機,還是嫲嫲喝令出來,無得睇手機衰豬嬲爆爆,出來早餐無麵包,還好氹佢炒蛋食,衰豬炒過有癮,後來嫲嫲協助下炒了出來 ,食得特別滋味.

我就辦埋件事睇電視,睇完集驪歌行1130,諗起次次長者日,有折麥皮都賣清光?谷鬼氣,今日早啲上惠康,於是乎叫埋老婆同個B齊出門.

一出門口剛啱新抱返,原來睇完醫生剛上惠康來?還買咗支橄欖油,成95.9蚊?唉!早出聲吖?今日長者日9折慳成10蚊架?佢話唔買都買咗喎?睇醫生話佢感冒喎?咁都好啲.

同個B講,媽咪返咗來,你留響企啦,衰豬又唔肯?咁就三人上惠康,上到去好失望,有折麥皮40兩桶剩番一桶?打單泡無得買,無偈?繼續睇吓有乜好買?行到尾遇見職員四眼妹,於是同佢講?睇吓個倉還有無貨?衰鬼好人,一睇貨架頂還有一箱 貨,於是拉梯過來,企到梯最高級,還要趌高腳才拿到,見咁情況我都幫手接貨下來,就係咁,再浸貨就拿咗兩桶,認真唔該後就收銀比錢.

共買有麥皮1K裝兩桶32.4蚊,橄欖油86.3蚊,雞蛋一排30隻38.7蚊,麥精3盒裝30蚊,發覺兩桶麥皮咁平嘅?四眼妹話36蚊再九折囉,嘩!超抵.

買後返歸1227,佢娘問衰豬有無扭彈波同玩機動遊戲,又無喎?回家後就跟住落雨,仲諗住去游水?以經1點鐘老婆以經開餐.

落雨都諗住無得去游,睇埋個午間新聞,見又無雨啵?都係搏吓去游,立即起行.

1323單車起步,過到泳池1335,大鑊雷雨無得游,為有門口坐等,等咗好幾個字,於是來個決定,踏正兩點鐘,無得游走人.

結果等到1358,職員拿走個暫停開放牌,咁就魚貫進場,搞掂一切池面,稍熱身 1413嗱淋下水,埋頭游佢500m,1447夠數起水走人.

更衣室搞掂一切,1509離開,返回單車場1523,至電個老婆大家樂等.

1530來到大家樂,都幾多客吓,剩番啲曳枱,老婆到就要咗個28蚊通粉餐,老婆7蚊熱檸水,雞翼就買券送的,餐到有單對單靚枱.

吃過坐夠上惠康買早餐麵包,28級梯撐來可以,惠康買了10.5麥方包,自助機比咗錢都諗住走?行到門口見有吞拿魚罐頭,諗起花醬食晒?吞拿魚夾麵包都好啵?咁又行回入惠康,掉!啲有折沙律醬唔清唔楚?都諗住走,又遇見四眼妹職員,佢話麥皮咁抵買,買多兩桶啦,望吓嘩!12點鐘托咗箱下來?還剩兩桶?都好買埋兩桶佢,買後街市買菜,買20蚊五樣菜返歸.

回家1720,個仔已經回來,見廁所在忙,我都上網寫寫blog,成6點鐘老婆提提,才醒起劑中藥,1802飲我第12劑中藥.

1913老婆開餐.

2039新抱煮妥飯,個仔個B我三個人食,新抱食通粉.

6月26日{一}睡好,個仔假,個B請病假,個仔倆睇電影,我就游水500m,右手踭無晴晴痛,茶大家樂300券,第11劑中藥,晚一人煮食.

2023/06/26   星期一   雨   28C

昨晚11點幾鐘瞓,夜所三劑,3點鐘關冷氣,瞓到6點醒,收音機下再瞓,到8點鐘醒,手機賴8點半鐘起床.

睡好咗人無咁昏?新抱蒲頭,話個B有幾聲咳,唔返學喎?我就如常搞餐,老婆蒲頭,個仔放假亦蒲頭,個仔早醒有節目?新抱交帶奶奶安排個B早餐?誰知話口未完,個B已經醒,衰豬又乖啵?毫無咋形?0900個仔倆出街,我就餐前量血壓144/77-49.

餐後辦埋件事睇電視,衰豬病未癒,佢娘安排食蛋糕仔,奶唔得飲滾水,衰豬蛋糕仔食吓一粒又一粒,嫲嫲以經警告,要食得晒整粒才可食,誰知話口未完食咗半粒,就話飽唔食?嫲嫲閙鬼佢,衰豬就隊過來我?要我搞掂?

睇完集麗歌行又1130,個人又開始頭昏兼眼睏,攤梳化瞌咗陣,心平氣和1200量血壓135/69-52,再瞌多陣1250我都出門去游水.

單車1300起步,1311到泳池,更衣室搞掂一切,池面稍為熱身,1330下水,埋頭游500m,1402夠數起水走人.

更衣室沖涼,大鑊右手踭超痛?未游之前以經少許痛,游完更加痛?勉強沖完個涼,離開1430,單車返回單車場1443.

返回單車場至電個老婆,大家樂等喎?1452到大家樂,1500老婆到,老婆話你怕消費券用唔晒?不如買大家樂現金券,都好喎?就係咁老婆同我買咗300蚊大家樂券,跟手買咗個豬扒通粉餐過我,老婆就熱檸水,合共30蚊.

吃過同老婆吹水,唉!鄰枱條伯父打噴嚏,竟然噴到我膝頭都感覺有?想話出聲?條友更嘶嘶聲大呻鼻水,嗱淋同老婆戴回口罩都走.

離開上惠康,28級梯上來還可以,行轉買咗包一次性鬚刨12.5蚊返歸.

回家1622,都嗱淋沖涼,坐咗輪心平氣和又量血壓121/71-59,量完開壇寫blog.

1721新抱來電,話今晚食咗才返喎?叫我自己搞掂,無問題,1745我都飲我第11劑中藥.

1917老婆開餐,咁就我來煮食,雪柜殘餘料,冷飯碗,魚餅之類,老婆幾條秋葵,一隻雞蛋,一於炒飯,1932剛好一湯碗,飽飽.

6月24日(六)睡好,頭昏,落雨天,拾回粒耳塞,游水600m,同B大家樂,晚飯4人食.

 2023/06/24   星期六   雨   31C

昨晚11點零瞓,夜所兩劑,3點半鐘關冷氣,再瞓0617醒,手機賴床,0835起床.

起來頭昏依然,梳洗後坐陣0852量血壓150/77-50,沒烚水搞早餐,0922早餐,老婆蒲頭烚水兼洗晾,新抱B亦蒲頭,衰B早餐食粒麻糬都食唔晒,又塞過我搞掂.

辦埋件事10點多鐘,新抱B出門上英文班,新抱拖埋部買餸車,車塞滿車嘢?老婆話新抱租咗格仔鋪,賣毛公仔喎?咦!有諗頭,公仔唔好嘥吖?

老婆處理好一切,叫拿部衣車下來,話同個B改裙頭喎?搬完衣車累累哋,梳化瞌陣眼睏,瞌醒1112,見心平氣和就量血壓136/73-57,心跳有57又幾好啵?

今日個天時晴時雨,而且落襯都超大?今日諗住去游水,游都係1點鐘嗰場,已經12點幾鐘?個天依然落著很大雨?去到1245無雨?而且還出太陽?都嗱淋執嘢去游水,臨行老婆叫食埋幾日前件蛋糕至去?又好,食埋1257老婆亦開餐.

落到街個天又灑幾粒雨,好彩無落出,拿了單車1307起步.1318來源禾路泳池.

更衣室搞掂一切,上次游完唔見咗粒耳塞,都準備好用發泡膠包保鮮紙塞另隻耳,塞好耳準備上池面,臨行裝吓個雜物架?咦!我粒耳塞響度喎?嘩!喜出望外,嗱淋掉走粒臨時發泡膠耳塞,同條清潔工講聲,哈!好多謝你,代我拾回粒耳塞.

上到池面又灑幾粒雨?幾驚會有雷雨無得游?無熱身1331嗱淋下水,游得幾多得幾多?於是埋頭係咁游.

1404游夠500m,掉?04唔好聽?谷鬼氣游多100m,他媽的還衰?1414,唉!個天要都無偈?返回更衣室,谷鬼氣特登揾個4號沖涼格,求其沖個涼都走.

離開泳池1439,單車回程一半,就落出勁大雨,1448有蓋地方避咗陣,還好雨好快停,繼續回程.

返回車場1503,至電老婆下來,老婆話要睇B,佢娘家長會喎?咁就同埋佢下來,個B來不如食麥當奴?老婆又話唔好,咁就大家樂等啦.

1505到大家樂,坐低老婆同個B已經到,無嘢好食就要個炸髀西多餐,老婆依舊熱檸水,合共39蚊.

吃過坐未夠,1538個B又話要去廁所,咁就為有嫲嫲帶B返歸搞掂,我就手機到1621上惠康,28級梯還可以,惠康買有8片裝麥方包11.5蚊,特價香蕉5.8蚊返歸.

回家1643,衰豬以經坐響我張枱前面?咋咋帝帝油圖畫,跟住開我部平板睇youtube,好衰唔衰wifi未開,於是乎開過佢睇,還未睇佢老豆同佢娘返,我話無得睇lu.

我放下買來的,都嗱淋沖涼,涼後寫我今日blog.

2105新抱飯妥,4個人食.2156飲第9劑中藥.

6月21日(三)睡好,頭昏依然,新抱B迪士尼,游水700m,茶大家樂,惠康,第6劑中藥,晚飯我煮兩人食.

 2023/06/21   星期三   晴   31C

昨晚11點零瞓,夜所兩,0420關冷氣,再瞓就今晨6點半鐘醒,手機賴床.

0835同老婆齊起床,頭昏依然,新抱B返學,老婆烚水,0845新抱B出門上學,坐咗輪我才來搞早餐,0948餐前量血壓138/71-54.

餐後辦埋件事睇電視,我同老婆講今日星期三,我想早點上惠康,買兩桶9折即食麥皮過華仔,老婆話不如佢去?11點鐘老婆出門.

1149老婆返話麥皮無喎?雞蛋都差不多無喎?得番一排21.1蚊,虎蝦盒44.1蚊,廚紙兩袋8卷32.4蚊,街市買有花豆一包13蚊,栗子18蚊,新抱牛油果放咗好耐?不如我來搞掂佢.

食完個牛油果,我就執嘢去游水,單車場1254起步,踩到大看台,明天賽龍舟封晒路,要兜路上,1306到泳池門口.

更衣室搞掂一切,池面熱身,可能早咗,泳客都幾多吓?超好太陽,1325下水,埋頭游佢500m,1358夠數,本來都諗住走,見時間還早,1405決定加碼,游多200m,1418夠數起水走人.

離開泳池1442,諗吓?不如過瀝源惠康睇吓有無桶裝麥皮?結果一樣全部桶裝麥皮無晒?無偈,無就6.1蚊買包特價香蕉走人.

返回自己單車場1517,至電老婆下來食大家樂,我就31蚊食豬扒雲吞通粉餐,老婆依然7蚊熱檸水.

吃過坐夠老婆話上惠康?游咗700m水,對腳撐來好唔掂?老婆買份牛肩扒33蚊走人,跟住街市,老婆話今晚你煮同個仔食,問買乜餸?我話買蕃茄囉,老婆就買有蕃茄7蚊,兩條粟米同一支紅蘿蔔15蚊返歸.

回家1700,個仔已放工回來,我都嗱淋處理我啲游水嘢,才發覺唔見咗粒耳塞?搞掂一切沖涼,涼後1803沖我第6劑中藥.

睇陣電視新聞,1900老婆又話開餐,又輪到我煮同個仔食.料有蝦乾剁碎撈飯煮,開罐磨菇煮蕃茄,又磨菇切碎炒蛋.

2030搞掂開餐,誰知個仔唔食磨菇,又話蝦乾飯腥好難食喎?食咗一碗就唔食,走咗去淥杯麵食.

飯後搞掂睡前一切,全力寫我今日blog,2250新抱B返,個B瞓到淋冧稔返.