2024/11/20(三)雨/20C/睡好/神可,早餐大家樂,中午yt,茶麥當勞,這樣鄰居,5人好運食西餐.

昨晚早早上床電視下備瞓,11點鐘前都瞓,0325醒所,再瞓唔多覺0643醒,睡來有夢,似乎無咁多,半瞓賴0815起床.

起來落雨氣温20c,老婆叫出街早餐喎.

咁就辦埋鋪大,辦妥早上一切,0910同老婆齊齊大家樂.

大家樂0925老婆41.2餐我就30.2餐.

吃過坐夠週三上惠康,日間理財手機提款,提款後惠康,大鑊!大事急call,諗落都係無謂搏,我先行回家辦事.

1053老婆返,新抱放假蒲頭,1230我都攤床yt瞌吓.

覺就瞌不成?t就睇見佢,帶你行轉紐約唐人街,行轉成半粒鐘,鬼唔多隻?見的全華人,攤檔擺到一街都係,像6,70年代香港一樣.

又睇到佢全球青年愛上華人歌曲和文化,齊齊來學中文.

1530老婆來叫下午茶,肚餓喎?收機同老婆落商場,老婆要食麥當勞,咁就叫咗49餐,9.9加杯咖啡,吃過坐夠1645走人.

討厭的鄰居

返回自己層樓,嘩!隔鄰屋竟然在走廊,水喉水錶位插對舊鞋,高度剛好個人塊面咁高?走廊已經夠窄,老婆差點兜口兜面踫著?落雨天你就識放?唔放門口就掛到高高,放門口我已經好唔高興,整層樓無人放門口?係你獨有,走廊已經夠窄,已經神憎鬼厭,谷鬼氣拍門去話佢?佢老婆應門,我話走廊已經夠窄,行過迎面就係你對爛舊鞋,有無攪錯呀?佢才話收回,我還說走廊窄,不要放鞋在走廊.

回家1655個仔已回來,新抱督B做功課,回來無聊我就寫寫blog.

1850一家5口齊出門,訂咗枱食飯喎,什少夜晚出動我,非常唔自然,搭程車過去好運原來食西嘢.

1910來到喱間,叫Y Pasta食西嘢,

吃過坐夠2027個仔找數.

離開就近有間貓貓店同間地茂館甜品店,地茂館排晒隊食糖水,新抱又話要買外賣,外賣都要等成10多分鐘,個B就話之你貓店睇貓貓.

買完行到間麵包店,輪到個B要買麵包,個B夾咗6隻包仔26蚊,嫲嫲比錢,然後才市廣場搭程車返歸.

回家2125,食埋個糖水,都嗱淋沖涼,涼後攤床寫blog,

夜睇埋個晚間新聞12點鐘瞓.

2024/11/08(五)失眠/神差,整日在家,B放12點鐘,球場仔玩,茶大家樂,晚飯5人食.

昨晚blog未寫完11點鐘瞓,兩點鐘醒所,老婆還在手機,回來我又瞓不返,為有手機寫寫blog,寫輪叫做瞓返,到5點鐘醒,之後閉目捱天光,賴床8點半鐘起床.

起來新抱在忙返工,我梳洗好辦大事,喱輪麻麻去襯都係稀粥一樣,唔去賴都有份?

搞掂件事0915搞早餐,0946新抱返工,我亦早餐,今日開始餐前早晚,5粒萊茵衣藻片.

1035老婆落街買餸,1123老婆返買有菜料31蚊,魚露11蚊,牛扒55蚊,兩豬扒70蚊.

回來處理好菜料,1220出門接B放學,1240嫲嫲接B返.

回來嫲嫲烘熱個包,煎隻蛋過佢B食,1319嫲嫲開餐.

睡不好我就去攤床yt瞌吓,一瞌一睇又3點鐘,個B走入來叫同佢踩單車喎?單車好麻煩?太多嘢砸住?後來講掂數打羽毛球.

成3點半鐘落到球場仔,叫做係咁易打陣,就同佢食大家樂.

大家樂我就34餐,老婆31.2餐同個B食.

餐後無須買餸,返歸都成5點鐘,個仔未返,我都嗱淋沖涼,花灑喉穿漏,還好有條後備,即時換上搞掂.

2037老婆開飯同老婆食,個仔沖涼新抱夜返,個B跟佢娘食留飯餸.

2139新抱返,我都上床備瞓.

2024/11/06(三)睡好/多夢,新抱返工,加注XXX股,個B放12點,整拐杖自拍棍,指破血流,茶麥記,週三惠康,晚飯5人食.

昨晚電視11點半鐘瞓,夜所一劑就今晨0645醒,睡好多夢,賴床9點鐘起床.

新抱忙返工,我就先行辦埋件事,才搞早餐,0955早餐.

餐後電視機智女法醫大結局,睇完11點半鐘,望吓個市?嘩!跌成5百幾點?

於是乎現價加注XXX股,搞掂剛好12點鐘收市,收市後今日個B放早,老婆去接B放學.

都諗住yt瞌吓,突然諗起拐杖自拍棍,於是乎揾支舊拐扙試吓,拐杖頭鑽0隆,唉!誰知一不小心,鑽咀鑽落左手指公,當堂肉破血流,大概鑽正血管位?血流如注,大鑊?一時間不知如何止血,於是乎唔理咁多?一於用手直接按實,剛好老婆同B返,老婆嗱淋用紗布幫我紮住,唉!還好止得住.

紮好繼續我拐杖自拍棍,搞掂個拐頭自拍?諗吓拐杖頭重?不如拐杖尾,又杖尾鑽個0隆,搞掂1330,剛好老婆亦開餐.

餐後老婆督B功課,我就攤床yt瞌吓.

一瞌3點鐘,老婆個B來叫下午茶,落到大家樂,衰豬C拉要麥當勞,無奈為有麥記,個B兒童餐33蚊,我就魚柳包餐20蚊,老婆凍啡10蚊.

吃過坐夠週三惠康,買有紫菜13蚊,腰果酥19.9蚊,芝麻丸21蚊,大蛋兩排44蚊,離開老婆落街市,我同個B球場仔等,老婆到買有奶皇包10蚊,薑7蚊同10蚊西芹返歸.

回家1705,個仔已回來,老婆處理今晚餐飯,我就早點沖涼,涼後攤床手機寫blog.

2011開飯5個人食,個仔沖涼新抱夜返留飯餸.

2024/10/27(日)麻麻/有夢早醒,瞌時晏,個B合唱團,有馬無賭,行國慶市集,茶麥記,最後劑中藥,晚飯5人食.

昨晚太累,寫blog不成早早瞓,瞓到1點半鐘醒所,再瞓5點鐘醒所,就瞓不返?捱到6點鐘索性手機上網.

一上9點鐘起來床,新抱在返工,我就如常烚水搞早餐,0940佢娘返工,衰豬突然掛住個老母,走來攬住個老母唔捨得佢返工?

新抱返工後,1000早餐食得,磨菇煎蛋,同個B齊齊食,期間嫲嫲落街買餸.

餐後1042老婆買餸返,買咗126蚊喎?

老婆返瞓不好我,又走去攤床yt瞌吓.

一瞌又1300,見個B做好功課,又切個牛油果佢食,衰豬又包紫菜食.

吃過牛油果1340,嫲嫲送B沙田大會堂上合唱團.

我就同嫲嫲約定,老婆送完B就行吓國慶市集.

老婆出門後1400我就踩車過去會合老婆.

過到去鎖好單車1422,老婆剛好送完個B,就齊齊行市集.

行咗圈買咗40蚊零食,就走去大帳篷坐睇電影.

坐到1600老婆去接B放堂,我對膝唔掂就坐嚮度等.

等到1645老婆B才到,之後單車返歸,途中單車載吓B,又坐上去推住行,等佢開心吓.

返回車場鎖妥單車成1700,便同佢食麥記,一餐一杯51蚊,

食過坐夠返歸1750,個仔已回來,砌緊佢至愛模型,回來老婆著手今晚餐飯,我就嗱淋沖涼,涼後飲埋我最後劑中藥.

2017老婆開飯,老婆個B我3個人食.

個仔沖涼,新抱夜返留飯餸.

2024/10/25(五)睡可/多夢,新抱放假,中午攤床yt瞌陣,城河公園,乙明生果,晚飯大家樂,中藥第12劑

昨晚10點零瞓,夜所一劑就今晨0517醒,就瞓不返?睡來依然多夢,賴床0845起床.

新抱放假,起來辦埋件事搞早餐,老婆蒲頭,1033早餐.

餐後睇埋集陸劇,瞓不好我,又走去攤床yt瞌吓.

1點鐘起來看新聞,老婆開餐,新聞後新抱出街,我又再攤床yt過.

睇輪1430同老婆出街行吓,落到街都知行唔掂,都係近近哋公園坐吓.

3點鐘來到乙明對開公園坐,坐吓行吓叫做郁吓,唉!好唔掂?坐多過行,坐到1650同老婆過去乙明街市.

過到去1703街市好細,係咁易行吓,就喱檔20蚊買咗份4個圓形牛油果,30兩份揀咗份冬棗同份柑走人,行得CC返歸.

回家1730三口子在家,個B做緊功課,回來歇陣戴番副假牙同老婆都落街食飯.

落到大家樂1808,老婆扒餐60蚊,我就煲仔飯餐48蚊,吃過坐夠返歸.

回家1930三口子食飯未返,我就早些早沖涼,涼後2003飲我第12劑中藥.

藥後做妥我睡前一切睇視.

2205三口子返,我都上床備瞓.

2024/10/22(二)睡可/ 神可,新抱返早,老婆沙角買餸,我就廣源電鑽老馬聚,晚飯5人食.

昨晚10點鐘瞓,結果11點鐘才能瞓著?夜所兩今晨5點醒,就瞓不返,賴床8點鐘起床.

起來新忙返工,我就如常烚水搞早餐,0852新抱出門返工,返早喎?0910老婆沙角買餸?0926我早餐.

餐後辦事務,1020老婆返,買咗192蚊餸菜,同麵包15蚊.

餐後睇電視,睇埋集陸劇11點半鐘,揾啲嘢搞吓?廢膠樽做個牙膏兜,結果唔理想失敗?

整唔掂12點鐘走去攤床yt瞌番吓?一瞌一睇1點鐘,見今有點精神,於是至電過老馬,睇過得閒冇?順便攞番把電鑽.

無問題後刮刮長長的鬍鬚,1245出門,405小巴站等車.

小巴站勁猛太陽,曬到眼都撐唔開?等兩等心血來潮,八達通會否負數呢?於是乎手機check吓?果然負數9蚊?非常好彩,若果上咗車就大鑊?

嗱淋站內充值,出來冇耐就有車,一坐1422到廣源邨.

老馬帶埋我把電鑽已在鐘樓下等,坐陣1430就下午茶.老馬牛根腩河餐40蚊,我就牛腩河餐同樣40蚊.

吹過水坐够,老馬食煙關係,1548老馬找數,就門口長椅老馬吸煙,我就繼續吹水.

1640老馬夠鐘買餸,我亦係時返歸,抽埋電鑽1645小巴返歸.

回家1710,老婆同個仔在家,個B瞓咗,我都嗱淋沖涼,涼後個B已經瞓醒,佢老豆督促下做功課,我就攤床寫blog兼瞌吓,衰豬今日功課算叻,7點零已經做完.

2027老婆叫開飯,個B老婆我3個人食先,個仔沖涼新抱夜返留湯飯餸.

開飯不久新抱返,2130飲我第11劑中藥.

2024/10/20(日)睡可/還可,新抱返工,個B洗碗,合唱團,單車接放,茶麥當勞,輸馬10蚊,晚飯5人食.

昨晚太累blog寫未完,12點鐘超眼睏,頂唔順都瞓.夜所一劑,今早0705醒,睡來有夢,捱輪瞓不返,繼續昨晚超長的blog.

一寫9點鐘老婆起床我起床,起來新抱忙返工,我就如常搞早餐,0940新抱出門返工,我才來辦埋件事,衰豬才出來又要去所?

1043老婆出門買餸,1015同B齊早餐.

餐後攤床續寫我昨日未完篇blog,老婆返買有菜,回來就搞佢餐中午餐.

到1點半起來,馬已跑了兩場,又踱吓馬仔,踱兩踱還是唔識賭,而個B以穿妥衣服,準備出門合唱團.

1340兩嫲孫出門,唔識賭我,又整10蚊玩吓?就係尾口孖寶,頭關最熱尾最冷.

下注後就出門,單車過去沙田大會堂,1603過到大帳篷,等咗22分鐘,1625嫲嫲帶著B到.

之後個B坐著單車,我倆推佢回程,到無乜人無乜單車,又載吓佢一程,等佢過癮吓,好快1702返回單車場.

三人就麥當勞,老婆35蚊買個餐,自己杯凍咖啡就14.9蚊,吃過坐夠返歸.

回家1809,個仔已回來,我都嗱淋沖涼.涼後量個血壓,飲我第9劑中藥.

2023開飯三個人食,個仔新抱留飯餸.

2200佢娘返,我都拉床瞓.

2024/10/19(六)早醒/睡可,衰豬洗碗,大圍公園,包頂撐吵大鑊,教B打字,晚飯5人食.

睡可

昨晚10點半鐘以經上床瞓,一覺今晨5點醒所,就瞓不返,賴床8點鐘起床.

新抱返工

新抱忙返工,我就如常烚水搞早餐,9點鐘老婆蒲頭,衰豬佢娘出門後.

個B齊早餐

衰豬蒲頭,總算叫做乖,懂叫早晨,叫到都梳洗好一切,0956與B齊早餐.

餐後以為洗埋啲碗碟,但老婆處理緊要洗衣服?於是乎走去床攤吓.

冇耐衰豬走入來,叫我幫佢手洗碗?我話叫嫲嫲幫啦,衰豬又唔肯?

個B洗碗

唉!是但啦,擺好架步,講佢知步驟,衰豬乜都話識,急不及待就用洗潔精?我話唔肥膩唔使用架?衰豬一句都唔聽?至在玩泡泡,結果協助佢洗妥,泡多我就焗埋個星盆.

B功課嫲午餐我瞌陣

洗完碗衰豬做功課,嫲嫲就搞中午佢餐晏,我就返回床攤吓.

1點多鐘嫲嫲開餐,衰豬亦做妥功課,衰豬成日話我哋唔帶佢去遠啲?今回就帶佢遠啲,大圍公園遊樂場.

嫲嫲還在午餐,我同隻衰豬行先,嫲嫲遲些來會合,同B搭程馬鐵,大圍站下車.

大圍公園

1400下車鬼咁好太陽?今鋪肯定曬餐C?下車後行去田心村,途中不停問我去邊?過咗田心村,衰豬遠遠見到設施,已經飛奔前去,去到狂走狂跳,玩咗陣以經面紅晒,滿頭大汗,衰豬原來來過一次?

嫲嫲到

嫲嫲到你跟住佢?衰豬擒高爬低特別屎,比我笑佢樹懶式攀爬?慢吞吞,滿場飛下玩到1525,夠晒皮走人.

隆亨大快活

離開去隆亨商場食大快活.去到大快活1550,兩個餐77蚊,如常整隻雞髀過佢嘆,今鋪好大食,食晒整隻雞髀,又食我啲麵同嫲嫲啲西多,吃過坐夠1650走人.

759

離開見到對面有759,又走去行吓,行吓就買咗114.4零食,全部公價無折,嘥氣走人.

新翠遊樂場

離開繼續回程,穿過新翠邨,1713來到邨內遊樂場,衰豬見到又狂跑去玩,我倆襯機休息吓.

繼續回程

玩咗陣1721,繼續回程,1736來到車公廟又拍張照,返回屋企樓下,嫲嫲街市買餸,我同個B先行返歸.

回家1755,個仔已回來,我就累得要C,嗱淋沖涼,老婆買餸返,買咗109蚊喎,回來就著手煮飯.

包拗頸,日本對面中國

夜忘記講起乜?我同個B講,日本對面嘛係中國囉,佢老豆聽見立即質疑我,話係南韓?我即時起火,點解我講乜你都趌Q我?我只不過隨便噏吓啫?我認知上中國對面係日本,谷鬼氣立即Google Map摷吓,無錯確係南韓對面係日本,但日本長蛇咁福崗以下沖繩全部對正上海,用不用咁認真呀?結果拗到七彩,極度不偷快,唉!認知不同,講多無無謂,睬你都儍.

懂打字喎

嘈完架衰豬老豆沖涼,衰豬問佢老豆想睇我部平板,佢老豆唔比,就黑起塊面走入來,拿住我個鍵盤玩,問點打字?解釋過佢聽藍芽囉,跟住比佢試吓打喎,

衰豬亂撳下出咗字,話佢知乜字,到打出啲我唔識?又教吓佢問Go先生,衰豬開心到不得了,拿塊平板去話比嫲嫲睇老豆睇,佢識打字喎,

2033老婆叫開飯,三爺嫲孫食先,個仔新抱留飯餸.

2024/10/17(四)睡好/夢多,新抱假,行轉文化博物館,踭痛香薰油,晚飯兩老大家樂.

昨晚馬跑完11點鐘,以經瞓著,一瞓0438醒所,捱咗陣再瞓,就6點多鐘醒,收音機下賴床8點起床.

起來新抱今日放假,送完B已回來,我如常烚水搞早餐,0919早餐.

餐後睇輪電視,11點半鐘又走去攤床yt瞌吓.一瞌一睇又1300,起來睇電視.

1445同老婆落街行吓,行兩行老婆叫去文化博物館喎?都好耐無入過去,番查一吓上次來過已經六年前.

場館無乜點變到?好幾間館依舊?金庸館,李小龍館,係多咗間滄海一聲笑館,緬懷吓黃霑,黃霑咁就20年lu.

行吓坐吓行到三樓展館,正坐下休息,聽見廣播1630有電影睇喎?於是乎又走去睇吓.

去到開咗場冇耐,觀眾大約有廿人?原來套片係許冠傑,講佢自己成功發蹟史,由細路講到退休,由退休講到佢復出,條片半粒鐘.

睇完散場1705,離開文化博物館,老婆話去大家樂晚飯,我話唔得呀,我棚牙還嚮企,咁就分道揚鑣,我回家戴番副牙,老婆去大家樂先.

回家三口子在家,個B瞓咗,新抱處理緊佢今早啲郵件,我搞掂棚假牙就出門會老婆.

大家樂無乜客,好冷清,我就48蚊臘腸排骨煲仔飯餐,老婆60蚊鋸扒餐,老婆唔吃飯又比埋我,一煲一碗飯,食得我好飽?

自以為是

吃飽後呀姐來執餐具,問我還要嗎?講笑我,笑著說你話還要嗎?意思是食到咁乾淨?邊過會要吖?呀姐就話,有些客尊登要唔執,留低做樣?怕人家以為佢無食嘢齋坐喎?所以一定問問?無衰喎.

呀姐講得好啱,唔係個個好似我咁諗,亁乾淨淨坐得舒服,以後都唔好講喱啲笑.

離開街市收市,買20蚊5個普通麵包返歸當早餐.

回家1920,三口子出咗街晚飯未返,我都嗱淋沖涼.

涼後又搽啲香薰油,右手踭無晴晴痛咗幾日,昨日以經想食消藥?後來見搽咗幾滴香薰油,今日好得多?食藥都係免得就免.

涼後做妥我睡前一切,才坐廳睇電視.

2105三口子返,我就睇埋集企業強人,我都入房攤床手機,寫blog備瞓.

2024/10/14(一)睡可/差,個仔假,新抱返工,走轉大圍街市,打大杏仁,石榴,木耳,茶麥記,晚飯5人食.

昨晚9點幾已經上床瞓,夜所兩劑,今早0740醒,賴陣床手機無電,8點鐘我起床.

起來個B以返學,新抱以回來,個仔放假在睡,我就如常搞早餐.

老婆蒲頭,0906我早餐,0940新抱返工,

餐後辦埋件事睇電視.

10點零老婆又出門買餸?問佢去邊度買?佢話大圍,諗吓?橫掂單車要打氣?亦好耐無過過大圍,不如過去行吓,於是乎叫老婆先行過去,跟住我才過來會合.

1030單車過去,1045過到單車鋪,大鑊?唔見平時打氣條氣喉既?鋪頭條友問我揾乜?就講佢知想打氣?哈!原來開鋪忘記駁條氣喉?條友叫條學師即時駁回,咁就順利完成兩條吠氣.

搞掂至電老婆.咁就1059街市會合個老婆,由街頭行上街尾,都好耐無來,都變遷好大,多咗好多吉鋪,亦無以前咁旺?行轉買咗啲生果同菜.

買完1115就過大圍個正式街市,都係最旺嗰檔下價魚檔,買咗45蚊魚,有黃花1條25蚊,或仔一份15蚊走人.

離開途中啲臨時鋪,買咗隻磁碟5蚊,百潔布5蚊,然後離開大圍.

我就踩車行先,還是沿城河學校邊走,來到個B以前幼稚園,對開觀景台等老婆,剛啱幼稚園放學,等咗陣老婆到,休息輪繼繼返歸,返回屋企樓下,老婆返歸.

回家1248,百潔布5蚊,秋葵6蚊,魚45蚊,磁碟5蚊,蓮藕9.5蚊,石榴5隻30蚊熱情果20蚊.

回來老婆搞佢午餐,我就攪拌機開工,首先打大杏仁,打好1347打石榴,打完一個又一個,一共打咗3個,才剛一瓶仔放雪柜慢慢飲.

搞掂剛好3點鐘,老婆叫醒放假個仔去去接B放學.

個仔出門後,老婆就叫下午茶,成1555落到麥當勞,唉!老婆又話忘記帶手機?又返歸攞?

等到1615老婆返,老婆同我叫咗個豬柳蛋漢堡餐29蚊,老婆就9蚊雪糕.

吃夠坐夠街市買菜,菜13蚊,免冶豬肉25蚊,雞中翼一包53蚊返歸.

回家1708,兩父女以經督B做功課,我就嗱淋早點沖涼,涼後1807飲我第5劑中藥,藥後木耳煲妥,又打埋佢成漿.

搞掂1845,我都縮入房手機,個B一年級功課又會咁襟做?佢老豆都算好心機.

一路做到2105開飯,才緊緊完?2105開飯,老婆個B我三人食先,個仔沖涼,新抱夜返留湯飯餸.

開飯冇耐新抱返.

9月8日(日)睡好/神稍好,個B瓷公仔,新抱教會,馬季開鑼日,個B合唱團,馬無賭,晚兩人食大家樂.

2024/09/08   星期日   雨   30C

個B瓷公仔

昨晚10點零都瞓,半夜1點鐘醒,正想去所,突然聽見瓷器跌落地聲?出去一睇原來個B做的瓷公仔跌落地散咗?於是執起放枱面,跟住所完返床繼續瞓.

夜所合共三劑,就今早6點半鐘醒,收音機下賴床,0839個B突然走入來?雙手揍住個爛瓷公仔問點解?話佢知半夜跌落地爛咗囉,衰豬眼濕濕的走回出去,跟住又走入來,攞咗我支白膠出去.

白膠漿黐公仔

見佢咁情況,我都嗱淋起床出去睇吓,原來用白膠漿黐番個公仔,於是乎幫吓佢,白膠漿得唔得我就唔知lu?

早餐

黐好後就洗面搞早餐,新抱蒲頭,母女搞早餐倆母女食.

0930佢娘出門返教會,衰豬又唔跟去?問佢點解唔去?佢話啲人都唔識喎?冇耐老婆話沙角訂咗魚喎?要過沙角街市攞?1003我才早餐.

個B洗碗

餐後同衰豬講洗碗,衰豬竟然點晒頭?於是乎從旁教佢,衰豬認叻,乜都要自己來,終於教佢完成件事,搞掂後都1130.

我亦係時候辦我事務,1147老婆返買有黃花魚兩條50蚊,腰果一包68蚊,老婆返我都床攤唞瞌吓,跟住新抱都返.

馬季開鑼,個B合唱團

攤到1點鐘,聽到電視新聞講跑馬?心諗唔通今日馬季開鑼?於是出廳睇吓,果然真係跑馬,而新抱B在扮靚,1315母女出門上合唱團.

新聞完就踱吓馬仔,唉!都係唔識賭?

就係咁一睇5點多鐘,10蚊都無買,睇埋尾場,老婆話唔煮喎?落大家樂開餐喎?

晚餐大家樂

1800到大家樂,兩個人50蚊食個雲吞雞餐,15蚊加個翅.

吃過坐夠1913離開.

回家1920,三口子未返,我倆慢絛斯理沖埋個涼,辦妥睡前一切看電視.

2100三口子返,我才入房拉床寫blog備瞓.

8月24日(六)睡可/神差,個女留宿,無聊隆亨揾華吹水,茶大快活,晚個女老婆我薩莉亞.

2024/08/24   星期六   晴   31C

昨晚11點幾鐘瞓,夜所一劑,今晨0639醒,半賴床8點鐘醒,手機賴9點鐘起床.

如常搞早餐,拍老婆起床,個女入房瞓,1006早餐,期間新抱B蒲頭.

餐後辦事好唔掂?事後新抱督B做功課,個女就攤咗張床,老婆就在所餘無幾個廳睇電視,事後坐兩坐,都係出街?

落到單車場1148,至電過華仔,睇吓佢做緊乜?原來又整單車?不如過來揾佢吹吓水.

1153單車出發,上到去隆亨賞心樓1208,就幼稚園出便花棚坐,無催過華仔,坐咗輪1245華仔才到,吹輪水落大快活下午茶.

兩條友大快活坐咗輪才叫餐,長者依然8.5折,華仔請我食個折實28.5餐,

吃過吹夠水,離開又行吓隆亨個街市,街市好大,都算幾旺吓,行咗輪1622各自離開,返回單車場1635.

回家1640.老婆個女在家,我就累得要C,攤床瞌吓.

成6點鐘老婆來叫落街食,唉!好唔願就是但啦.

落到商場,佢哋選擇食薩莉亞,無戴假牙我,都係求其食些少,能食的食些算.

餐後個女找數,之後行陣惠康,無買嘢返歸.

回家三口子在家,我都早點沖涼,涼後話之你,做我睡前一切,上床寫blog瞓覺.