昨晚寫輪blog11點鐘瞓,夜夜未能著,到醒0337醒去所,所後再瞓0550夢醒,夢見走咗去買菜?賴床0815起床.
起來新抱忙返工,我就辦埋件事洗過面,早餐無麵包,老婆亦起床,諗吓?都係懶搞,一於出街食.
辦妥今早事務,0925同老婆出門,落到大家樂高棚滿座,於是走去百份百,兩個餐合共85蚊.
回家1125,睡不好,我又走去攤床yt瞌吓.
一瞌一睇又3點多鐘,嫲嫲湊B放學返,我就烘3個包齊齊食,吃後衰豬又話要食煎蛋?嫲嫲又煎過佢食,吃後1605衰豬要去瞓覺.
1645嫲嫲叫B起來做功課,衰豬相當難叫?剛好佢老豆返,咁就由佢老豆叫到夠?
佢老豆返帶有淘寶嘢返,有我買嗰件平板托架.
架到立即試吓,以為夾住張枱瞓覺用?原來係太軟支撐唔起?
還好有計,加條木條上格床底,啱啱好,還可以推左推右,兩邊床可用,1926總算搞掂,舊有月曆平板架步,掉得.
搞掂攤床試睇輪yt,唔錯,唔錯.
2017叫開飯,嫲嫲煲有鵪鶉老火湯,嫲嫲個B我三個人食.
個B老豆沖涼佢娘夜返留湯飯餸.
